දිනපතා විභාගවන අදාළ අධිකරණයේ දී විභාගයට ගැනීම සඳහා නීතිපතිවරයා විසින් මේවන විට නඩු 5ක් තෝරාගෙන ඇති බවද පැවසේ.
අදාළ ත්‍රිපුද්ගල මහාධිකරණය කොළඹ උපරිමාධිකරණ සංකීර්ණය ඉදිරිපිට පිහිටි , මෙතෙක් රථවාහන අධිකරණය පිහිටි ස්ථානයේ මෙය ස්ථාපිත කිරීමට ආරම්භ කරන ලද ප්‍රතිසංස්කරණ කටයුතු මේවන විට අවසන් අදියරේ ඇති බවද වාර්තා වේ.
එහි ප්‍රතිසංස්කරණ කටයුතු සිදුකරනු ලැබුවේ නාවික හමුදාව විසින් වන අතර ඔවුන් එහි සියලු ප්‍රතිසංස්කරණ කටයුතු සිදුකර ලබන 12 වැනිදා එය අධිකරණ අමාත්‍යංශයට භාරදීමට නියමිතය.
අග විනිසුරුවරයා විසින් එම අධිකරණයේ කටයුතු වෙනුවෙන් මහාධිකරණ විනිසුරුවන් තිදෙනාද නම් කර තිබේ.
සභාපති විනිසුරු ලෙස සම්පත් අබේකෝන් මහතාත්, සම්පත් විජේරත්න හා චම්පා ජානකී සෙසු විනිසුරුවන් ලෙසත් පත්කර ඇත.
බරපතල මූල්‍ය වංචා විභාග කිරීමට අධිකරණ තුනක් සකස් කිරීමට නියමිත අතර එහි දෙවැන්න වත්තල ඉදිකිරීමට සැලැසුම් කර ඇති අතර එයද ලබන සැප්තැම්බරයේදි ආරම්භ කිරීමට නියමිතය.
