ඩුබායිහි සැඟවී ලංකාවේ පාතාල වැඩ දැමූ දිල්ෂාන් කුදලන් එයි!

මිනීමැරුම්, කප්පම් ගැනීම්, මත්ද්‍රව්‍ය ජාවාරම් ඇතුළු අපරාධවල නිරතවෙමින් ඩුබායි රාජ්‍යයේ සැඟවී සිටි පාතාල අපරාධකරුවකු බව කියන ගීත්මාල් බිනෝයි දිල්ෂාන් නමැත්තා අපරාධ පරීක්ෂණ දෙපාර්තමේන්තුවේ නිලධාරීන් පිරිසක් විසින් ඩුබායි රාජ්‍යයේ සිට ඊයේ (29දා) අලුයම මෙරටට රැගෙන එනු ලැබීය.

මෙම අපරාධකරුට එරෙහිව නිකුත් කර තිබූ ජාත්‍යන්තර පොලිසියේ රතු වරෙන්තුවට අනුව ඩුබායි පොලිසිය විසින් මොහු අත්අඩංගුවට ගෙන තිබිණ.

පසුව ඩුබායි රාජ්‍ය වෙත ගිය අපරාධ පරීක්ෂණ දෙපාර්තමේන්තුවේ නිලධාරීන් පිරිසක් විසින් මෙම පාතාල ප්‍රබලයා සිය භාරයට ගෙන ඊයේ අලුයම 5.05ට මෙරටට රැගෙන එන ලදී.

මතුගම ශාන් නමැති පාතාල නායකයාගේ සමීපතම ගෝලයකු බව කියන බිනෝයි දිල්ෂාන් නමැත්තා මීට කලකට පෙර ශ්‍රී ලංකාවෙන් පැනගොස් ඩුබායි රාජ්‍යයේ සැඟවී සිටියේය. මොහු ඩුබායිහි සැඟවී සිටිමින් මෙරට මත්ද්‍රව්‍ය ජාවාරම් ඇතුළු විවිධ අපරාධ මෙහෙය වූ බව පොලිසිය පවසයි.

ඉකුත් 2017 වසරේ සිට මොහු මතුගම ශාන් නමැති පාතාල නායකයාගේ කල්ලිය සමග සමීප සබඳතා පවත්වමින් විවිධ අපරාධවල නිරත වී ඇති බවද පොලිසිය පවසයි.

2017 වර්ෂයේ ජනවාරි 17 වැනිදා මතුගමදී පුද්ගලයකුට මන්නා පිහියකින් පහර දී බරපතළ තුවාල සිදු කිරීම, 2019 මැයි 31 වැනිදා පුද්ගලයකුට පහරදී බරපතළ තුවාල කර ත්‍රිරෝද රථයක් පැහැරගෙන යෑම, 2020 වසරේ ජූලි 11 වැනිදා හෙරොයින් සමග පොලිස් අත්අඩංගුවට පත්වීම, 2021 දෙසැම්බර් 16 පුද්ගලයකුට පහර දී ත්‍රිරෝද රථයක් පැහැරගෙන යෑම සම්බන්ධයෙන් මොහුට එරෙහිව චෝදනා එල්ල වී ඇත.

ඊට අමතරව කප්පම් ගැනීම්, මිනීමැරුම්, මත්ද්‍රව්‍ය ජාවාරම් සම්බන්ධයෙන්ද මොහුට එරෙහිව චෝදනා එල්ල වී තිබෙන බව පොලිසිය පවසයි.

සැකකරු මතුගම පොලිසිය වෙත භාරදීමට නියමිතය.

හේමන්ත රන්දුණු, ටී.කේ.ජී. කපිල

කෝටි 10ක දේපළ ඉක්ම­නින් අයිති කර­ගැ­නී­මට ඥාති දිය­ණි­යයි සැමි­යයි විශ්‍රා­මික ගුරු­ව­රි­යට ඇට­ බිඳෙන තුරු පහ­ර­දීලා!

තෑගි ඔප්පු­වෙන් පැවරූ කෝටි 10ක් පමණ වටිනා දේපළ ඉක්ම­නින් අයිති කර­ගැ­නී­මට උත්සා­හ­යක යෙදුණ ඥාති දිය­ණි­යයි සැමි­යයි දේපළ හිමි ඥති විශ්‍රා­මික ගුරු­ව­රි­යව කුස­ගින්නේ තබා නිවෙසේ කාම­ර­ය­කට දමා දොර වසා ක්‍රෑර ලෙස පොලු­ව­ලින් පහ­රදී බර­ප­තළ තුවාල සිදු කිරීමේ සිද්ධි­යක් සම්බ­න්ධව ඇන්ඳාන පොලි­සි­යට 24 දා පැමි­ණි­ල්ලක් ලැබී ඇතැයි පොලි­සිය පව­සයි.

පොලු­ව­ලින් පහර දීම නිසා බර­ප­තළ ලෙස තුවාල ලැබූ රක්වාන, පන්නිල පදිංචි විශ්‍රා­මික ගුරු­ව­රි­යක් වන 74 හැවි­රිදි ඩී.ජී. ලීලා­වතී මහ­ත්මිය කහ­වත්ත මූලික රෝහ­ලට ඇතු­ළත් කර ඇත. ඇයගේ තත්ත්වය අසාධ්‍ය බැවින් කහ­වත්ත රෝහ­ලින් රත්න­පුර ශික්‍ෂණ රෝහ­ලට යවා ඇත.

වසර 32ක් පමණ ගුරු සේවයේ යෙදුණ තමා අවි­වා­හක බවත් තමාට ඉඩම් රත්රන්, මුදල් හා කෝටි 10ක් පමණ දේපළ හිමි බව ඇය පව­සයි. තමා අවි­වා­හක නිසා දැනට පදිං­චිව සිටින්නේ තමාගේ සහෝ­ද­ර­යෙ­කුගේ දිය­ණි­යත් ඇයගේ පුරු­ෂ­යාත් දරු­වන් දෙදෙ­නාත් සමඟ යැයි පැවසූ ඇය සහෝ­ද­ර­යාගේ දිය­ණිය හා ඇයගේ පුරු­ෂයා තමාට මුල් අව­ස්ථාවේ සැලකූ නිසා ඇය කෙරෙහි විශ්වා­සය තබා තමාට හිමි දේපළ තෑගි ඔප්පු­ව­කින් ඇයට ලියා­දුන් බව ඇය පව­ස­න්නට වූවාය. මෑත කාල­යක පටන් තම ඥාති දිය­ණි­යත් ඇයගේ පුරු­ෂ­යාත් තමාට වෙන­ස්කම් කිරී­මට පටන් ගත් බව ඇය පව­සයි.

දින ගණ­නා­වක් හරි­හැ­ටි­යට කෑමට ආහාර ලබා නොදුන් තම ඥාති දිය­ණිය සිද්ධිය වූ දින ඉකුත් 24 වැනිදා සවස 2.00ට පමණ ඥාති දිය­ණි­යගේ දරු­වන් නිවෙසේ නොසිටි අව­ස්ථාවේ ඇයගේ සැමියා සමඟ තමාව කාම­ර­ය­කට දමා බිමට තල්ලු­කර පොලු­ව­ලින් පහර දුන් බව පව­සන ලීලා­වතී මහ­ත්මිය තම දේප­ළ­වල අයි­තිය ඉක්ම­නින් අයි­ති­කර ගැනීම සඳහා මෙවැ­න්නක් කර­න්නට ඇතැයි සිතන බවත් දින ගණ­නක් නිසි අහ­රක් නැතිව කාම­රය තුළ සිටි­යදී අස­ල්වා­සීන්ගේ දැනුම් දීමක් අනුව නිවෙ­සට පැමිණි ඇන්ඳාන පොලි­සියේ නිල­ධා­රීන් කාම­රයේ දොර විවෘත කර පිට­තට ගෙන තමාව කහ­වත්ත මූලික රෝහ­ලට ගෙන ගොස් ඇතු­ළත් කළ බවත් පසුව කහ­වත්ත මූලික රෝහ­ලින් රත්න­පුර ශික්‍ෂණ රෝහ­ලට යැවූ බව වැඩි­දු­ර­ටත් පැව­සු­වාය.

ලීලා­වතී මහ­ත්මි­යට ඇඳෙන් නොබ­සින ලෙස වෛද්‍ය­ව­රුන් ලබා­දුන් උප­දෙස් අනුව රත්න­පුර ශික්‍ෂණ රෝහලේ අංක 30 වාට්ටුවේ ප්‍රති­කාර ලබ­මින් සිටියි.

(එන්.පී. රාජ­දොරේ)

වැයපස ඉහළ යන ඉවසීමෙන් ක්‍රියාකළ යුතු දිනයක්: අද දවස ඔබට කොහොමද?

2024.08.30 සිකුරාදා

මේෂ :

විමර්ශනශීලීව ක්‍රියා කළ යුතු දිනකි. රාජකාරි මෙන්ම අමතර ක්‍රියාකාරකම් ද බහුල වෙයි. සතුරු බලපෑම් එල්ල වීමට ඉඩ ඇති නිසා බුද්ධිමත් වීම මැනවි. ප්‍රීති උත්සව සාද වැනි දේවල් යෙදේ. සෙම් කෝප රෝග, උෂ්ණ රෝග මතුවේ.

වෘෂභ :

ලිපි ලේඛනවලින් ජය ගෙනදෙන අතර සම්මුඛ සාකච්ඡා වැනි දේවලට ශුභයි. නව නිර්මාණ ඇරඹීමට ද ශුභයි. ඇසුරු කරන්නන් නිසා තරමක් මනස චංචල වන ක්‍රියා යෙදේ. දෙවරක් සිතා තීරණගත යුතුය. කාස රෝග, උෂ්ණ රෝග මතුවේ.

මිථුන :

ශුභා ශුභ මිශ්‍රඵල දෙයි. තරමක් ගමන් බිමන්ද බහුල වන අතර, මහජන සබඳතා වර්ධන කටයුතුවල යෙදෙන අතර තරමක් වැයපස ද ඉහළ යයි. ප්‍රීතිසාද යෙදේ. නව වැඩ ද අරඹයි. රක්ත වාත රෝග, කුෂ්ඨ රෝග මතු කරයි.

කටක :

ක්‍රියාකාරී දිනකි. උත්සව සාද යෙදේ. නව නිර්මාණ කරණයට හේතුයි. මහජන සබඳතාවල යෙදේ. ප්‍රසාදයට පත්වන අතර තරමක් වැය පස ඉහළ යයි. ගමන් බිමන්ද බහුල දිනකි. සිරස ගත රෝග පාද ආබාධ ගෙනදෙයි.

සිංහ :

තරමක් අලස ගති ඉස්මතු කරයි. දවසේ සැලසුම් ක්‍රියා අඩපණ වෙයි. ආවේගශීලී ගති උපදවන බැවින් ඉවසීමෙන් ක්‍රියාකළ යුතු දිනකි. වැයපසද ඉහළ යෑමෙන් සිත් චංචල වේ. සිරසගත රෝගවලට හේතුයි.

කන්‍යා :

තරමක් ශුභවාදී ඵලදෙයි. තම අරමුණු තරමක් සාර්ථක කරගනී. රැකියාවල ප්‍රබෝධයෙන් යෙදේ. දුරස්ථව සිටි ඥාතීන් සමීප කරවන ක්‍රියා යෙදෙන අතර ඔවුන්ගේ වැය පසද ඉහළ යයි. සෙම් බහුල රෝග මතු කරන දිනකි.

තුලා :

ශුභා ශුභ මිශ්‍රඵල ගෙනදෙයි. වෙහෙසව ක්‍රියාකිරීමට සිදුවන අතර තරමක් ආවේගශීලී ගති මතු කරයි. ඉවසීමෙන් දින චර්යාව ගත කළ යුතු අතර හදිසි ධන වාසනා එල්ල වීමටද නියමිතය. වාතාධික රෝග ඉස්මතු වෙයි.

වෘශ්චික :

ශුභා ශුභ ඵල දෙන දිනකි. ගමන් බිමන්වලදී ප්‍රවේශම ද මැනවි. රැකියාවල දිරිමත්ව ක්‍රියාකරයි. සතුරු බලවේග දමනය වේ. මෞත්‍ර ලිංගික පද්ධතියේ රෝග මත පීඩා මතුකරයි. වැයපස වඩාත් ඉහළ යන දිනකි.

ධනු :

ශුභා ශුභ ඵල දෙයි. තම ඥාති මිත්‍රාදීන් ඒකරාශීව ක්‍රියාකරයි. තම නිවස උත්සවශ්‍රියාවක් ද මතු කරයි. චාරිත්‍ර වාරිත්‍ර වලට ගරු කරන දිනකි. දහමට ළැදිව ක්‍රියා කරන දිනකි. ඉදිමුම් රෝග, වාත රෝග මතුකරයි.

මකර :

ක්‍රියාශීලී දිනකි. තම ඥාති මිත්‍රාදීන් වෙනුවෙන් ගරු කිරීම් යුතුකම් ඉටු කිරීම් වැනි දේවලට හේතුයි. විනෝදාත්මක ක්‍රියාවන්ට යොමු වෙයි. ආගමික වතාවත් වලට මුල් තැන දෙයි. උෂ්ණාධික රෝග, හදිසි රෝගවලට හේතුයි.

කුම්භ :

ක්‍රියාශීලී දිනකි. තම ඥාති මිත්‍රාදීන් පිරිවරා කටයුතු කරයි. චාරිත්‍ර සිදු කරයි. තම නිවස උත්සවශ්‍රියාවක් ගෙනදෙයි. ඥාතීන් අතර ප්‍රධාන වෙයි. ආගමික වතාවත්ද ගරු කරයි. අත පය ඉදිමුම් හිරිවැටීම් වැනි දේට හේතුයි.

මීන :

ප්‍රබෝධයෙන් රාජකාරි කටයුතුවල යෙදේ. උත්සව සැණකෙළි ආදියට සහභාගි වෙයි. ඥාති මිත්‍රාදීන් සමග සුහදතා වර්ධන කටයුතුවල යෙදේ. ආගමික වතාවත්ද ගරුකර දවස ගෙවයි. බඩවැල් ආශ්‍රිත රෝග මතුවේ.

වෙඩි­ක්ක­රුට එක් ලක්ෂ පනස් දහ­සයි , රියැදුරුට ලක්ෂ දෙකයි.. අතුරුගිරියම කැළඹූ ක්ලබ් වසන්ත ඝාතන සිද්ධිය ගැන තවත් විශේෂ අනාවරණයක්!

