ශුද්ධ වූ සන්ධානයක් වශයෙන් ඒකාබද්ධ විපක්ෂය කටයුතු කරන බවත්, එහි මන්ත්‍රීවරුන් පාතාල සාමාජිකයන් සමග කටයුතු කරන්නේ නම් ඒ බව පෙන්වා දෙන ලෙස ජනතාවගෙන් ඉල්ලා සිටින බවත් හෙතෙම සඳහන් කළේය.
බොරැල්ල ඇන්.ඇම්. පෙරේරා කේන්ද්‍රයේ පැවති මාධ්‍ය හමුවකදී ඒ මහතා වැඩිදුරටත් සඳහන් කළේ ෆීල්ඩ් මාර්ෂල් සරත් ෆොන්සේකා මහතා පාතාලය සමග ගනුදෙනු කරන බවට පිළිගෙන තිබෙන බවත්, ඔහුට විරුද්ධව නීතිය ක්‍රියාත්මක කිරීම වගකිවයුතු අංශවලට පැවරෙන බවත්ය.
