එම වාර්තාවට අනුව 2016 වනවිට ශ්‍රී ලංකාව ආපදා අවදානමේ 98 වැනි ස්ථානයේ පසුවිය. එය
අනතුරුදායක තත්ත්වයක් නොවූවද 2018 වනවිට 4 වැනි ස්ථානය දක්වා ඉහළට පැමිණ ඇත.
එය ඉතා අවදානම් තත්ත්වයක් බවත් ජලය වැඩි බව, ජලය හිඟ බව, සුළි සුළං හා මුහුදුකෑම ආදිය නිසා ශ්‍රී ලංකාව එලෙස අවදානම් තත්ත්වයට පත්වීමට හේතු වී ඇති බව මේ පිළිබඳ අදහස් දැක්වූ වාරිමාර්ග, ජල සම්පත් හා ආපදා කළමනාකරණ අමාත්‍ය පාලිත රංගේ බණ්ඩාර මහතා අවධාරණය කළේය.
ශ්‍රී ලංකාව තවදුරටත් ආපදා අවම වූ ආරක්ෂිත රටක් ලෙස සිතා කටයුතු කළ නොහැකි බව 'ජර්මන් වොච්' ආයතනයේ අනතුරු හැඟවීමෙන් අවධාරණය කෙරෙන බවද හෙතෙම කීවේය.
(මව්බිම)