ඉකුත් ජූලි මස අට­වෙනි දින සිදු කළ සුරේන්ද්‍ර නොහොත් ක්ලබ් වසන්ත ඝාත­නය සම්බ­න්ධ­යෙන් මේ වනවිටත් පර්‍යේෂන ක්‍රියාත්මක වෙනවා..

එම සිද්ධියට අදාළ අනෙක් වෙඩි­ක්කරු සහ තවත් පුද්ග­ල­යෙකු පාන­දුර පින්වත්ත ප්‍රදේ­ශයේ බස් නැව­තු­ම­කදී අත්අ­ඩං­ගු­වට ගත් බව පාන­දුර කොට්ඨාස අප­රාධ විම­ර්ශන අංශය පැවසුවා..

මෙලෙස අත්අ­ඩං­ගු­වට ගෙන ඇති අනෙක් පුද්ග­ලයා එම අප­රා­ධ­යෙන් අන­තු­රුව මෝටර් රථය පැදවූ රිය­දුරු වන අතර, විදේ­ශ­ග­තව සිටින ලොකු පැටි නැමැත්තා වෙඩි­ක්ක­රුට රුපි­යල් එක් ලක්ෂ පනස් දහ­සක මුද­ල­කුත් , රිය­දු­රට ලක්ෂ දෙකක මුද­ල­කුත් ඒවා ඇතැයි මූලික විම­ර්ශ­න­ව­ලදී අනා­ව­ර­ණය වී තිබෙනවා..

එම ඝාත­න­යෙන් අන­තු­රුව කඩ­ව­තට පැමිණි මොවුන් දෙදෙනා බස් රථ­යෙන් බෙලි­අත්ත කරා ගොස් ඇති බව පොලිස් විම­ර්ශ­න­ව­ලදී අනා­ව­ර­ණය වී ඇති අතර, අත්අ­ඩං­ගු­වට ගත් සැක­ක­රු­වන් දෙදෙනා වයස අවු­රුදු 32 හා 28 අතර පසු­ව­න්නන්... වෙඩික්­කරු හමුදා සෙබ­ලක් වන අතර අනෙක් පුද්ග­ලයා ධීව­ර­යෙක් බව පොලී­සිය පව­සනවා..

දිනමිණ පුවත්පත ඇසුරෙන්.. 

එංගලන්තය සමඟ දෙවන ටෙස්ට් තරගයට සහභාගි වන ශ්‍රී සංචිතය නම් කරයි

තරග 3කින් සමන්විත ශ්‍රී ලංකා, එංගලන්ත ටෙස්ට් ක්‍රිකට් තරගාවලියේ දෙවැනි තරගයට සහභාගි වන ශ්‍රී ලංකා සංචිතය නම් කර තිබෙනවා.

කුසල් මෙන්ඩිස් සහ විශ්ව ප්‍රනාන්දු වෙනුවට පැතුම් නිස්සංක සහ ළහිරු කුමාර සංචිතයට කැඳවා තිබෙනවා.

සිංගප්පූරු ජාතිකයෙකු විසින් මෙරටදී ජයටම කරගෙන ගිය විස්කි ස්කාගාරයක් වටලයි!

මහර කඩවත ප්‍රදේශයේ නිවසක සිංගප්පූරු ජාතිකයකු විසින් නිතීවිරෝධිව මහා පරිමා‍ණයෙන් පවත්වාගෙන ගිය විස්කි ස්කාගාරයක් වටලා එහි සේවයේ යෙදී සිටි පුද්ගලයන් දෙදෙනෙක්ද යුද හමුදා බුද්ධ අංශය මගින් අත්අඩංගුවට ගෙන ඇත.  

එම ස්කාගාරයේ සේවයේ යෙදී සිටි අවුරුදු 47ක සහ අවුරුදු 55ක පුද්ගලයන් දෙදෙනෙක් මෙසේ අත්අඩංගුවට පත්ව ඇති අතර ඔවුන් මීගමුව සහ පස්යාල ප්‍රදේශයේ පදිංචි කරුවන් වේ.

වැටලීමේදී මත්පැන් බෝතල් සීල් මැෂින් 02 ක්, ලීටරයේ විස්කි බෝතල් 54 ක්, හිස් ලීටරේ බෝතල් 70 ක්, ලීටර 25 හිස් කෑන් 09, ලීටර 500 හිස් බැරල් 06 ක්, ස්ප්‍රිට් (97%) ලීටර 133 ක්, ස්ටිකර් ලේබල් තොගයක් සහ හිස් මූඩි 725 ක් භාරයට ගත් බව යුද හමුදා බුද්ධි අංශ පවසයි.

"ඉටු නොවුණු බලාපොරොත්තුවක්... එයත් හීන දකින්න ඇති..." - ඔස්ට්‍රේලියාවේදී ශ්‍රී ලාංකික තරුණයෙක් සිරුරට ගිනි තබාගෙන සියදිවි නසා ගනී!

ඔස්ට්‍රේලියාවේ රැඳී සිටි  ශ්‍රී ලාංකික පුද්ගලයෙක්  සියදිවි නසාගෙන ඇතැයි ඔස්ට්‍රේලියානු මාධ්‍ය වාර්තා කරනවා.

මෙලෙස මෙල්බර්න් හිදී සිරුරට ගිනි තබාගෙන ඇත්තේ සරණාගත භාවය අපේක්ෂාවෙන් සිටි 23 හැවිරිදි තරුණයෙක්.

ඔහු 2013 වසරේදී ඔස්ට්‍රේලියාවට අනවසරයෙන් සංක්‍රමණය වූ පුද්ගලයෙක් බව සඳහන් ය.

සිය දෙමව්පියන් සමග මුහුදු මාර්ගයෙන් අනවසරයෙන් ඔස්ට්‍රේලියාවට පැමිණ ඇති මෙම තරුණයා තාවකාලික වීසා බලපත්‍රයක් මත එරට වසර 11ක් පමණ වාසය කර ඇති බව සදහන්.

ඔහු සරණාගත භාවය සඳහා මීට පෙර ඉල්ලුම් කර තිබුණද එය ප්‍රතික්ෂේප වී ඇති අතර ඒ හේතුවෙන් ඉතා කනස්සල්ලෙන් සිටි බවයි පැවසෙන්නේ.

මේ හේතුවෙන් ඔහු පෙරේදා රාත්‍රියේ සිය සිරුරට ගිනි තබාගෙන ඇති අතර රෝහල්ගතව සිටි ඔහු ඊයේ මියගොස් තිබෙනවා.

මුහුණු පොතේ සටහනක් තබා කාටත් රහසින් නික්ම ගිය, මාධ්‍යවේදිනිය... සිරුර හමු වූ තැන මෙන්න

බංග්ලාදේශයේ රූපවාහිනී නාලිකාවක මාධ්‍යවේදිනියක්වන සාරා රහනුමා (32) ඩකාහි වැවක මියගොස් සිටියදී ඊයේ (28) සොයා ගෙන ඇති බව විදෙස් මාධ්‍ය වාර්තා කරනවා.

ඩකා වෛද්‍ය විද්‍යාල රෝහලේ (DMCH) පොලිස් මුරපොල භාර පොලිස් පරීක්ෂකවරයා ඇයගේ සිරුර ගොඩගත් බව පවසා තිබෙනවා.

මෘත ශරීරය සම්බන්ධයෙන් වෛද්‍යවරයා පවසා ඇත්තේ, ඇය අලුයම 2.00ට පමණ මියගොස් ඇති බවයි.

මිය යාමට පෙර ඇය ඊයේ රාත්‍රියේ ෆේස්බුක්හි පණිවිඩයක් පළ කර තිබුණා.

"ඔබ වැනි මිතුරෙකු සිටීම සතුටක්. ඔබට සැමවිටම දෙවියන්ගේ ආශීර්වාදය ලැබේවා. ඔබ ඔබේ සියලු සිහින ඉක්මනින් ඉටු කර ගනියි කියා බලාපොරොත්තු වෙනවා. මම දන්නවා අපි එකට ගොඩක් සැලසුම් කළා. සමාවෙන්න, මට අපේ සැලසුම් ඉටු කරන්න බැහැ. ඔබේ ජීවිතයේ සෑම අංශයකටම දෙවියන් ඔබට ආශීර්වාද කරයි."

ඇය මීට පෙර සඳහන් කර ඇත්තේ, "මරණයට සමාන ජීවිතයක් ගත කරනවාට වඩා මියයාම හොඳයි." යනුවෙන්.

මේ අතර, සිද්ධිය වූ දින සාරා රැකියාවට ගිය නමුත් එදින රාත්‍රියේ ආපසු නිවසට නොපැමිණි බව ඇගේ සැමියා පවසා තිබෙනවා.

ඇයගේ සැමියා පවසා ඇත්තේ, සාරා ඔහුගෙන් වෙන්වීමට කලක සිට කැමැත්ත පළ කළ බවයි.

ඔවුන්ගේ දික්කසාදය අවසන් කිරීම සඳහා සැලසුම් කර තිබුණද, රටේ පවතින වත්මන් තත්ත්වය හේතුවෙන් ඔවුන්ට එය කිරීමට නොහැකි වූ බව ඇයගේ සැමියා පවසනවා.

සිද්ධිය සම්බන්ධයෙන් පොලිසිය පරීක්ෂණ පවත්වන බවයි වාර්තා වෙන්නේ.

කෙසේ වෙතත්, අගමැතිනි ෂීක් හසීනාගේ පුත් සජීබ් වසේඩ් ඇයගේ මරණයට දේශපාලන මුහුණුවරක් ලබා දෙමින් සඳහන් කර ඇත්තේ, මෙය එරට ප්‍රකාශනයේ නිදහසට එල්ල වූ “තවත් ම්ලේච්ඡ ප්‍රහාරයක්” බවයි.

මෙරට දරිද්‍රතාවය දෙගුණ වෙලා – හියුමන් රයිට්ස් වොච් සංවිධානයත් කියයි

2022 වසරේ දී ඇතිවු ආර්ථික අර්බුදය හේතුවෙන් මෙරට දරිද්‍රතාව දෙගුණ වී ඇති බව “හියුමන් රයිට්ස් වොච්” සංවිධානය පවසයි.

මේ වන විට ජනගහණයෙන් තුනෙන් එකක් ආහාර අනාරක්ෂිතභාවයෙන් පෙළෙන බව එක්සත් ජාතින්ගේ වාර්තා  පෙන්නුම් කරන බවද එම සංවිධානය පෙන්වා දෙයි.

නිවේදනයක් නිකුත් කරමින් එම සංවිධානය මෙම අදහස් පළ කර ඇත.

එම නිවේදනය මගින් ඔවුන් තවදුරටත් සඳහන් කරන්නේ එක්සත් ජාතින්ගේ සංවිධානයේ මහ කොමසාරිස්වරයා විසින් නිකුත් කර ඇති ආසන්නතම වාර්තාවෙන් මෙරට මූලික නිදහසට තවදුරටත් තර්ජන පවතින බවය.

ජාත්‍යන්තර හවුල්කාර පාර්ශ්වවලට ආර්ථික ප්‍රතිසංස්කරණ හා මානව හිමිකම් ආරක්ෂා කිරීමට අදාළව ප්‍රගතියක් අත්කරගෙන ඇති බවට පෙන්වා දීමට ශ්‍රී ලංකා රජය උත්සාහ දරමින් සිටින බවද හියුමන් රයිට්ස් වොච් සංවිධානය පෙන්වා දී තිබේ.

මෙරට මානව හිමිකම් තත්ත්වය විමර්ශනයටත් සාක්ෂි රැස්කිරීමටත් විවිධ ක්‍රම හරහා ඇති වන බාධා කිරීම් විමර්ශනයට ජාත්‍යන්තර ප්‍රජාවගේ මැදිහත්වීම සඳහා දැනට ඇති යෝජනාව යාවත්කාලීන කළ යුතු බව මානව හිමිකම් පිළිබඳ කොමසාරිස්වරයා සිය වාර්තාවෙන් සාමාජික රටවලින් ඉල්ලීමක් ද කර ඇති බව එම සංවිධානය සඳහන් කර ඇත.

කෙසේවෙතත් සැප්තැම්බර් මාසයේ පැවැත්වෙන මානව හිමිකම් කවුන්සිලයේ මීළඟ සැසිවාරයේදී පවතින යෝජනාව යාවත්කාලීන කිරීමට අමතරව තවත් කරුණු ඇතුළත් කර මෙරට සම්බන්ධයෙන් නව යෝජනාවක් ගෙන ආ යුතු බවද හියුමන් රයිට්ස් වොච් සංවිධානය සඳහන් කර තිබේ.

ක්ලබ් වසන්ත ඝාතනයේ අනෙක් කුලී ඝාතකයා සහ තවත් පුද්ගලයෙක් පින්නවත්තේ දී අත්අඩංගුවට!

ක්ලබ් වසන්ත ඝාතනය සම්බන්ධයෙන් මෙතෙක් අත් අඩංගුවට ගත නොහැකිව සිටි  තුවක්කු කරු සහ තවත් පුද්ගලයෙකු ඊයේ  (28) සැකපිට අත්අඩංගුවට ගත්බව පානදුර කොට්ඨාස අපරාධ විමර්ශන ඒකකය පවසයි.

මෙසේ අත්අඩංගුවට ගෙන ඇත්තේ ගාල්ල නාගොඩ සහ අහුංගල්ල ප්‍රදේශයේ පදිංචි 29 සහ 32 වියැති පුද්ගලයන් දෙදෙනකු බව පොලිසිය කියයි.

සැකකරුවන් පානදුර පින්වත්ත ප්‍රදේශයේ රැඳී සිටින බවට පානදුර ජේෂ්ඨ පොලිස් අධිකාරි චමිල් රත්නායක ට ලද තොරතුරක් මත ස්ථානාධිපති ප්‍රධාන පොලිස් පරීක්ෂක චන්න අමරසේකර ඇතුළු නිළධාරින් පිරිසක් පින්වත්ත බස් නැවතුමේ රැදී සිටියදී මෙම පුද්ගලයින් දෙදෙනා අත්අඩංගුවට ගෙන තිබේ.

සැකකරුවන් වෙඩිතැබීම සිදුකිරීමෙන් පසු මෝටර් රථයෙන් වෑන් රථයකට මාරුවී කඩවත දක්වා ගමන්කර එහිදී දක්ෂිණ අධිවේගී මාර්ගය ඔස්සේ මාතර දක්වා ගමන්කර ඇති බවට මෙතෙක් කළ පරීක්ෂණ වලදී හෙළිව ඇති බව පොලිසිය සඳහන් කරයි.

