ජනාධිපති මෛත්‍රිපාල සිරිසේන මහතා සහ අධිකරණ හා බන්ධනාගාර ඇමැති තලතා අතුකෝරළ මහත්මියගේ ප්‍රධානත්වයෙන් ජනාධිපති ලේකම්
කාර්යාලයේදී රැස්‌ වී ඇති එම කමිටුව සඳහා අධිකරණ බන්ධනාගාර සහ නීති ක්‌ෂේත්‍රයේ නියෝජිතයෝ කිහිප දෙනෙක්‌ සහභාගි වී ඇත.
මත්ද්‍රව්‍ය වැරදි සඳහා මරණ දඬුවම නියම වී සිටියදී තවදුරටත් එවැනි වැරදි ක්‍රියාවල නිරත වන පුද්ගලයන් සඳහා මරණ දඬුවම ක්‍රියාත්මක කිරීමට අවශ්‍ය නීතිමය පසුබිම පිළිබඳව සොයා බලන ලෙස ජනාධිපතිවරයා එහිදී කමිටුව හමුවේ උපදෙස්‌ ලබාදී තිබේ.
ඒ සඳහා අවශ්‍ය නිර්දේශ ඉක්‌මනින් සකස්‌ කර ලබාදෙන ලෙසත් එවැනි පුද්ගලයන්ට එරෙහිව මරණ දඬුවම ඉක්‌මනින් ක්‍රියාත්මක කිරීමට අවශ්‍ය පරිදි අදාළ කටයුතු සම්පාදනය කරන ලෙසත් ජනාධිපතිවරයා උපදෙස්‌ ලබාදී ඇත.
