දැනට මැතිවරණ ක්‍රම තුනක් ඔස්සේ පාර්ලිමේන්තු, පළාත් සභා සහ පළාත් පාලන ආයතන සඳහා ඡන්දය පවත්වන බවයි ඔහු පෙන්වා දෙන්නේ. හිතුවක්කාර
ලෙස ඡන්ද ක්‍රමය වෙනස් කිරීමේ ප්‍රතිඵලය මෙය බවයි ඔහු පවසන්නේ.
පසුගිය පළාත් පාලන ආයතන ඡුන්ද විමසීමෙන් පසු මතු වූ ගැටළුකාරී තත්වයන් පිළිබඳ කළ විමසීමකදී දිනේෂ් ගුණවර්ධන මන්ත‍්‍රීවරයා මේ බව කියා සිටියා.
මේ අතර එක්සත් ජාතික පක්‍ෂය ඊයේ (30) පැවැත්වූ මාධ්‍ය හමුවකට එක් වූ පාර්ලිමේන්තු මන්තී‍්‍ර හිරුණිකා පේ‍්‍රමචන්ද්‍ර පැවසුවේ පළාත් පාලන මැතිවරණ ක‍්‍රමයේ වෙනසක් සිදුකළ යුතු බවට සිය පක්‍ෂයේ මන්තී‍්‍රවරුන්ද අගමැතිවරයාගෙන් ඉල්ලීමක් කර ඇති බවයි.
"අපි අගමැති තුමාගෙන් මේ ඡන්ද ක්‍රමය වෙනස් කරන්න කියල ඒකමතිකව ඉල්ලීමක් කළා. අගමැතිතුමාත් ඊට සම්පූර්ණ එකඟතාවය පළකළා ඒ ඉල්ලීමට. ඒ වෙනස සිදු වියයුතුයි කියල එතුම ඒ වෙලාවේ කිව්වේ. මේක අපි විතරක් නෙවෙයි දිනපු පොහොට්ටුවේ අයත් කැමති නැහැ." යැයි ඇය වැඩිදුරටත් පැවසුවා.