මීට දින 05කට පෙර එනම් පසුගිය 23 දා ක්ලබ් වසන්ත ඝාතනනයේ එක් වෙඩික්කරුවකු වන 31 හැවිරිදි පැටී අරඹගේ අජිත් රෝහණ නැමැත්තා දෙහිවල පොලිස් වසමේ කවුඩාන ප්‍රදේශයේ දී අත් අඩංගුවට ගනු ලැබුවේය. එම පුද්ගලයා යුද හමුදාවෙන් පැන ආ තැනැත්තෙකි.

අද අත් අඩංගුවට පත් සැකකරුවන් වැඩිදුර විමර්ශන සදහා අතුරුගිරිය පොලිසිය වෙත භාරදීමට නියමිත බව උසස් පොලිස් නිලධාරියෙක් කීය.

ජේෂ්ඨ පොලිස් අධිකාරි චමිල් රත්නායක සහ සහකාර පොලිස් අධිකාරි නිශාන්ත සේනාරත්න ය ගේ උපදෙස් පරිදි ස්ථානාධිපති ප්‍රධාන පොලිස් පරීක්ෂක චන්න අමරසේකර ගේ ප්‍රධානත්වයෙන් පොලිස් පරීක්ෂක තිලකරත්න , සැරයන් ලාල් (18397), කොස්තාපල් වරුන්වන නාලක (76003), අමරජිව (80100), පුෂ්පකුමාර (82409) සහ පොකොරි කසුන් (80452) වැටලීමට එක්වූහ

"ආදරය සහ විවාහය යන වචනවල ගැඹුරු අර්ථයක් තියනවා..." ඇයත් තනිකඩ ජීවිතයට සමුදේවිද..?

ඇය ගොඩක් දෙනෙක් අතර කතාබහට ලක් වෙන්නේ ඇගේ සුන්දරත්වයත් රංගනයත් නිසා කිව්වොත් හරියටම හරි.. 

රංගන ශිල්පිනියක් විදිහට චුලක්ෂි මේ වෙද්දී දුර ගමනක් ඇවිත්.. ඒ වගේමයි ඇය නිරූපණ ශිල්පිනියක් විදිහටත් බොහෝ දෙනෙක් අතර ආදරය දිනාගත්ත තැනැත්තියක්.. මේ දිනවල චූලක්ෂි ගොඩක්ම ජනප්‍රිය වෙලා තියෙන්නේ මන්දාරා චිත්‍රපටත් එක්ක නේ... ඔන්න ඉතින් ඇය ඒ ගැන වගේම මේ දවස්වල වගතුග ගැන මෙන්න මේ විදිහට පුවත්පතකට අදහස් කියලා තිබුණා..

චුලක්ෂි කලා කටයුතුවලට අවතීර්ණ වුණේ කොහොමද?

මගේ ගමන ආරම්භ වුණේ නිරූපණ ක්ෂේත්‍රයෙන්. ඉන්පස්සේ 2014 miss sri lanka තරගයෙන් ජයග්‍රහණය ලැබුවායින් පසුව චිත්‍රපට සඳහා ආරාධනා ලැබුණා. මගේ ප්‍රථම චිත්‍රපටය දේදුණු ආකාසේ.

පාසල් කාලයේදීත් රංගන කටයුතුවලට සහභාගි වෙලා තියනවද?

පාසල් කාලයේ මම ක්‍රීඩිකාවක්. ඉන්පසු ක්‍රීඩා අංශයෙන් රැකියාව තෝරා ගැනීමට සිටින කාලයේ මට පැජෙන්ට් එකකට සහභාගි වෙන්න අවස්ථාව ලැබුණා. ඉන්පසුවයි කලා ක්ෂේත්‍රයට පිවිසුණේ.

මන්දාරා චිත්‍රපටිය හා එහි ඔබේ චරිතය ගැන ඔබට දැනෙන්නේ කොහොමද?

ප්‍රියන්ත කොළඹගේ අධ්‍යක්ෂණයක් වන මෙම චිත්‍රපටයේ මම රංගනයෙන් දායකත්වය ලබා දෙන්නේ මන්දාරාට. ඇය පැසිපන්දු ගුරුවරියක්. මේ චරිතය මගේ ජීවිතයටත් සම්බන්ධයි. පාසල් කාලයේ දී මම ඉගෙනුම ලැබුවේ නේවාසිකව. මවුපියන්ගෙන් ඈත්ව ගත කරපු ඒ කාලය පුරාම පැසිපන්දු ක්‍රීඩාවත් සමගයි මම කාලය ගත කළේ. පවුලක තිබෙන වටිනාකම ආදරයක පෙන්වන චිත්‍රපටයක්. හරිම සුන්දර නිර්මාණයක්.

ආදරය සහ විවාහය ගැන ඔබට දැනෙන්නේ කොහොමද?

ආදරය සහ විවාහය යන වචනවල ගැඹුරු අර්ථයක් තිබෙන්නෙ. ක්ෂණිකව ඇතිවන හැඟීම ආදරය නෙවෙයි. ආදරයේදි කැපකිරීම් කරන්න ඕනෑ. එකිනෙකාට ගෞරව කරන්න ඕනෑ. විශ්වාසය රකින්න ඕනෑ. එකිනෙකා අතර අවබෝධය අවශ්‍යයි. ආදරය විවාහයක් දක්වා රැගෙන යනවා නම් දෙදෙනා තුළම මේ දේවල් තියෙන්න ඕනෑ. මවුපියන්ගෙන් දරුවන්ට ලැබෙන ආදරය තමයි හොඳම ආදරය.

කාන්තාවක් ස්වාධීන විය යුතුද?

අනිවාර්යයෙන්ම ඔව්. වර්තමානය වන විට කාන්තාව බොහෝ අංශවලින් ඉදිරියට ඇවිත් සිටිනවා. සමාජයේ කාන්තාවකට සමාන අයිතිවාසිකම් තිබිය යුතු යැයි මම සිතනවා.

ඇය වගකීම්වලින් පිරුණු කාන්තාවක්.. ඒ නිසාම නිදහසේ කාලය ගෙවන්න ගොඩක් කැමති ඇති... මේ දවස්වල කාර්යබහුල දිනක්ෂි පොඩි විවේකයක් අරගෙන!

දිනක්ෂි කියන්නේ මේ දවස්වල ගොඩක් දෙනෙක් අතර ආදරය දිනාගත්ත රංගන ශිල්පිනියක්.. 

ඇත්තටම කාර්‍යබහුල ජීවිතයක් ගෙවන ඇය අවිවේකී වෙන්නේ මේ වෘත්තිය ජීවිතය නිසාම විතරක් නෙවෙයි.. මවක්, බිරිඳක්, දියණියක්, සහෝදරිය විදිහටත් දිනක්ෂිට පැවරුණු රාජකාරි ගොඩක් තියනවා..

ඉතින් ඒ යුතුකම් වගකීම් හරියටම ඉටුකරන ඇය මෙන්න මේ වගේ ඇයටම වෙන්වෙච්ච කාල‍යක් ගෙවන්න අමතක කරන්නේ නැහැ..

මේත් එහෙම ගෙවිච්ච දවස් කීපයක්..

මෙන්න බලන්නකෝ නිදහසේ ඉන්න කැමති දිනක්ෂි ඇගේ සමාජමාධ්‍යවලට එක්කරලා තිබුණ අපූරු ඡායාරූප පෙළ.. 

ඇය මෙතරම් චාම් ලස්සන කෙනෙක් කියලා දැනගෙන හිටියද.. බලන්නකෝ ඇගේ ලස්සන (PHOTOS)

උමාලි කියන්නේ කලා ලෝකයේ ඉන්න ප්‍රවීණ සහ සම්මානිත රංගන ශිල්පිණියක්. ඇය ඉතාම දක්ෂයි එමෙන්ම ඉතාම පරිණත චරිතයක් ලෙස තමයි ඇයව අපේ රටේ බොහෝ දෙනා හදුනන්නේ.

ඇය රංගනයට ඉතාම දක්ෂයි ඇය ප්‍රේක්ෂකයා හමුවට එන්නෙත් වෙනස් ආකාරයේ සුවිශේෂි නිර්මාණ හරහායි. මේ නිසාම ඇයට රංගන ක්ෂේත්‍රය තුළ ඉහළ නමක් රදවා ගැනීමට හැකියාව ලැබී තිබෙනවා.

ඉතින් උමාලි පසුගිය දිනවල දැඩි කතා බහට ලක්වුණා නැවතත් විවාහා වුණා කියලා නමුත් එක ගීත නිර්මාණයක් බව පසුව අනාවරණ වුණා.

කෙසේවෙතත් උමාලි කියන්නේ වෙනස් විදියක ලස්සනක් තියෙන කෙනෙක් ඇගේ ලස්ස්න පෙන්වන වෙනස්ම විදියේ ෆොටෝ ශූට් එකක් ඇය කරලා තිබුණා. බලන්න්කෝ ඒකේ ලස්සන .

නාමල්ව වටකරගෙන මොකද මේ කරන්නේ දන්නවානේ බඩු... හොඳටම සූර්වෙලා (VIDEO)

නාමල්ව වටකරගෙන මොකද මේ කරන්නේ දන්නවානේ බඩු – හොඳටම සූර්වෙලා

දැන් ඇයට කොහොමද? ගායන ශිල්පිනී කේ.සුජීවා ගැන ඇහෙන අලුත්ම ආරංචිය

ප්‍රසංග වේදිකාවට හුඟක් හුරුපුරුදු කේ. සුජිවා "ඉඟි මරන තරු රෑන" ගීතයෙන් එක රැයකින් ජනප්‍රිය වුනු ගායිකාවක්.

ඉඟිමරන තරු රෑන කෝ. . කේ. සුජීවා එහෙම කියමින් කලක් රටම වසඟ කළ ඇය අදටත් ප්‍රසංග වේදිකාවේ රැඳී සිටින්නේ තව තවත් ජනප්‍රියට පත්වෙමිනුයි.

ඉතින් පසුගිය කාලයේ කේ. සුජීව ගැන කතා බහට ලක් වුණේ අතුරුගිරියේ වෙඩි තැබීමත් එක්ක.

අතුරුගිරිය ප්‍රදේශයේ ටැටූ ආයතනයක් විවෘත කිරීමට පැමිණි අවස්ථාවේ නාඳුනන තුවක්කුකරුවන් දෙදෙනෙකු සිදුකළ වෙඩි ප්‍රහාරයකින් සුරේන්ද්‍ර වසන්ත පෙරේරා නොහොත් ක්ලබ් වසන්ත ඇතුළු දෙදෙනෙකු මියගියා.

එහිදි ගායන ශිල්පිණී කේ. සුජීවා ඇතුළු සිව්දෙනෙකු තුවාල ලැබු අතර කලක් කොළඹ ජාතික රෝහලෙත් පසුව පෞද්ගලික රෝහලකත් නේවාසිකව ප්‍රතිකාර ලැබූ ඇය මේ වන විට නිවසට ගොස් තිබෙනවා.

මේ වන විට ඇය යහපත් සෞඛ්‍ය තත්ත්වයෙන් පසුවන බව සඳහන්.

බංගලාදේශ අරගලකරුවෝ හතුරුසිංහ එලවා දමති!

බංග්ලාදේශ ක්‍රිකට් සභාපති ෆාරුක් අහමඩ් මහතා විසින් තම ජාතික කණ්ඩායමේ ප්‍රධාන පුහුණුකරු චන්දික හතුරුසිංහ මහතා නොබෝ දිනකින්ම තනතුරෙන් ඉවත්කරන බව ප්‍රසිද්ධියේම ප්‍රකාශ කරයි.

චන්දික හතුරුසිංහගේ පුහුණුකරු භූමිකාව දැඩි ලෙස විවේචනය කළ බංග්ලාදේශ ක්‍රිකට් සභාපතිවරයා පවසන්නේ බංග්ලාදේශ පිල අතීතයේ ලැබූ සාර්ථකත්වය සාමුහිකත්වය මත ගොඩනැගුණු එකක් බවත්, හතුරුසිංහ මැජික්කාරයෙකු නොවන බවත්ය.

බංග්ලාදේශයේ ඇතිවූ අරගලකාරී තත්ත්වය මත හිටපු ක්‍රිකට් සභාපති නස්මුල් හසන් මහතා ඉල්ලා අස්වූ අතර, හිටපු ක්‍රිකට් ක්‍රීඩක සහ තේරීම් කමිටු ප්‍රධානියා ලෙස කටයුතු කළ ෆාරුක් අහමඩ් මහතා මෙයට සතියකට පමණ පෙර බංග්ලාදේශ ක්‍රිකට් සභාපතිවරයා ලෙස පත්වීම ලබා ගත්තේය.

නව සභාපතිවරයා සිය පළමු මාධ්‍ය හමුවේදී අවධාරණය කළේ චන්දික හතුරුසිංහ තවදුරටත් බංග්ලාදේශයේ ප්‍රධාන පුහුණුකරු ලෙස කටයුතු නොකළ යුතු බවයි. චන්දික හතුරුසිංහ හා බංග්ලාදේශ ක්‍රිකට් ආයතනය අතර ඇති ගිවිසුම අනුව ඔහු 2025 චැම්පියන් කුසලාන තරගාවලිය දක්වා කටයුතු කළ යුතු වුවද, සභාපතිවරයාගේ අදහස අනුව ඔහු ඉදිරි දින කිහිපයේදී තනතුරෙන් ඉවත් විය යුතු බවය.

වසර 2017දී හතුරුසිංහ බංග්ලාදේශ ක්‍රිකට් පිල අමාරුවේ දමා හදිසියේම පිටත්ව ගොස්  ශ්‍රී ලංකා කණ්ඩායමේ පුහුණුකරු වූ බව ක්‍රිකට් සභාපතිවරයා සිහිපත් කළේය.

“ඔහු ආපසු ගෙන එන්න කටයුතු කළ බංග්ලාදේශයේ ක්‍රිකට් ආයතන නිලධාරීන් හිතුවේ ඔහු මැජික්කාරයෙක් කියලා. ක්‍රිකට් කියන්නේ මැජික් වැඩක් නොවෙයි. බංග්ලාදේශ ක්‍රිකට් යම් සාර්ථකත්වයකට පත්වූවා නම් එතැන ක්‍රීඩකයින්, පුහුණුකරුවන්, තේරීම් කමිටුව හා පාලක මණ්ඩලය සිටියා. ඒ නිසා මේක සාමුහික ක්‍රියාවලියක්. හතුරුසිංහ බංග්ලාදේශ ක්‍රිකට් පුහුණුකරු ලෙස සිටීමට කිසිම හේතුවක් නෑ. ඔහු නෙරපීමෙන් යම් මුදලක් අහිමි වෙනවා. නමුත් ඔහු පැමිණීමෙන් එයට වඩා හානියක් වුණා“ බංග්ලාදේශ ක්‍රිකට් සභාපතිවරයා පැවැසීය.

