මන්ත්‍රීවරයා පෙන්වා දී ඇත්තේ දෙමළ සංස්‌කෘතියට අනුව මළ ගෙවල්වලදී අධික ලෙස රතිඤ්ඤා
දැල්වීමෙන් අධික ලෙස ශබ්ද දූෂණය සිදුවන බවයි.
මියගිය අයගේ පවුල්වල ඥාතීන් දැඩි දුකකින් සිටින අවස්‌ථාවක රතිඤ්ඤා අධික ලෙස දල්වන විට සෙසු පිරිස ඔවුන්ගේ දුක පිළිබඳව කිසිදු සැලකිල්ලක්‌ නොදක්‌වන බව පෙනී යැමට ඉඩ ඇති නිසා රතිඤ්ඤා දැල්වීම තහනම් කළ යුතු බවට සිවයෝගන් මන්ත්‍රීවරයා යෝජනා කොට තිබේ.
මියගිය පුද්ගලයාගේ අවසන් කටයුතු සිදුවන දිනයේදී රතිඤ්ඤා විශාල ප්‍රමාණයක්‌ දල්වන බව පෙන්වා දෙන මන්ත්‍රීවරයා එම රතිඤ්ඤා දැල්වීමේ කටයුත්ත කුඩා ළමුන් අතට පත් කිරීම නිසා ඔවුන් රතිඤ්ඤා දල්වන්නේ කිසිදු ශෝකයකින් නොව මඟුල් ගෙදරක ආකාරයට යැයි මන්ත්‍රීවරයා පෙන්වා දෙයි.
දේහය රැගෙන යන අවස්‌ථාවේදී කිසිඳු වග විභාගයකින් තොරව මහා මාර්ගයේ රතිඤ්ඤා දැල්වීම නිසා අනතුරු සිදුවීම පමණක්‌ නොව විශාල පිරිසකට එය හිරිහැරයක්‌ බවද පෙන්වා දී තිබේ.
මන්ත්‍රීවරයා විසින් ඉදිරිපත් කරන ලද යෝජනාව ස්‌ථිර වී ඇතත් එම යෝජනාව ක්‍රියාත්මක කිරීමට පෙර ඒ සම්බන්ධයෙන් පළාත් සභාවේදීත් තවත් විශේෂ පුද්ගලයන් සමගත් සාකච්ඡා කළ යුතුව ඇතැයි උතුරු පළාත් සභාවේ සභාපති සී. වී. කේ. ශිවඥානම් මහතා දැනුම් දී තිබේ.
