සිමෙන්ති මිල ඉහළ යයි

මෙරට නිෂ්පාදනය කරන සිමෙන්ති වර්ග දෙකක මිල ඉහල නැංවීමට පාරිභෝගික සේවා අධිකාරිය අවසර ලබාදී ඇති බව වාර්තා වේ.

එහි සභාපති හසිත තිලකරත්න මහතා කියා සිටියේ පසුගිය බදාදා සිට ක්‍රියාත්මක වන පරිදි දේශීයව නිෂ්පාදනය කරන කිලෝග්‍රෑම් 50 සිමෙන්ති කොට්ටයක මිල රුපියල් 30කින් ඉහල නැංවීමට අවසර ලබාදුන් බවයි.

ඒ අනුව රුපියල් 930ක්ව පැවති කිලෝග්‍රෑම් 50
සිමෙන්ති කොට්ටයක නව මිල රුපියල් 960ක් දක්වා ඉහළ ගොස් ඇත.

සිමෙන්ති නිෂ්පාදනය සඳහා අමුද්‍රව්‍ය ශ්‍රී ලංකාවට ආනයනය කිරීමේදී අධික පිරිවැයක් දැරීමට සිදුවීම හේතුවෙන් දේශිය සමාගම් මෙලෙස මිල වැඩි කිරීම සිදුකර තිබේ.