2016දී හතුරුසිංහ බංග්ලාදේශ ක්‍රිකට් පුහුණුකරු බවට පත්වීමෙන් අනතුරුව ඇතිවූ අර්බුදයක් මත තේරීම් මණ්ඩලයේ එවක සභාපති වූ ෆාරුක් අහමඩ් එම තේරීම් කමිටු ධුරයෙන් ඉල්ලා අස්විය.

ප්‍රින්ස් ගුණසේකර

"ඔය වාගේ බොරු කියන්න එපා...මට කරන්න පුළුවන් දෙයක් කරපන්" - සාස්තරේ වැරදිලා... ප්‍රධාන දේවාලයක කපුවාගේ රෙදි ගැලවෙයි

දෙවියන්ගේ පිහිට පතා ගිය අයකු රැස්ව සිටි පිරිස මැද ආරූඪව සිටි කපුවා අසරණතාවයට පත් කළ පුවතක් යාපහුව පුරවරයෙන් අසන්නට ලැබෙනවා.

විවාහක තරුණ යුවළකි. ඔවුනට එක් අත දරුවෙක් සිටී. ජීවත්වීමේ අරගලයට මුහුණ දීම සඳහා දෙදෙනාම උත්සහා කරති.

බිරිය පෞද්ගලික රැකියාවක නියැළෙන අතරේ සැමියා රාජ්‍ය සේවයේ යෙදී ඇත. අත දරුවා මවගේ මව් පාර්ශවය විසින් රැක බලා ගනියි.

කෙසේ හෝ ඔහුගේ බිරියට යම් ඉහළ වැටුපක් ලබන රැකියාවකට යාමේ මංපෙත් විවර වෙයි. ඒ සඳහා දන්නා හඳුනන දේශපාලකයන් මෙන්ම ඊට සම්බන්ධ අය උදව් උපකාර කරති.

රැකියාවට සම්මුඛ පරීක්ෂණ සඳහා යාමට දින වකවානු පවා ඇවිත් ඇත. මේ නිසා විශ්වාසයක් ඇති දේවාලයක දෙවියන්ගේ පිහිට පැතීමට ද ඔවුනට අවැසිය.

ඒ සම්බන්ධව දන්නා අයගෙන් බලගතු දේවාල ඇත්තේ කොහිදැයි දෙදෙනාම විපරම් කරමින් සිටින අතරේ කීප දෙනෙක් එවැනි ස්ථානයක් ගැන පවසා සිටියහ.

ඒ අනුව බිරිය සුපුරුදු රැකියාවට ගිය පසුව සැමියා කෙම්මුර දිනයක තම අත දරුවාත් වඩාගෙන දේවාලය සොයා ගියේය.

දේවාලයේ විශාල පිරිසක් රැස්ව සිටිති. අංක පෝලිමට ඇතුළට යා යුතුය. එය එසේ වුවත් මොහු අත දරුවා වඩාගෙන එනවා දුටු ආරූඪව සිටි දේව ගැති කපුවා හූ කියමින් කඩුල්ලෙන් ඇතුළට එන මෙම තැනැත්තාට එන ලෙසට අණ කළේය.

ඇතුළත ආවතේව කරන අය මෙන්ම පිටත සිටි අයත් ඔහුට දෙයියෝ කතා කරනවා කියා ඉක්මනට එන්න කීවේය.

වහා දිව ගිය ඔහු බුලත් අත කහ දියරයෙන් සෝදා රුපියල් පන්සියක් තබා එය යහන මත තැබුවේය.

බුලත් කොළයක් අතට ගත් කපුවා පැමිණි තැනැත්තාට දොස් කියමින් සාස්තරේ එකින් එකට කියන්නට වුණි.

“තෝ යන්න පුළුවන් හැම තැනටම ගියා නේද? බැරිම තැන සොහොන් කාලි සොයාගෙන ආව එක හොඳයි. මම කරකෙන් හරි කෙමනෙන් හරි තොගේ ප්‍රාර්ථනාව ඉටු කරනවා කරනවාමයි. හැබැයි ඒකිගේ නාඩගම් නිසා මේ අත දරුවා තමයි දුක් විඳින්නේ. මං ඕකි ගෙනැත් දෙන්නම්. තොගෙත් වැරදි තියෙනවා. ඒකිගෙත් වැරදි තියෙනවා. ඒ හින්දා ආයේ තෝ වැරදි කරන්නේ නැති බවට යහනේ අත තියලා දිවුරපිය.”

දෙවොලේ හාස්කම් බලන්නට රැස්ව සිටි අයත් ඒ වටා රොක් වී බලා සිටිති. අත දරුවා කැටුව ගිය තැනැත්තා දෙවියන් ඉදිරියේ කට හඩ අවදි කළේය.

“මමයි, මගේ ගැනියි කිරියි පැණියි වාගේ ඉන්නේ. අපි කවදාවත් දබර වෙලා නැහැ. අත දරුව වඩාගෙන එනවා දැකල ඔය වාගේ බොරු කියන්න එපා. මං ආවේ බිරියගේ රැකියාව ගැන අහන්නයි. මේ වාගේ බොරු කියලා අසරණ අය තවත් අසරණ කරන්න එපා. මට කරන්න පුළුවන් දෙයක් කරපන්.” කියා යහනේ තැබු රුපියල් පන්සියත් අරගෙන ඔහු එතැනින් නික්ම ගියාලු‍.

"ඔයා වට්ස් ඇප් එකෙන් පෙන්නපු, කතා කරපු කෙනා නෙවෙයි මෙයා... එයා මෙයාට වඩා වයසිනුත් බාලයි..." මිතුරාගේ බහට රැවවී මනාලියක් බලන්න ගිය දික්කසාද පෙම්බරාට අවසානයේ සිදුවූ දේ මෙන්න..

අපේ ජීවිතයේ තනි නොතනියට කවුරුම හරි ළඟ ඉන්න ඕන..

අද වෙනකොට බොහෝ දෙනෙක් හිතාගෙන ඉන්නේ එහෙමනේ.. 

ඒත් එහෙම හිතලා විවාහ යෝජනාවකට කැමති වුණ අයෙක්ට වෙලා තියෙන්නේ පුදුම වැඩක්.. මේ කියන්න යන්නේ අන්න ඒ ගැන ඇසෙන කතාවක්... ජංගම දුරකතනයේ වට්ස් ඇප් හරහා දුටු කාන්තාව මංගල තේ මේසයේදී වෙනත් කාන්තාවක බවට පත්වීම හේතුවෙන් සිය සහකාරිය කරගන්නට කාන්තාවක සොයා මංගල කටයුත්තකට සහභාගි වූ අයකු දැඩි අපහසුතාවට පත්වීමේ සිදුවීමක් හසලක ප්‍රදේශයෙන් අසන්නට ලැබෙනවා...

මීට වසර හත අටකට ඉහතදී බිරිඳගෙන් දික්කසාද වී දරුවන්ගෙන් වෙන් වී ජීවත් වන ඔහු පෞද්ගලික සේවයෙන් විශ්‍රාම ලැබූ හැට එක් හැවිරිදි වියේ පසුවෙන අයෙක්... විශ්‍රාමගත් පසු ඔහුට තනිකම හා පාළුව දැඩිව දැනෙන්නට පටන්ගත් හෙයින් මිතුරන් ඔහුට යෝජනා කළේ අවසන් කාලයේ වතුර බිඳක් හරි දෙන්න කෙනෙකු හොයා ගමුයි කියායි..

එම යෝජනාව ගැන ගැඹුරින් කල්පනා කළ ඔහු ඒ සඳහා කැමැත්ත පළකර ඔවුන් මාර්ගයෙන්ම යෝජනා කීපයක් සම්බන්ධයෙන් සොයා බැලුවත් ඒවා ගැළපෙන්නේ නැති බව ඔහුට වැටහුනා.. මේ අතර තවත් මිතුරකු ගෙනා යෝජනාවට ඔහු කැමැත්ත පළ කළේ ඇය මිතුරාගේ ජංගම දුරකතනයේ වට්ස් ඇප් එක හරහා ඉතා ළෙන්ගතු අයුරින් සුහදශීලීව කතා බහ කිරීමත් ඒ කතාව හා ඇයගේ රුව ඔහුගේ හිත දිනාගත් හෙයින් ඒ කතා බහේදී ඇය ඔහුට යෝජනා කළේ අසවල් දින තම නිවසට මිතුරා සමඟ පැමිණෙන ලෙසටයි..

අදාළ දිනයේ ඔහු මිතුරා සමඟ වලපනේ පිහිටි ඇයගේ නිවසට ගියේ දහසක් අනාගත බලාපොරොත්තු කරපින්නාගෙන වුණත්, නිවසට ගොඩවන විට මවක සහ තවත් කාන්තාවක ඔවුන් ඉදිරියට පැමිණ සිංහල චාරිත්‍රානුකූලව පිළිගෙන නිවස තුළට කැඳවාගෙන ගොස් අසුන් ගන්වා ආගිය තොරතුරු කතා බහ කරමින් පිළියෙළ කර තිබූ තේ මේසයටද මව ඔවුන්ට ආරාධනා කළා..

තේ මේසයට ගිය ඔහු කෝ අසවලා යැයි මිතුරාගෙන් විමසූ විට ඔහු පැවසුවේ තේ මේසය අසලට පැමිණ ඔවුන් සමඟ කතා කරමින් සිටින කාන්තාව ඇය බවයි... මේ කාන්තාව තමන් වට්ස් ඇප් හරහා දුටු හා කතා කළ කාන්තාව මැය නොවන බවත් ඇයගේ කතාබහෙන් හා හැසිරීමෙන්, රූපයෙන් ඔහුට වැටහුණු අතර ඒ ගැන මිතුරාගෙන් විමසූවිට ඔහු පැවැසුවේ වට්ස් ඇප් හරහා කතා කළේ මැයම බවයි..

මිතුරා තමන් මුළා කර ඇති බව ක්ෂණයකින් අවබෝධ වූ පසු වහා අසුනෙන් නැගිට "බලු වැඩ කරන්න එපා මිනිහෝ. තමුසේ වට්ස් ඇප් එකෙන් පෙන්නපු, කතා කරපු කෙනා නෙවෙයි මෙයා. එයා මෙයාට වඩා වයසිනුත් බාලයි. මෙයාට වඩා රූපයෙනුත් හැඩයි. කතා විලාශයත් වෙනස්." යැයි කියමින් මිතුරාට බැණවැදී තේ බිඳක්වත් පානය නොකර වහා නිවසින් පිටතට විත් ඔහු පැමිණි යතුරුපැදියේ නැගී ගම බලා වේගයෙන් පියඹා ආවේ මිතුරාද එහි දමායි...

ගමට පැමිණි ඔහු මේ පුවත තම මිතුරන්ට පැවසුවේ තවත් නම් තමන්ට සහකාරියක් සොයන්නට කිසිවකු මහන්සි නොවන ලෙසත් පසුගිය දිනවල මුහුණ දුන් සිදුවීම් කීපයක් නිසා තමන් ඒ පිළිබඳව දැඩි සේ පීඩාවටත් අපහසුතාවටත් පත්ව සිටින බව කියමින්..

පෙම්වතා සමඟ නිදහසේ කාලය ගෙවන්න ඇයට තිබුණු එකම බාධාව දියණිය වෙද්දී....? තමන්ගේම කුසින් වැදූ මලට වඩා අනියම් පෙමක් රස වූ කාන්තාවක් කළ දේ ගැන ඇසෙන ඇඟ කිලිපොළා යන කතාව මෙන්න

අම්මා කෙනෙක්ට තමන්ගේ දරුවන් තරම් වෙන වටිනා කිසිම සම්පතක නෑ කියලා තමයි වචනයට නම් කියන්නේ..

මොකද ඒ තරමටම ඒ බැඳීම ගොඩක් ශක්තිමත්.. ඒත් සමහර අම්මලා...? ඇත්තටම මේ ඇසෙන කතා නම් විශ්වාස කරන්නත් අමාරුයි... මේ කියන්න යන්නේ තවත් එක කණගාටුදායක පුවත් ගැන..

සිය අනියම් පෙම්වතා සමඟ රිසිසේ ජීවත්වීමට ඇයට තිබුණු එකම බාධාව මේ පුංචි දියණිය බව ඇයට නිතර දෙවේලේ මතක් වෙන්න වෙන්න මේ පුංචි දියණිය එක්ක ඇය කාලය ගෙව්වේ වෛරයෙන්..

ඒ අනුවයි අදාල මව ඇගේ තුන් හැවිරිදි දියණියව ඝාතනය කරලා තියෙන්නේ..

ඉන්දියාවේ බිහාර් ප්‍රාන්තයේ මුසාෆර්පූර් ප්‍රදේශයෙන් ඇසෙන මෙම කතාව කාගේත් විමතියට කරුණක් වුණත්, මෙම ඝාතනය සිදුකළ කාන්තාව නම් කියන්නේ ඇය මේ සඳහා පෙළඹුණේ ජනප්‍රිය රූපවාහිනී වැඩසටහනකින් දුටු දෙයක් නිසා බවයි..

ඉන්දීය මාධ්‍ය පවසන්නේ මෙම සිද්ධියේ සැකකාරිය වන කාජල් මේ වන විට අත්අඩංගුවට ගෙන ඇති අතර, ඇය පසුගිය වසර දෙකක පමණ කාලයක සිට අනියම් සම්බන්ධයක් පවත්වන ගොස් ඇති බවයි..

“ලහිරු අයියේ ඔයාලට 180,000 කියන්නේ දවසේ ආදායමකින් පංගුවක්” – ලහිරු පෙරේරාට තරුණයෙක් සැරටම අමතයි

රම්බරි වැනි අතිශය ජනප්‍රිය ගී ගැයූ ළහිරු පෙරේරා කියන්නේ බොහෝ පිරිසක් දන්න හදුනන චරිතයක්.

රම්බරී ගීතයෙන් අනතුරුව තමන්ටම අනන්‍ය විලාසිතාවකින් රසිකයන් අතරට ආපු ළහිරුට බොහෝ රසිකයන් ආදරය කරන බව රහසක් නෙවෙයි.

