ඥනසාර හිමිට ඇප… වරෙන්තුව ආපසු කැඳවයි

අත්අඩංගුවට ගැනීමට වරෙන්තු නිකුත් කොට තිබියදී ඊයේ (21 වැනිදා) අධිකරණයට පැමිණ භාර වූ බොදුබල සේනා සංවිධානයේ මහ ලේකම් ගලගොඩඅත්තේ ඥනසාර හිමි රුපියල් 2500 ක මුදල් ඇපයක්‌ මත මුදාහැර වරෙන්තුව ආපසු කැඳවීමට කොළඹ ප්‍රධාන මහෙස්‌ත්‍රාත් ලාල් රණසිංහ බණ්‌ඩාර මහතා නියෝග කළේය.

අධිකරණය හමුවේ පවරා තිබූ නඩුවකට පෙනී නොසිටීම නිසා එහිමියන් අත්අඩංගුවට ගැනීමට අධිකරණය පසුගිය 15 වැනිදා වරෙන්තු නිකුත් කොට තිබිණි.

පොළොන්නරුව ප්‍රදේශයේ පැවැති රැස්‌වීම් දෙකකදී ඉස්‌ලාම් ධර්මයට හා කුරාණයට අපහාස වන අයුරින් ප්‍රකාශ කළේ යෑයි කියන සිද්ධියක්‌ සම්බන්ධයෙන් ලැබුණ පැමිණිල්ලක්‌ අනුව පරීක්‌ෂණ පැවැත්වූ සංවිධානාත්මක අපරාධ නිවාරණ කොට්‌ඨාසය එම නඩුව පවරා තිබිණි.
gossip lanka