හිටපු ජනාධිපති මහින්ද රාජපක්‍ෂ මහතා ශ්‍රී ලංකා නිදහස් පක්‍ෂයේ සභාපතිවරයා ලෙස සලකන නියෝගයක් නිකුත් කරන්නැයි ඉල්ලමින් ශ්‍රී ලංකා
නිදහස් පාක්‍ෂිකයන් දෙදෙනෙකු විසින් ඉදිරිපත් කර තිබූ පෙත්සමක් කොළඹ දිසා අධිකරණය විසින් නිශ්ප්‍රභ කිරීමට එරෙහිව බස්නාහිර පළාත් සිවිල් අභියාචන මහාධිකරණයට ඉදිරිපත් කර තිබූ ප්‍රතිශෝධන අයදුම්පත්‍රයක් මෙලෙස විභාගයට නොගෙන නිශ්ප්‍රභ කළේය.
බස්නාහිර පළාත් සිවිල් අභියාචන මහාධිකරණ විනිසුරුවරුන් වන මනිලාල් වෛද්‍යතිලක සහ ඩී.එන්. සමරකෝන් යන මහත්වරුන්ගෙන් සමන්විත විනිසුරුවරු මඬුල්ලක් විසින් අදාළ නියෝගය ප්‍රකාශයට පත් කරනු ලැබීය.
ශ්‍රී ලංකා නිදහස් පක්‍ෂයේ මධ්‍යම කාරක සභිකයන් වන බොරලැස්ගමුව නගාරාධිපති අනුර ප්‍රියශාන්ත සහ නාගරික මන්ත්‍රී අසංක නන්දන ශ්‍රීනාත් යන මහත්වරුන් විසින් ඉදිරිපත් කර ඇති මෙම පෙත්සමේ වගඋත්තරකරු වශයෙන් ශ්‍රී ලංකා නිදහස් පක්‍ෂයේ මහලේකම්වරයා නම් කර තිබිණි.
Posted in: slide
