මීට දින කිහිපයකට පෙර එම ප්‍රදේශයේදී මඬේ එරී මියගිය වයස අවුරුදු 08 ක් පමණ වයසැති අලි පැටවෙකුගේ මළසිරුරක් ප්‍රදේශවාසීන්ට හමුවී තිබුණි.
රාත්‍රී කාලයේ ආහාර සොයා පැමිණෙමින් සිටියදී මේ අලි පස් දෙනාද ඒ අන්දමට මඩ සහිත වඟුරු බිමේ එරී ආපසු ගොඩට යාගත නොහැකි වී මිය යාමට ඇතැයි වනජීවි නිලධාරීහු කීහ.
මිය ගිය අලි පස් දෙනාගේ මළසිරුරු සම්බන්ධයෙන් පශ්චාත් මරණ පරීක්‍ෂණ අද ඉරිදා (02) දිනයේ පැවැත්වීමට නියමිත බව ගිරිතලේ වනජීවි පුහුණු කේන්ද්‍රයේ පශු වෛද්‍ය නිලධාරීහු ප්‍රකාශ කළහ.
