ජලසම්පාදන හා ජලාපවහන මණ්ඩලය විසින් දැනට ලීටර් 1000ක් රුපියල් 12ක් වැනි අඩු මුදලකට ලබාදුන්නද, වෙළෙඳපොළේ ජල ලීටරයක් රුපියල් 70ක් පමණ වන බව ඇය ඊයේ (20) කොළඹදී පැවති මාධ්‍ය හමුවක දී කියා සිටියා.
ජල ගාස්තු වැඩිකරන මිළ ගණන් පිළිබඳව මේ දක්වා ස්ථිර තීරණයකට එළඹ නැති බවයි ඇමතිවරිය සඳහන් කළේ.
නගර සැලසුම් හා ජලසම්පාදන අමාත්‍යංශ ලේකම් සරත් චන්ද්‍රසිරි විතාන එහිදී පෙන්වා දුන්නේ පානීය ජල ලීටර් 1000ක් නිපදවීම සඳහා කළමනාකරණ හා මෙහෙයුම් ගාස්තු වශයෙන් රුපියල් 49ක පිරිවැයක් දැරීමට සිදුවන බවයි.
ණය වාරික සහ පොළිය එකතුකර බැලූවිට ජල ලීටර් 1000ක් නිපදවීම සඳහා රුපියල් 150ක පමණ වියදමක් දැරීමට සිදුවන බවද ලේකම්වරයා එහිදී සඳහන් කළා.