කොහොම වුණත් මේ මොහොතේ ළහිරු පෙරේරා සමාජ මාධ්‍යයේ ජනප්‍රියතම කෙනා බවට පත් වෙලා. ඒ ඔහුගේ ගීතයක් නිසා නම් නෙවෙයි.

තරුණයෙක් ඔහුට චෝදනා නගමින් සිදු කළ පළ කිරීමක් නිසයි.

මේ පළ කිරීමට සමාජ මාධ්‍යවල බොහෝ දෙනෙක් ප්‍රතිචාර දක්වා ඇති අතර ළහිරු පෙරේරා ඊට පිළිතුරු ලබා දීමක්ද සිදු කර නැහැ.

අදාළ තරුණයා චෝදනා කරන්නේ ළහිරු පෙරේරා විශ්වාස කරමින් තමන් පාඨමාලාවකට ඇතුළත් වූ බවත් නමුත් ඔවුන් එය නිසි ආකාරයෙන් සිදු නොකළ බවයි.

තමන් එයට ලක්ෂයකට වැඩි මුදලක් වියදම් කළ බවත් ඔහු සදහන් කරනවා. අවසානයේ නිසි වටිනාකමක් හෝ නොමැති සහතික පත්‍රයක්ද තමන්ට දුන් බවයි සිය සටහනේ සදහන් කරන්නේ.

-උපුටා ගැනීම-

මේ සටහන ලියන්නේ ගොඩක් කණගාටුවෙන් සහ මේ දේ තවත් කෙනෙක්ට නොවෙන්න.

ම‍ගේ ඇඟේ මියුසික් කියන එක පොඩිකාලේ තිබුන දෙයක් නෙමේ. ඒත් මට මතකයි අද වගේ මගෙ තාත්ත මට පොඩි Keyboard එකක් කොළඹ ගිහින් බස් එකේ අරන් ඇවිත් ගෙනත් දීපු විදිය 2003-2004 වගේ. ඒ ගෙනත් දීපු Yamaha PSR 160 Model එකත් එක්ක මගෙ ජීවිතේම වෙනස් උනා. කොටින්ම Music ඇඟේ නොතිබුන මට Notations නැතුව මෙලඩි එකක් අහගෙන ඒක මතකෙන් Replay කරන්න පුළුවන් හැංගිලා තිබිච්ච ටැලන්ට් එකක් එලියට ආව. ඒකත් එක්ක තමා මන් මගෙ Music Life එකට Enter වෙන්නේ. ඉස්කෝලෙත් මාව ගොඩක් ප්‍රසිද්ද උනේ මගෙ Music Talent එක නිසා. සංගීත කාමරේ ඉඳල ඕන තරන් මන් ගුරුවරුන්ගෙන් මන් බැනුම් අහල තියෙනවා. හැබැයි මගෙ ජීවිතේ මන් ආස කරේ කවදාහරි ලොකු Music Composer කෙනෙක් වෙන්න. ඒ අතර තුර තමා මගෙ තාත්ත නැතිවෙන්නේ. ඒත් එක්කම ආපහු අපහසුතා එක්ක අම්ම මට උගන්නන්න සෑහෙන්න මහන්සි උනා. මාත් පුළුවන් උපරිමයෙන් educational qualifications හදාගෙන ඉස්සරහට ආව.

කැපිල්ල වැඩි නිසා අන්තිමට 18 පිරෙන්නත් කලින් ඉස්කෝලෙන් ලියුමක් අරගෙන තමා තාත්ත ඉතුරු කරපු ළමා ගිණුමේ තිබුන පොඩි ගානක් අරගෙන මගෙ පලවෙනි ලැප්ටොප් එක මම ගන්නේ AMD Dual Core. ඒක තමා මාව මෙච්චර දුර එන්න අඩිතාලම තිබ්බේ.

මන් FL Studio වලට අත තියන්නේ ඉස්කෝලේ කාලෙදිමයි. මගෙන් ගොඩක් අය අහන දෙයක් තමා අයියේ ඔයා ඉගෙන ගත්තේ කොහෙන්ද කියල. මම හැමදේම ඉගෙනගත්තේ තනියම, Experiment කර කර, YouTube / Web forum වල tutorials / troubleshooting කර කර තමා මම හැමදේම ඉගෙන ගත්තේ. ඉස්සර Airtel 99 data කාඩ් එක දාගෙන හොයන්නේ VST Instrument Plugins. ඉස්සර තිබ්බ ඉන්ටර්නෙට් එක්ක VST Plugin එකක් ඩවුන්ලෝඩ් කරගන්න දවස් ගානක් කැපකරන්න වෙනවා.

මට Computer එකට Connect කරන්න පුළුවන් පහසුකම තියෙන Midi Keyboard එකක් ගන්න ලැබෙන්නේ 2016. ඒකත් Music Oven Graduate උණ Diluka Perera brother ගෙන්. මට ප්ලේ කරන්න පුළුවන් කම තිබ්බට ඒ වෙද්දී මන් FL Studio ඒකත් එක්ක සෑහෙන ගමනක් ආපු නිසා මට Keyboard එකක් නැතුවම Computer Mouse එකෙන් Music Compose කරන්න පුළුවන් Talent එක හැදිලා තිබුනා.

ඔයාල මේක විස්වාස කරන එකක් නැහැ මෑතකදී මන් ආපහු දාපු උත්තම මුනි දළදා Instrumental Version එක Compose කරේ මන් Mouse එකෙන් Notes manual draw කරලා. ඔයාල විස්වාස නොකරන ඒ වගේ කිහිපයක් මන් Comment Section එකේ දාන්නම්.

විශ්ව විද්‍යාල යන්න වරම් ලැබුනත් මන් ඒ හීනේ අත ඇරියේ මට අවශ්‍ය Field එකට Enter වෙන්න අවශ්‍ය නිසා. මගෙ ඇඟේ තිබ්බේ Music උනාට මට තව හැකියාවක් තිබුන පොඩි පොඩි වීඩියෝ කෑලි අටවන්න. ඒ කාලේ තිබුනේ ගොඩක් ම Cyberlink Power Director / Ulead Video Studio වගේ Softwares. අද වගේ ඩවුන්ලෝඩ් නැහැ කොළඹ ගිහින් CD එක අරන් එන්න ඕනේ මල්වත්ත පාරෙන්. ඉතින් ඒකත් එක්ක ඒ ලෙවල් වලින් පස්සේ මම Video Editor කෙනෙක් විදියට තැන් කිහිපයකම වැඩ කරා. පඩියට වඩා ඒකටත් තිබ්බ දැඩි ආසාව නිසා. ඔහොම තමා ටිකෙන් ටික මන් ඒ පැත්තෙන් මගෙ Career එක Develop කරගත්තේ.

අමාරුවෙන් කොහොමහරි 30,000/- ක විතර සැලරි එකක් ගන්න තැනට මන් ආව. ඒක මට ඒ දවස් වල හැටියට ලොකු මුදලක්. ඉතින් මේ සල්ලි මගෙ අතට එද්දී මගෙ හැංගිලා තිබ්බ ආසාව ආපහු මතුවෙන්න ගත්ත. ඔය අතරතුර තමා මන් දකින්නේ Music Oven Institute එක. දැන් ෆීල්ඩ් එකේ ඉන්න Anushka Udana Liyanage ල එහෙම කරපු Graduation එකේ ෆොටෝස් එහෙම දකිද්දී ආස හිතුනා. ඊටත් වඩා පොඩි කාලේ අපේ හිත් වලට කාවැදුණු iPods වල mp3 දාන් අහපු රම්බරි වගේ සින්දු කියපු ලහිරු පෙරේරා ගෙ නමින් මේක යන නිසා තිබ්බ ආසාව වැඩි උනා.

ඉතින් මටත් ආස හිතුන Audio Engineering Course එක කරන්න. හොයල බැලුවම ලක්ෂ 180,000 ක් + පවුම් £350 විතර මුදලක් ගෙවන්න ඕනේ. දාහක් දේවල් හිතල කොහොමහරි යනවා කියල හිතල සල්ලි එකතු කරලා නොකා නොබී, අලුත් ඇඳුමක් වත් නොගෙන ඉතුරු කරලා එයාල එක්ක Join උනා. මන් ගෙදරට කිසිම දේකට කරදර කරේ නැහැ මොකද මාව උස් මහත් කරන්න එයාල ලොකු දෙයක් කරපු නිසා මගෙ අධිශ්ටානය තිබ්බේ එයාලට කරදර නොකර තනියම නැගිටින්න සහ දවසක තැනකට එන්න.

කාලය හෙමීට ගෙවිල ගියා කෝස් එක ඉවර උනාට පස්සේ කට්ටිය සයිලන්ට් උනා. අපිට ලොකුවට Technical දේවල් ඉගැන්නුවේ නැතත් London Examination Board එකේ Assignment වලට ආවේ ගොඩක්ම Technical දේවල්. අපේ බැජ් එකේ කොල්ලෝ ටිකත් එක්ක එකතු වෙලා Study කරලා අපි වැඩේ ගොඩ දැම්ම. Music Oven එක music ආස ඕනෑම කෙනෙක්ට එන්න කියල මේවා මාකට් කරාට මේකේ Certificate ගන්න මේ වගේ Scientific based knowledge කරන්න ඕනේ කියන එක උස්සන්නේ නැහැ. ඉතින් ආසාවට එන පොඩි කොල්ලෝ Assignment fail වෙලා බැජ් පිටින් හැලෙනවා.

අපි වැඩේ ගොඩ දැම්මත් අන්තිමට මෙයාල Respond නොකරන නිසා අපිට ටිකක් තදින් මේක බලන්න උනා. අපි Direct contact කරා London Examination Board එක. එයාල කියනවා DRI International කියල එකකට තමා ඕක Registered ඒකත් එක්ක එයාලගේ ගිවිසුම අවසන් කරලා තියෙන්නේ කියල. මේ ගැන කිසිම දැනුම්දීමක් Music Oven එක එයාලගෙ Students ලට දැනුවත් කරලා නැහැ. මේ වෙද්දී Management එකේ හිටියේ දිලිනි කියල කෙනෙක්. එයාගෙන් ඇහුවම බයිලා කියනවා කාලෙන් කාලෙට. කාලයක් කොවිඩ් නිසා තියන්න බෑ කියල අවුරුදු ගානක් Graduation පස්සට දැම්මා. ඔහොම කාලේ අරගෙන අරගෙන ගියා.

අපිට උගන්නපු Lectures ලට මේක දැනුවත් කරා. එයාලට උනත් වගකීමක් තියෙනවා මේ ගැන මොකද ඔයාලට ගෙව්වේ අපේ සල්ලි වලින් සහ අපි විස්වාස කරේ ඔයාලගේ මූණු ඔයාලගේ සමාජ තත්වය. සමාවෙන්න එයාලව උනත් මන් මෙතනට mention කරනවා තරහ උනත්.

Amila Amarasinghe Viresh Cooray Chika La Signore Thisal Randunu Vinod Melpitiya

ලහිරු අයියා මග අරින්න ගත්ත. Music Oven එක ලහිරුගේ කියල එලියට පෙනුනට එයා ඒකෙ Brand ambassador කෙනෙක් විතරයි කියල අපිට දිලිනි (Management) කිව්වා. ඒකට අපිටත් පොඩ්ඩක් අවුල් ගියා මොකද ලහිරුට පොඩි කාලේ ඉඳන්ම අපි ආස ගායකයෙක් නිසා. අන්තිමට Certificate එක ඉවර කරා කියල පොඩි කොළ කෑල්ලක් දුන්න. එතකොට කොහුවල තිබ්බ Music Oven එක නුගේගොඩට අරන් ගිහින් තවමත් නොදන්නා ළමයි ඇවිත් කෝස් එක කරනවා.

ආයේ කට්ටිය නාඩගමක් නැටුවා London Examination වෙනුවට London Media Academy කියල එකකින් Certificate එක දෙන්නද කියල. අපිත් මෝඩ නෑනේ මොකද්ද මේ අපි නොදන්න London Media Academy කියල අපි Domain එක Trace කරලා හොයද්දි තමා හම්බුනේ මේක මේ ලංකාවේ හදපු සයිට් එකක් මෑත කාලෙක මේ වැඩේටම කියල. Domain details පහල තියෙනව Comment Section එකේ. එයාල හිතන්න ඇති අපි හාවෝ කියල. Address එක බැලුවමත් එන්නේ මොකද්ද warehouse එකක් ලන්ඩන් වල. අපි එක Reject කරලා අපි කිව්වා අපෙන් සල්ලි ගත්තනේ පවුම් £ වලින් මුලදීම LEB එකට ගෙවන්න කියල ඒ නිසා අපිට ඕනේ ඒකෙන් විතරයි කියල. අන්තිමට ගිහින් බලද්දී අතනිනුත් බඩු අස් කරන් ගිහින්.

මන් මේ ගැන නීති සම්බන්දව දන්න කෙනෙක් ගෙන් ඇහුවම කිව්වේ මේ වගේ දෙයක් උනාම අවුරුදු 2 කට වඩා පරණ නම් නඩු දාන්න බැහැ කියල. සමහර විට මෙයාල සැලසුම් සහගතව කරේ මේක. කාලේ යවන්න. අපේ බැජ් වල අයටත් මේකේ ආසාව නැතුව ගියා. කවුරුත් Music Oven එකට විරුද්දව පාරට බැස්සේ නැහැ. මට මේ ගැන තියෙන්නේ පුදුම වේදනාවක්. ලහිරු අයියේ ඔයාලට 180,000 කියන්නේ දවසේ ආදායමකින් පංගුවක් වෙන්න පුළුවන්. ඒ උනාට මට ඒ ගාන Music Oven එකට ගෙවන්න මන් සැහෙන්න අවුරුදු ගානක් දුක් වින්දා. හයිවේ බස් තියෙද්දී කෝච්චියේ ආවේ තර්ඩ් ක්ලාස් එකේ එල්ලිලා සල්ලි ඉතුරු කරන්න.

