යාපනය කොකුවිල්හි පිහිටි ආවා කල්ලියේ වත්මන් නායකයා බවට සැකකෙරෙන අශෝකන් හෙවත්
අශෝක් කුමාර් නැමත්තාගේ නිවසටත් එම ප්රදේශයේම ආවා කල්ලියට සම්බන්ධ වූ තවත් පුද්ගලයින් දෙදෙනෙකුගේ නිවාස දෙකකට හා මාණිප්පායි පොලිස් වසමේ අනෙයිකොට්ටෙයි ප්රදේශයේ පිහිටි අවා සාමාජිකයෙකුගේ නිවසටද මෙම ප්රහාරයන් එල්ල වී ඇති බවට පොලීසිය කියා සිටියේය.
යතුරුපැදි 4 කින් මුහුණ වසාගත් අටදෙනෙකුගෙන් යුත් පිරිසක් කඩු ඇතුලු තියුණු ආයුද සමග පැමිණි මෙම පිරිස් විසින් ඊයේ සවස 5.15 සිට රාත්රි 10.30 දක්වා කාලය තුලදී නිවාස වලට පහරදීම සිදු කොට ඇති අතර ස්ථාන හතරෙම පිහිටි නිවාස වලට එකම කණ්ඩායම පහර දී ඇති බවට පොලීසිය විසින් අනාවරනය කොට ගෙන ඇත.
අදාල පහරදීමෙන් නිවාස හතරෙම කිසිදු පුද්ගලයෙකුට හානියක් සිදු නොවුනද නිවාසයන්හි තිබූ යතුරු පැදි , පාපැදි ,සන්නිවේදන උපකරණ, දොර ජනෙල් , ආදී උපකරණ වෙතට දැඩි හානි සිදුව ඇති බවට අනවාරනය වී ඇත.
ආවා කල්ලියේ අශෝකන් නැමත්තා මේ දින වල සැගවී ඇති අතර ඔහු සෙවීමේ පොලිස් පරික්ෂණ සිදුවන අතරවාරයේ මෙම පහරදීම සිදුව ඇති අතර ආවා කල්ලිය හෝ ධනු රොක් කල්ලිය අතර පවතින ගැටුම හේතුවෙන් මෙම පහර දීම ධනු රොක් කල්ලියේ පහරදීමක් බවට පහරදීම සම්බන්ධයෙන් පරික්ෂණ සිදු කරන යාපනය පොලීසිය සැක පල කොට සිටියේය.
– වන්නි රොමේෂ් මධුෂංඛ
Posted in: slide
