පී. මුදිත සුරංග හේරත් අ/හුරුළුවැව වම් ඉවුර මහ විද්‍යාලයේ සිටි දක්‍ෂතම ශිෂ්‍යයා වූ අතර ඔහු පාසලේ ශිෂ්‍ය නායකයා ද විය. ඔහුගේ මව ගුරුවරියක වූ අතර
පියා විශ්‍රාමික රජයේ සේවකයෙකි. දරුවන් තිදෙනකුගෙන් යුත් පවුලේ බාලයා වූයේ ඔහුය.
එහෙත් ඉතා අවාසනාවන්ත ලෙස මෙම සිසුවා පසුගිය ජනවාරි මාසයේ පස්‌වැනි දින රාත්‍රියේ සුළු කෙඳිරි ගෑමකින් පසු මවගේ උකුල මතම මිය ගියේය. එදින රාත්‍රියේම නිවස ඉදිරිපිට ඇති යකල්ල රෝහලට ඔහු රැගෙන ගිය ද ඒ වන විටත් ඔහු මරණයට පත් වී ඇති බව තහවුරු විය. මරණයට හේතුව මෙතෙක්‌ අනාවරණය වී නොමැත.
මෙම දරුවාගේ තුන් මාසයේ පිංකම ලබන මස පහ, හය දිනවල පැවැත්වේ.
Posted in: slide