මන් මේ පෝස්ට් එක ලියන්නේ මට ඔයාලගේ සල්ලිවත් Certificate වත් එපා. අඩුම ගානේ ඔයාල ඒකෙ Front Face එක විදියට මේ වෙච්ච වැරැද්ද නිවැරදි කරන්න මේ ලමයිගෙන් ඔයාල සමාව ඉල්ලන්න ඕනේ අඩුම ගානේ Certificate දෙන්න බැරි උනු Assignment පාස් උනු අයට University Fee කියල ගත්ත පවුම් £ 350 Refund කරන්න ඕනේ. මොකද මිනිස්සු නිසා තමා ඔයාල ප්‍රසිද්ද වෙලා ඉන්නේ. මිනිස්සු කපල ඔයාලට ගමනක් නැහැ. Management එක මේකෙන් වංචා කරාට මුණ ගියේ ඔයාලගේ. මේකට කට්ටිය පාරට බහින්නේ නැහැ මොකද පහුගිය බැජ් වල ඉන්න කොල්ලෝ ගොඩක් Assignment Fail නිසා. අද Music Oven එකේ කෑලිත් නැහැ. අපේ සල්ලි ගැහුවා මාරු උනා. හැබැයි ඉඳල හිටලා ටිකක් Social Media වල ප්‍රසිද්ද චරිත වලට කාලෙන් කාලෙට Certificate එක දෙනවා අපි දකිනවා. සතුටුයි දකිද්දී එකෙක්ට හරි හරියනකොට. අපි පොඩි මිනිස්සු නිසා වෙන්නැති අපිව ඕවට අහුවෙන්නේ නැත්තේ සමහර විට.

ඒ හීනේ නැති කරපු නිසා මගෙ කාලේ මන් ආපහු Video Productions වලටම යොමු කරලා Career එක Continue කරා. දැන් මට ඒකෙන් වැඩක් නැහැ. මතක් වෙද්දී හිතට මාර දුකක් තියෙනවා මොනවා උනත්. මේ හැමදේටම සාක්කි මේකේ කමෙන්ට් වල මන් දානවා.

ලහිරු ඇතුළු Music Oven Team එක මේක දකිනකන් කට්ටිය Share කරලා මේ ලමයිගෙන් ප්‍රසිද්දියේ සමාව ඉල්ලයි කියල හිතනවා.

මන් මේ හැමදේම ලියන්නේ සාක්කි එක්ක. ඒවා පහල මන් දානවා.

-උපුටා ගැනීම අවසන්-

“මාලිමාව කලින්ම එළවන්ඩ ඕනෑ” සංගීත් අනවසරයෙන් මිනුවන්ගොඩ වේදිකාවට කඩා පනී! (VIDEO)

ජාතික ජන බලවේගය විසින් සංවිධානය කළ මිනුවන්ගොඩ ජනරැළිය ඊයේ (27) පස්වරුවේ ආරම්භ වූ අතර ඒ සඳහා විශාල ජනකායක් රැස්ව සිටියහ.

මිනුවන්ගොඩ ජනරැළියට සමගාමීව මීගමුව සහ දංකොටුව යන නගර වලත් තවත් ජනරැළි 2ක් පක්ෂය විසින් සංවිධානය කර තිබූ අතර එම ජනරැළි තුනම ජාතික ජන බලවේගයේ නායක අනුර කුමාර දිසානායක මහතා විසින් ආවරණය කරනු ලැබීය.

මිනුවන්ගොඩ රැළියේදී ප්‍රවීණ ගයන ශිල්පී සංගීත් විජේසූරිය මහතා ජාතික ජනබලවේගයේ වේදිකාවට පැමිණ සුවිශේෂි කතාවක් සිදු කළ අතර ඔහු පවසා සිටියේ තමා අනාරාධනයෙන් එම අවස්ථාව ලබාගත් බවයි.

එම කතාව පහතින්,

සජබය පාලනය කරන්නේ සජිත් නොව ජලනි.. සජිත්ගේ නංගි මුලසුනේ.. මන්ත්‍රීවරු පැත්තකට දමා පවුල් පාලනය අරඹයි!

පවුල් පාලනය රටකට සාපයක් බවත් පවුල් පාලනය හේතුවෙන් කිසිම රටක් දියුණු වෙලා නැති බවද නාගරික සංවර්ධන හා නිවාස අමාත්‍ය ප්‍රසන්න රණතුංග සදහන් කරයි.

අද වනවිට සජබය තනිකරම පවුල් පාලනයකට නතුවෙලා තිබෙන බවත් පක්ෂය රන් කරන්නේ සජිත් ප්‍රේමදාස නොව එයාගේ බිරිඳ ජලනි ප්‍රේමදාස සහ ව්‍යාපාරික ලක්ෂ්මන් ෆොන්සේකා බවද අමාත්‍යවරයා සදහන් කරයි.

අමාත්‍ය ප්‍රසන්න රණතුංග තවදුරටත් සදහන් කළේ,

“පවුල් පාලනය කියන්නේ රටකට සාපයක්. පවුල් පාලනයෙන් කිසිම රටක් දියුණු වෙලා නෑ. පවුල් පාලනය ගැන කතා කරන කොට හැමෝම කතා වෙන්නෙ රාජපක්ෂ පවුල් පාලනය ගැන. හැබැයි ප්‍රේමදාස පවුල් පාලනය ගැන කතා වෙන්නෙ අඩුවෙන්.

2015 -2019 කාලයේ සජිත් නිවාස ඇමති. ඒ කාලේ නිවාස අමාත්‍යාංශයේ වැඩිපුර ගැවසුනේ ඇමති සජිත් නෙමෙයි. එයාගේ බිරිඳ ජලනි ප්‍රේමදාස. අද සජබය තනිකරම පවුල් පාලනයට නතුවෙලා. පක්ෂය රන් කරන්නේ සජිත් ප්‍රේමදාස නෙමේ. එයාගේ බිරිඳ ජලනි ප්‍රේමදාස සහ ව්‍යාපාරික ලක්ෂ්මන් ෆොන්සේකා.

දැන් සජිත්ගේ නංගි දුලාංජලිත් වැඩේට බැහැලා. මම බොරු කියනවනම් සජබ මන්ත්‍රීවරුන්ගෙන් මේ ගැන අහල බලන්න. මේ පවුල් පාලනය නිසා සජබෙ ඉන්න හුඟක් මන්ත්‍රීවරු ඉන්නේ කලකිරීමෙන්.⁣ බැරිවෙලාවත් සජිත් දිනුවොත් රට පාලනය කරන්නේ සජිත් ප්‍රේමදාස සහ පවුලේ සමාගමයි. සජිත්ගේ ආණ්ඩුවේ ඇමැතිවරු පඹයන් බවට පත්වෙනවා.

ජනාධිපති රනිල් වික්‍රමසිංහ කියන්නේ පවුල් පාලනය ප්‍රතික්ෂේප කරපු ප්‍රජාතන්ත්‍රවාදී නායකයෙක්. ජනාධිපතිතුමාගේ බිරිඳ රැස්වීමකට වත් ඉන්නේ නෑ. ඇමතිවරු වන අපේ වැඩවලට වික්‍රමසිංහ පවුලේ සාමාජිකයෝ ඇඟිලි ගහන්නෙ නෑ. රනිල් වික්‍රමසිංහය කියන්නේ නියම ප්‍රජාතන්ත්‍රවාදී ගතිගුණ තියෙන නායකයෙක්.”

මිනුවන්ගොඩ පැවති ජනාධිපතිවරණ ප්‍රචාරක රැළියකට එක්වෙමින් අමාත්‍ය ප්‍රසන්න රණතුංග මේ බව සදහන් කරයි.

පාලිත තෙවරප්පෙරුමගේ පුතා තාත්තාගේ අඩුව පුරවන්න ආශීර්වාද මැද එජාප රැස්වීමට ගිය හැටි (VIDEO)

පාලිත තෙවරප්පෙරුමගේ අඩුව මැකු පුතා …

ඔන් ලයින් අපොයින්මන්ට් අරන් පාස්පෝට් නිකුත් කිරීම අද සිට අත්හිටුවයි… දිනපතා මුලින් එන 750කට පාස්පෝට් ලැබෙයි!

කලින් දිනයක් සහ වේලාවක් ලබා ගෙන විදේශ ගමන් බලපත්‍ර ලබා දීම සඳහා සැලසුම් කළ ක්‍රමය හෙට සිට අත්හිටුවන බව මහජන ආරක්ෂාව පිළිබඳ අමාත්‍ය ටිරාන් අලස් පවසයි.

ඒ අනුව පෙර පරදිම පැමිණි අනුපිළිවෙළට දිනකට විදේශ ගමන් බලපත්‍ර 750 බැගින් නිකුත් කිරීමට තීරණය කර ඇතැයි ද අමාත්‍යවරයා දන්වා සිටී.

අමාත්‍යවරයා මෙම තීරණය ප්‍රකාශයට පත් කරන්නේ මුද්‍රණය නොකළ හිස් විදෙස් ගමන් බලපත්‍ර හිඟ වීම හේතුවෙන් දිනපතා රැස්වන පිරිසට දින ගණන් ආගමන විගමන දෙපාර්තමේන්තුව ඉදිරියේ ගතකිරීමට සිදුවීමේ ඛේදනීය සිදුවීමට විසඳුමක් ලෙසය.

විදේස් ගමන් බලපත්‍ර නිකුත් වීම සීමා විමෙන් ඊයේ (27) දිනයේ ද ආගමන විගමන දෙපාර්තමේන්තුව ඉදිරිපිට රැස්ව සිටි විශා පිරිසක් අපහසුතාවයට පත් වී සිටියේය. ඇතැමෙක් දින තුනක් තිස්සේ එම ස්ථානයේ රැඳී සිටින්නේ ගුවන් ගමන් බලපත්‍රය ලබා ගැනීම සඳහාය. එක් කාන්තාවක් නිවුස් ෆස්ට් ප්‍රවෘත්ති සේවයට අදහස් දක්වමින් පැවසුවේ හම්බන්තොට පැමිණ සිටින ඇය අද ගතකරමින් සිටින්නේ දෙවැනි දිනය බවය.

මේ අර්බුදයට හේතු වී ඇත්තේ ආගමන හා විගමන දෙපාර්තමේන්තුව සතුව මේ වනවිටට ඇති හිස් විදෙස් ගමන් බලපත්‍ර ප්‍රමාණය සීමිත වීමය. මේ තත්ත්වය තුළ දිනකට නිකුත් කරන ගමන් බලපත්‍ර ප්‍රමාණය 350කට සීමා කර ඇති බව ආගමන විගමන දෙපාර්තමේන්තුව පැවසුව ද ඔන් ලයින් ක්‍රමය අහෝසි කර ඇමතිවරයා යෝජනා කර ඇත්තේ දිනකට ගමන් බලපත්‍ර 750ක් නිකුත් කිරීමය.

ආගමන හා විගමන පාලක ජෙනරාල්වරයා ඊයේ පස්වරුවේ නිවේදනයක් නිකුත් කරමින් පැවසුවේ දෙපාර්තමේන්තුව සතුව ඇති හිස් විදේශ ගමන් බලපත්‍ර ප්‍රමාණය සීමිත බවය.

නව ඉලෙක්ට්‍රොනික විදේශ ගමන් බලපත්‍රයක් හඳුන්වාදීමට රජය විසින් පියවර ගෙන ඇති බවත් ඒ සඳහා ජාත්‍යාන්තර මිල ගණන් කැඳවීම මගින් විදේශීය සමාගමකට එම ගමන් බලපත්‍ර සැපයීම ලබා දී ඇති බවත් ආගමන විගමන පාලකවරයා පවසයි.

ඒ අතර ඇති වු මෙම හිස් විදේශ ගමන් බලපත්‍ර හිඟයට පිළිතුරු ලෙස එම සමාගමෙන්ම අදාල ඉලෙක්ට්‍රොනික් ගමන් බලපත්‍රය සදහා වු ඇනවුමේම කොටසක් ලෙස හිස් විදේශ ගමන් බලපත්‍ර හත් ලක්ෂ පනස් දහසක් සපයා ගැනීමට කටයුතු කර ඇති බවත්, එම තොගය ඔක්තොම්බර් මස අවසානයේ හෝ ඊට පෙර දිවයිනට ලඟා වනු ඇති බවත් ආගමන විගමන පාලකවරයා නිකුත් කළ නිවේදනයේ දැක්වේ.

ඉන්දියාවේ සිහිනය සැබෑවෙයි.. ICC පාලනය අතට ගනී!

ජාත්‍යන්තර ක්‍රිකට් කවුන්සිලයේ (ICC) නව සභාපතිවරයා ලෙස ඉන්දීය ක්‍රිකට් පාලක මණඩලයේ වත්මන් ලේකම් ජේ.ෂා නිතරගයෙන් තේරී පත්ව ඇත.

35 හැවිරිදි ලේකම් ජේ.ෂා එළඹෙන දෙසැම්බර් මස (01) වනදා සිට සභාපති ධුරයේ කටයුතු කිරීමට නියමිත අතර ජාත්‍යන්තර ක්‍රිකට් කවුන්සිලයේ සභාපති ධුරයට පත් ලාබාලතම පුද්ගලයාද ඔහු වේ.

කෙසේ වෙතත් ජාත්‍යන්තර ක්‍රිකට් කවුන්සිලයේ සභාපතිවරයා ලෙස නවසීලන්ත ජාතික Greg Barclay මේ වනවිට කටයුතු කරයි.

තෙල් සංස්ථා නිලධාරීන්ට ඉන්ධනහල් හිමියාගෙන් සාදයක් දෙයි

හම්බන්තොට ප්‍රදේශයේ විවෘත කිරීමට යන ඉන්ධනහලක් පිළිබඳ මැතිවරණ කොමිසමට වාර්තාවක් ලබාදීම සඳහා පිටත්කර යැවූ තෙල් සංස්ථාවේ නිලධාරීන්ට එම ඉන්ධනහල් හිමියා සාදයක් පවත්වා සංග්‍රහ කර ඇතැයි අනාවරණය වී ඇත.

මෙම ඉන්ධන පිරවුම්හල විවෘත කිරීමට යාමේදී මැතිවරණ කොමිසමේ නිලධාරීන් ඛනිජ තෙල් සංස්ථා ප්‍රධාන කාර්යාලයට පැමිණ විශේෂ ප්‍රකාශයක් සටහන් කරගෙන තිබිණි.

ඉන් පසුව අදාළ ඉන්ධන පිරවුම්හල සම්බන්ධව පරීක්ෂණයක් පැවැත්වීමට ඛනිජතෙල් සංස්ථාව මගින් විමර්ශන නිලධාරියකු ඇතුළු කණ්ඩායමක් පිටත් කර යවා ඇත.

එලෙස විමර්ශනයට ගිය නිලධාරීන්ට දේශපාලන හිතවතුන්ගේ ද සහාය ඇතිව සාදයක් පවත්වා ඇතැයි ඡායාරූප ද සහිතව තෙල් සංස්ථා මූලස්ථානයට තොරතුරු ලැබී ඇත.

