අස්වැන්නක් සහිත සහල් නිෂ්පාදනයට විශේෂ ස්ථානයක් හිමිව ඇති බවත් පෙන්වා දුන් අමාත්‍යවරයා ජනතාවගේ නීරෝගිභාවය ඉහළ නැංවීම උදෙසා තිරිඟු පිටි ආනයනය අධෛර්යමත් කළ යුතු බවද පෙන්වා දුන්නේය.
අමාත්‍යවරයා ප්‍රකාශ කර සිටියේ මෙවර යල කන්නයේදී වී මෙට්‍රික් ටොන් 120,000ක් ගොවීන්ගෙන් මිලටගැනීම සඳහා රුපියල් මිලියන 1.4ක මුදල් ප්‍රතිපාදන රජය මගින් මේ වනවිට වෙන් කර ඇති බවයි.
එහිදී තෙතමනය 14%ක් හා බොල් වී 9%ට අඩු ප්‍රමිතියෙන් යුත් වී මිලට ගැනීමට තීරණය වී ඇති අතර, පී.එම්.බී. රයිස් නමින් වී අලෙවි මණ්ඩලය විසින් වෙළෙඳපොළට සහල් නිකුත් කෙරෙනු ඇති බවත් පැවසූ අමාත්‍යවරයා එම සහල් නිකුත් වීමත් සමග වැඩි මිලට විකිණෙන අනෙකුත් සහල්වල වෙළෙඳ පොළ මිලනිරායාසයෙන් පහළ යනු ඇති බවත් පෙන්වා දුන්නේය.
මෙම ක්‍රියාවලියත් සමග රජයේ සෑම වී ගබඩාවක් සඳහාම වී වියළි කිරීමේ යන්ත්‍ර සවි කිරීමට කටයුතු කෙරෙන බවත්, ඒ අනුව අදාළ යන්ත්‍ර සවි කරමින් වී කිලෝග්‍රෑමයකට මුදල් අය කෙරෙන ලෙස ඊට සම්බන්ධවීමට පෞද්ගලික අංශයට ආරාධනා කරන බවත් හෙතෙම පැවසීය.