හම්බන්තොට මෙම ඉන්ධන පිරවුම්හලට 2019 මුල් භාගයේදී අයැදුම් කර ඇතත් අවශ්‍ය අනුමැතීන් ගෙන ඉදිකිරීම් කටයුතු අවසන් කිරීමට 2024 මැද භාගය දක්වා කාලයක් ගතවී ඇත. මේ අනුව දැනට පවතින මැතිවරණ නීතිවලට අනුගතව පිරවුම්හල වෙත ඉන්ධන නිකුත් කිරීමට අනුමැතිය දෙන ලෙස ඛනිජ තෙල් සංස්ථාව මැතිවරණ කොමසාරිස්වරයාගෙන් මීට පෙර ඉල්ලීමක් කර තිබිණ.

ඒ අතරේ මැතිවරණ කොමිසමට ලද පැමිණිල්ලක් මත ඛනිජ තෙල් සංස්ථාවට ගිය මැතිවරණ කොමිසමේ නිලධාරීන් මේ පිළිබඳ වාර්තාවක් ලබාදෙන ලෙස සංස්ථා සභාපතිවරයාට උපදෙස් නිකුත් කර ඇත.

ඒ අනුව හම්බන්තොට බලා කණ්ඩායමක් පිටත්කර තිබේ. එමෙන්ම ඛනිජ තෙල් සංස්ථා නිලධාරීන් මීට පෙර ද අදාළ ඉඩම පරීක්ෂා කිරීමට රුපියල් ලක්ෂ ගණනක් ලබාගෙන ඇතැයි තොරතුරු හෙළිවෙයි.

"ෆොන්සේකා රටට ඕනේ... කොහොමහරි දිනවනවා" - ෆොන්සේකා වෙනුවෙන් මෙල්බර්න් නුවරින් ආපූ අමුත්තා (VIDEO)

ෆොන්සේකා වෙනුවෙන් මෙල්බර්න් නුවරින් ආපූ අමුත්තා

අනිවාර්යෙන්ම ඡන්දය දිය යුත්තේ නාමල් රාජපක්ෂට... එය එසේ විය යුතුමයි... එය මහින්ද රාජපක්ෂට කරන කළ ගුණ සැලකීමක් - අනූෂා රටට කියයි

මෙවර පළමුවරට ඡන්දය පාවිචි කරන සියලුදෙනා අනිවාර්යෙන්ම ඡන්දය දැමිය යුත්තේ නාමල් රාජපක්ෂ මහතාට පමණක් බවත් එය අනිවාර්යෙන්ම සිදුවිය යුත්තක් බවත් ප්‍රවීණ රංගන ශිල්පී අනූෂා දමයන්ති මහත්මිය ඊයේ (26දා) නිකවැරටියේදී ප්‍රකාශ කළාය.

එබැවින් සියලු දෙනා තමන්ගේ වගකීම ඉෂ්ටකළ යුතුව ඇති බවත් සිංහකොඩිය අතට අරගෙන පස් පිඬක් අතට අරගෙනහෘද සාක්ෂියට අත තියල අහන්න කටද චන්දෙ දෙන්න ඕන යැයි ද ඇය පැවසුවාය.

පොදුජන පෙරමුණේ ප්‍රවර්ධන රැළියකට එක්වෙමින් ඇය මේබව ප්‍රකාශ කළ අතර මෙසේද පැවසුවාය,

“අම්මට තාත්තට ගරු කරනවානම් ඔබේ දරුවගේ කුළුදුල් ඡන්දය නාමල් රාජපක්ෂ වෙනුවෙන්ම විය යුතුමයි. එය මහින්ද රාජපක්ෂට කරන කළ ගුණ සැලකීමක්. එය එසේ විය යුතුමයි. මේ රට ආරක්ෂාකරන්න නොපෙනන බලවේග බිහිකරන නායකත්වය තමයි නාමල් රාජපක්ෂ කියන්නේ. ඒනිසා තරුණ තරුණියක් කාන්තාවන් ඇතුළු සියලු දෙනාට මම කියනවා ඔබ ඔබේ වගකීම ඉෂ්ටකරන්න . මෙවර ජනාධිපතිවරණය කියන්නේ යුද්ධයක්. ඒක කරන්නේ ආයුධ වලින් නෙවෙයි. මේ රටේ තාරුණයේ හඳගැස්ම ඔබ හොදින් හදුනනවා. රටින් පිටට ගිය සියලුදෙනා නැවත රටට ගේන්න අවශ්‍යයි. මේ ඔබේ කාලේ. සිංහකොඩිය අතට අරගෙන පස් පිඬක් අතට අරගෙන

හෘද සාක්ෂියට අත තියල අහන්න කටද චන්දෙ දෙන්න ඕන කියලා ? ඔබ අහන්න ඔබෙන් මේ වෙලාවේ ඇත්තටම කාටද අපි ඡන්දෙ දෙන්න ඔනේ කියලා’

ගිලන් රථ රියදුරෙක් වෛද්‍යවරියක පැහැරගෙන යන්න හදලා… ගිලන් රථයෙන් බිමට පැන්න වෛද්‍යවරියට තුවාලයි!

ගිලන් රථයක රියදුරෙක් විසින් වවුනියාව මහ රෝහලේ සේවය කරණ වෛද්‍යවරියක් ඊයේ (26) රාත්‍රියේ දී බලහත්කාරයෙන් පැහැර ගෙන යාමට උත්සහ කළ අවස්ථාවේදී එම වෛද්‍යවරිය ගිලන් රථයෙන් බිමට පැනීම හේතුවෙන් තුවාල ලබා ඇතැයි වාර්තාවේ.

මෙම වෛද්‍යවරිය වවුනියාවේ පම්පමඩුව ප්‍රදේශයේ නේවාසිකව සිටින වෛද්‍යවරියකි.

ඇය සේවය සදහා වවුනියාව මහ රෝහලට පැමිණීමට සූදානම් වූ අවස්ථාවේදී වවුනියාව මහ රෝහලේ සිට පම්පමඩුව ආයුර්වේද රෝහලට රාත්‍රී ආහාරය රැගෙන ගිය ගිලන් රථය ආපසු වවුනියාව මහ රෝහලට පැමිණෙමින් තිබූ නිසා ඇය රෝහලට පැමිණීම සඳහා එම ගිලන් රථයට ගොඩ වී තිබේ.

ගිලන් රථයේ රියදුරා හා තවත් අයෙකු ගිලන් රථයේ සිට ඇති අතර රියදුරා වවුනියාව -මන්නාරම මාර්ගයේ ඉන්ධන පිරවුම් හලකින් ඉන්ධන ලබා ගැනීමට ගිලන් රථය නවත්වා ආපසු එය වවුනියාව මහ රෝහලට ධාවනය කිරීම වෙණුවට අතුරු මාර්ගයකින් වෙනත් දිශාවකට ධාවනය කරන්නට පටන් ගෙන තිබේ.

ඊට හේතුව විමසුවත් රියදුරා කිසිවක් ප්‍රකාශ නොකිරීම නිසා බියට පත් වෛද්‍යවරිය ගිලන් රථයෙන් බිමට පැන තමාව බලහත්කාරයෙන් පැහැර ගෙන යමට උත්සහ කරණ බව මහමග සිටි පිරිසට ප්‍රකාශ කොට තිබේ.

ජනතාව වෙනත් වාහනයකින් ගිලන් රථය හඹා ගොස් එය නතර කරවා රියදුරුට හා සහායකයාට පහර දී ඔවුන්ව මෙල්ල කරගෙන නෙලුකුලම පොලීසිය වෙත ඔවුන් දෙදෙනාව බාර දී ඇත.

වවුනියාව මහ රෝහලේ වෛද්‍යවරු පිරිසක් එම ස්ථානයට ගොස් ඇති අතර පොලීසිය සමග සාකච්ඡා කිරීමෙන් පසුව ගිලන් රථ රියදුරා හා සහායකයා අත් අඩංගුවට ගෙන පරීක්ෂණ ආරම්භ කොට ඇත.

එම වෛද්‍යවරිය පැහැර ගැනීමට උත්සහ කළ රියදුරා සිටි ගිලන් රථයද වවුනියාව මහ රෝහලට අයත් ගිලන් රථයක් බැවින් රියදුරුට හා රිය සහායකයාට එරෙහිව වෙනම පරීක්ෂණයක් වවුනියාව මහ රෝහලේ පාලන අධිකාරිය විසින් ආරම්භ කොට ඇත.

එම පරීක්ෂණයේදී අනාවරණය වී ඇත්තේ වවුනියාවේ සිට පම්පමඩුව ආයුර්වේද රෝහලට දුර කි.මී 16 ක් වූවත් එක් ගමන් වාරයක් සදහා මෙම රියදුරා කි.මී. 20 ක දුරක් සටහන් කොට ඉතිරි වන ඉන්ධන අලෙවි කරණ බවයි.

දිනකට ගමන් වාර 6 ක් මෙම ගිලන් රථය වවුනියාව මහ රෝහල හා පම්පමඩුව ආයුර්වේද රෝහල අතර ධාවනය කිරීම සිදුවන බැවින් ගිලන් රථ රියදුරා මෙම ඉන්ධන වංචාව කාලයක සිට කරගෙන ගොස් ඇති බවද හෙළි වී ඇත.

වවුනියාව මහ රෝහලෙන් ගිය වෛද්‍යවරු පිරිස බියට පත්ව සිටි වෛද්‍යවරිය වවුනියාව මහ රෝහල වෙත රැගෙන විත් තිබේ.

"දෙවියනේ... ඇය මේක කොහොම දරා ගන්නද?'' යුග දිවියට මොහොතක් තිබියදී, මනාලයා නොයන ගමනක් ගිහින්... හදවත් කම්පා කරමින් ඇහෙන ඛේදනීය පුවත

විවාහයට පැය කිහිපයක් තිබියදී මනමාලයා සහ ඔහුගේ ඥාති සහෝදරයා ඛේදනීය ලෙස ජීවිතක්ෂයට පත් වූ පුවතක් පිළිබඳව තොරතුරු වාර්තා වෙනවා.

ඒ අමෙරිකාවේ නිව් යෝර්ක් නගරයෙන්.

මෙලෙස ජීවිතක්ෂයට පත් වූයේ  විවාහා වීමට සිටි  අවුරුදු 38ක් වූ කිර්ක් වෝකර්ගේ සහ ඔහුගේ ඥාති සහෝදරයෙක් වූ 40 හැවිරිදි රොබ් මැක්ලෝරින්.

ඔවුන් ගමන් කළ මෝටර් රථය ඊට ප්‍රතිවිරුද්ධ දෙසින් පැමිණි රථයක වැදී මෙම බිහිසුණු අනතුර සිදුව තිබෙනවා.

ප්‍රතිවිරුද්ධ දෙසින් පැමිණි වාහනයේ රියැදුරු එම ස්ථානයෙන් පළා ගොස් ඇති බවයි විදෙස් මාධ්‍ය පවසන්නේ.

බරපතල තුවල ලැබූ ඔවුන් දෙදෙනා කොලොම්බියා ප්‍රෙස්බිටේරියන් රෝහල වෙත රැගෙන යන අතරතුරදී ජීවිතක්ෂයට පත්ව තිබෙනවා.

විවාහයට දිනයක් තබා තම පෙම්වතාගේ මෙම වියෝව දරාගත නොහැකි වූ විවාහ වීමට ඇඟිලි ගණිමින් සිටි පෙම්වතිය වන ෂෝන්ටියා වීවර් දැඩි කම්පනයට පත්ව සිටින අතර ඇය මෙම කම්පිත සිදුවීම පිළිබඳව දක්වා සිටියේ මෙවැනි අදහසක්.

''මට මේක රූපවාහිනී වැඩසටහනක් ලෙස හැගෙන්නේ. මට මේක විස්වාස කරන්න බෑ, මම ඕනෑම මොහොතක අවදි වී මගේ සැබෑ ජීවිතයට ආපසු යන්නෙමි. මෙම ඛේදනීය සිදුවූ මොහොතේ පටන් සෑම පැයක් පාසාම, මට වෙනස් චිත්තවේගයක් මා තුළ ඇති වේ.''

"දුව අපි දෙන්නා නිදාගෙන හිටිය කාමරයට ඇවිල්ලා අම්මේ මට අමාරුයි කිව්වා..." - සාදයට ගොස් පැමිණි තරුණ බැංකු නිලධාරිනියට මොකද වුණේ?

සීතාවකපුර ප්‍රදේශයේ සාදයකට සිය කාර්ය මණ්ඩලය සමග ගොස් පැමිණි තරුණියක් පෙරේදා (25) අලුයම හදිසි අසනීප තත්ත්වයක් හේතුවෙන් වරකාපොළ රෝහලට ඇතුළත් කිරීමේදී මිය ගොස් ඇති බව වරකාපොළ පොලිසිය පවසනවා.

මෙලෙස මිය ගොස් ඇත්තේ, නිට්ටඹුව පෞද්ගලික බැංකුවක සේවය කළ, වරකාපොළ අඹේපුස්ස මාහේන ප්‍රදේශයේ පදිංචි 21 හැවිරිදි රාජපක්ෂ ආරච්චිලාගේ සෙනාලි රාජපක්ෂ නැමැති අවිවාහක තරුණියක්.

ඇය 2022 වර්ෂයේ දී උසස් පෙළ විභාගයට පෙනී සිට, පෞද්ගලික විශ්වවිද්‍යාලයක උපාධියක් හදාරන බවයි පොලිසිය සඳහන් කරන්නේ.

මාස 10ක පමණ කාලයක සිට මෙසේ බැංකුවක සේවය කර ඇති ඇය, පසුගිය (24) බැංකුවේ කාර්ය මණ්ඩලය සමග මෙසේ උත්සවයකට ගොස් ඇති බව පොලිසිය පවසනවා.

පසුව තරුණිය රාත්‍රී 8.30ට පමණ නිවෙසට පැමිණ නිවෙසේ ඉහළ මහලයට ගොස් ඇති අතර, මව ආහාර ගැනීමට කතා කළද ඇය ආහාර ගැනීමට නොහැකි බව පවසා නින්දට ගොස් ඇති බව මව්පියන් පවසන බවයි පොලිසිය සඳහන් කරන්නේ.

තරුණිය ඊයේ අලුයම 3ට පමණ පහත මහලට පැමිණ, තමාට අමාරුයි යැයි මවුපියන්ට පැවැසීමෙන් පසුව, මවුපියන් ඇයව වරකාපොළ රෝහලට ඇතුළත් කර ඇති නමුත්, ඒ වනවිටත් තරුණිය මිය ගොස් ඇති බව පැවැසේ.

තරුණියකගේ මරණය සම්බන්ධයෙන් පැවති සාක්ෂි විභාගයේදී ඇයගේ මව කියා සිටියේ මෙවැන්නක්,

"දුවට කිසිම අසනීපයක් තිබුණේ නෑ. ඉපදුණාට පස්සේ අද තමයි ඉස්පිරිතාලෙකට හරි ඇතුළත් කළේ.පෙරේදා (24) දුව බැංකුවේ කාර්ය මණ්ඩලය එක්ක සීතාවක උත්සවයකට ගෙදරින් උදේ 6.30ට විතර ගියා. රෑ 8.30ට විතර ගෙදර ආවා. ඇවිල්ලා ඇඟපත සෝදාගෙන උඩ තට්ටුවට ගියා. මම මහත්තයාට කෑම බෙදලා දුවට කෑම කන්න කතා කළා. දුව රෑට කෑම කනවා අඩුයි. ඊට පස්සේ දුව කිව්වා, කෑම කන්න බෑ අම්මේ කියලා. මමත් වැඩිය බල කළේ නෑ කෑම කන්න කියලා. පස්සේ දුව ගිය සාදයේ තොරතුරු කියන්න කතා කළා. ඒ වෙලාවෙ මම කෝල් එකක හිටියේ. සාදයේ තොරතුරු මට දුවගෙන් අහගන්න බැරි වුණා.

පස්සේ අපි නිදා ගත්තා. ඊයේ (25) පාන්දර 3ට විතර දුව උඩ ඉඳලා පහළට ඇවිල්ලා බාත්රූම් එකට යනවා දැක්කා. ඒ ගිහින් ඇවිල්ලා දුව අපි දෙන්නා නිදාගෙන හිටිය කාමරයට ඇවිල්ලා අම්මේ මට අමාරුයි කියලා කිව්වා. පස්සේ මහත්තයා දුව වැටෙන්න දෙන්නේ නැතිව අල්ල ගත්තා. මම ගිහිල්ලා ගේට්ටුව ඇරියා. මහත්තයා දුව වඩාගෙන කාර් එකට අරන් ඇවිත් වරකාපොළ ඉස්පිරිතාලෙට ගෙනාවා. ඒ අරන් යනකොට දුව වචනයක්වත් කතා කළේ නෑ. වරකාපොළ ඉස්පිරිතාලෙට ඇතුළත් කරලා බාහිර රෝගී අංශයේ හිටපු වෛද්‍යවරයා ඇතුළු කාර්ය මණ්ඩලය ගොඩක් වෙහෙස මහන්සි වුණා දුව බේරා ගන්න. ඒත් වැඩක් වුණේ නෑ. දුව නැති වුණා. මට දුවගේ මරණය ගැන සැකයක් නෑ.”

සිද්ධිය සම්බන්ධයෙන් වරකාපොල පොලිසිය වැඩිදුර විමර්ෂණ සිදුකරනවා.

"අම්මා අපි නිසා දුක්විඳිනවා.. ඒ ගැන මට කනගාටුයි..." අඟහිඟකම් නිසා කියාගන්න බැරි තරම් සිත් තැවුලෙන් සිටි සෙව්වන්දි ගැන ඇසෙන කඳුළු කතාව මෙන්න

විසඳුම් නැති ප්‍රශ්න අපි කාගේත් ජීවිතවලට එකතු කරන්නේ අඳුරු කාලයක්.. සෙව්වන්දිට කියලාත් ඒ කතාවේ කිසිම වෙනසක් නැතුව ඇති..

තාත්තාගේ අකල් මරණය ඔහුන්ගේ ජීවිතවලට එක්කළේ මහ නරක කලදසාවක්.. ඒ නිසාම ඇය මෙන්න මේ විදිහේ තීරණයක් අරගෙන...

මොනරාගල, වැදිකුඹුර, අම්පිටිය ප්‍රදේශයේ පදිංචි පාසල් සිසුවියක් පසුගිය දවසක ඇගේ මවට ලිපියක් ලියා නිදි යහනේම මියගොස් ඇති බව මොනරාගල පොලිසිය පවසනවා..

මෙලෙස මියගොස් ඇත්තේ, මොනරාගල වැදිකුඹුර විද්‍යාලෝක විද්‍යාලයේ උසස් පෙළ හදාරමින් සිටි වීරසිංහ කංකානම්ලාගේ මෝක්ෂා සෙව්වන්දි නමැති සිසුවියක්..

ඇයගේ පියා මීට වසර හතරකට පමණ ඉහතදී වන අලියෙකු පහරදීමෙන් මියගොස් ඇති බව පැවසෙනවා..

ඇය මව සහ සොහොයුරා සමග නිවසේ පදිංචිව සිට ඇති අතර, පසුගිය 24 උදෑසන මව උක්ගස් කැපීම සඳහා ද සොහොයුරා උපකාරක පන්තියකට ද නිවසෙන් පිටව ගොස් තිබෙනවා...

පස්වරු තුනට පමණ සොහොයුරා පැමිණ බලන විට ඇය නිදි යහනේ මියගොස් සිටිනු දැක තිබෙනවා..

ඇය විසින් ලියන ලද ලිපියේ “අම්මා අපි නිසා දුක්විඳිනවා.. ඒ ගැන මට කනගාටුයි” කියා සඳහන් කර ඇතැයි පැවසේ..

ආර්ථික දුෂ්කරතා නිසා ඉගෙනගැනීමට පවා ඇයට ගැටලු තිබී ඇති බව පරීක්ෂණවලදී අනාවරණය වී තිබෙනවා..

ඇයගේ මරණය පිළිබඳ හදිසි මරණ පරීක්ෂණ සහ පශ්චාත් මරණ පරීක්ෂණ ඊයේ මොනරාගල දිස්ත්‍රික් මහ රෝහලේදී පවත්වා තිබෙනවා..

එමෙන්ම ඇයගේ මරණය සම්බන්ධයෙන් හේතුව අනාවරණය නොවන බව මොනරාගල දිස්ත්‍රික් මහ රෝහලේ අධිකරණ වෛද්‍ය නිලධාරීවරයාගේ වාර්තාවේ සඳහන් බවයි වාර්තා වෙන්නේ..

ඇයගේ ශරීර කොටස් වැඩිදුර පරීක්ෂණ සඳහා වෛද්‍ය පරීක්ෂණ ආයතනයට යොමුකර තිබෙනවා..

කොඩි ගහ යට කලු කියන්නේ මගේ සැමියා…කොඩි ගහ යට රඟපෑවට එක කොටසක්වත් මම නරඹලා නෑ.. – තිලක්ෂණි රත්නායක

පසුගිය කාල සීමාවේදී පුංචි තිරයේ විකාශය වුණු විවිධ ටෙලි නිර්මාණ හරහා ප්‍රේක්ෂකයන් හමුවට ආපු ආදරණීය චරිතයක් තමයි තිලක්ෂණි රත්නායක කියන්නේ.ඉතින් ඇය ගැන ඔබ මෙතෙක් නොදත් තොරතුරු කිහිපයක් කියන්න තමයි මේ සූදානම.

පුංචි තිරයේ ආන්දෝලනයට ලක්වුණු ටෙලි නිර්මාණයන් කීපයකට ඇය රංගනයෙන් දායකත්වය දුන්නා.ඒ වගේම දුස්රා කියන වැඩිහිටියන්ට පමණයි සීමා වූ නිර්මාණයකටත් ඇය  රංගනයෙන් දායකත්වය සැපයුවා.ඉතින් ඒ වගේ චරිතයක් කරන්න බය හිතුන්නැද්ද කියලා අහපුවහම ඇය කිව්වේ සමාජෙට යම් පණිවිඩයක් දෙන්න පුළුවන් නම් ඇය ඒ චරිතය භාර ගන්නවා කියලයි.

ඒ වගේම තමයි බොහෝ දෙනෙක් නොදන්නවා වුණාට ඇය මේ වෙද්දිත් විවාහකයි.ඉතින් ඇය විවාහ වෙලා ඉන්නෙත් කොඩි ගහ යට ටෙලි නිර්මාණය රංගනයෙන් දායකත්වය දුන්නෝ නලින් ලුසේනා කියන  රංගන ශිල්පියා සමඟයි.ඉතින් ඇය ඒ සම්බන්ධයෙන් කියලා තිබ්බේ මේ වගේ කතාවක්.

මම විවාහකයි. මගේ ස්වාමිපුරුෂයා නලීන් ලුසේනා. ඔහුත් කලා ක්ෂේත්‍රයේම රංගන ශිල්පියෙක්, අධ්‍යක්ෂවරයෙක් වගේම පිටපත් රචකයෙක් විදිහට වැඩ කරනවා. ඇත්තටම මේ වෙලාවෙ මට වැඩ කරගෙන යන්න පුළුවන් විදිහේ පරිසරයක් නිර්මාණය කරන්නේ ඔහු. ඉතිං ඒ ගෞරවය ඔහුට හිමිවෙන්න ඕනෑ.

කොඩිගහයට’ රඟපෑවාට එක කොටසක්වත් මම තවම නරඹල නැහැ. ඇත්තටම කථාව කොහොමද යන්නේ කියන්නවත් මම දන්නේ නැහැ. තවමත් බලන්න බැරි වුණා. ඇත්තටම අපි ගෙදර ඉන්නකොට නිර්මාණවලට එහා ගිය ලෝකයක් අපි නිර්මාණය කරගන්නවා.”

“අම්මා අසනීප නිසා ලංකාවට ආවා… අවුරුදු හයකට පස්සේ තමයි ලංකාවට ආවේ…” – එංගලන්තයෙන් ජීවත් වෙන කාංචනා මෙන්ඩිස්

පුංචි තිරයේ වගේම රිදී තිරයේත් නිතරම ප්‍රධාන චරිත හරහා ප්‍රේක්ෂකයන් හමුවට ආපු මේ සුන්දර රංගන ශිල්පිනිය පිළිබඳව කොයි කාටත් මතකයි.ඇය නමින් කාංචනා මෙන්ඩිස්.හැබැයි ඇය කලාවෙන් කාවකාලිකව සමු අරගෙන මේ වෙද්දී  අවුරුදු ගණනාවක් වෙනවා.

2013 වර්ෂයේදී තමයි ඇය අවසානයට ටෙලි නාට්‍යයක රඟපෑවේ. ඒ ටෙලි නිර්මාණය ගිරිකුල ටෙලි නිර්මාණය.මේ ටෙලි නිර්මාණයට ඇයට හොඳම නිළිය සම්මානයක් හිමිවුණා. හැබැයි ඒ සම්මානය ගන්න ඇය ලංකාවේ හිටියේ නැහැ.ඒ සම්මාන ගත්ත ඇගේ ආදරණීය සහෝදරියක්.

ඉතින් ඇය කලකට කලින් ඉක්මනටම ලංකාවට ඇවිල්ලා ඉක්මනටම ගිහින් තියෙනවා. ඒ වගේම එදා ගමන සහ මෙදා ගමන ගැන ඇයි කියලා තිබ්බේ මේ වගේ කතාවක්.

“ගිය අවුරුද්දෙ සති දෙකකට විතර හදිසියේම ලංකාවට ඇවිත් ගියා අම්මා අසනීප වෙලා හිටිය නිසා. මේ පාර බබාලත් එක්කම ආවේ ටික දවසක් ඉඳල යන්න. මේ එයාලගේ සමර් වැකේෂන් එක. ජූලි 18 ආවේ. සැප්තැම්බර් 01 වගේ ආයෙම යනවා. මම රැකියාවක් නොකළට මටත් නිවාඩු ලැබෙන්නෙ බබාලගෙ වැකේෂන් එකට තමයි.  2018දී ආවට පස්සේ මේ ආවේ. අවුරුදු 6කට පස්සේ. ඒ එද්දි චූටි පුතාට අවුරුද්දයි. එයාට කිසිම මතකයක් නෑ. දැන් එයාට තේරෙන වයස නිසා මට හිතුණා දරුවෝ එක්ක ඇවිත් මගේ ගෙදර අයට පෙන්නන්න. අපේ අම්මට, අක්කලට එයාව හුරතල් කරන්නවත් බැරි වුණානේ. අපි ලංකාවෙන් යද්දි මට හිටියේ ලොකු පුතයි, දුවයි විතරයි. ඒ වෙද්දි ලොකු පුතාට අවුරුදු 4යි. දුවට අවුරුද්දයි. ලබන මාසෙ 25ට ලොකු පුතාට අවුරුදු 15 ලබනවා.’

එකම නම අට වතාවක් – රන් පදක්කම්වලින්ම ගෙල සරසාගත් හැමෝම කතාවෙන පේරාදෙණියේ උපාධිධාරිනිය

කුමුදුමලී ඩබ්ලිව්. යූ…කුමුදුමලී ඩබ්ලිව්. යූ….කියලා කියවුණේ එක පාරක් නෙමෙයි.. 

මේ වීඩියෝව විනාඩි 3 තත්පර විසිහයයි… අද වෙද්දී ලංකාවේ බොහෝදෙනෙක් මේක බලල තියෙන්න ඕන… එක ස්ටේජ් එක පිට එක ගෝල් මෙඩ්ල් අටක්.. කව්ද මේ කුමුදුමලී.. තමන්ගේ නම අට පාරක් අහගන්න ඇය කළ කැපකිරීම් අහසටත් වඩා උස ඇති…

උදේනි කුමුදුමලී පේරාදෙණිය විශ්වවිද්‍යාලයේ පශු වෛද්‍ය හා සත්ව විද්‍යා පීඨයෙන් තම අධ්‍යාපනය හැදෑරූ ශිෂ්‍යාවක්.. මේ කියන්න යන්නේ සමාජමාධ්‍යවල මේ දවස්වල වැඩි වැඩියෙන් කතාබහට ලක්වෙන ඇය ගැන කතාවක්…

ඔච්චර උපාධි අරන් මොනා කරන්නද අහන මිනිස්සු, උපාධි මොකටද අනේ ගේමක් ගහගන්න දන්නවා නම් කියන මිනිස්සු, තාමත් ඔයා ඉගෙන ගන්නවද අහන මිනිස්සු, කීපාරක් ඔයා රිපීට් වුණාද තාම ඔතනද අහන මිනිස්සු,නාකි වෙනකන් කැම්පස් යන්නද හිතන්නේ අහන මිනිස්සු,උපාධි ගොඩගහන් ඕවා කන්නද අහන මිනිස්සු ඇයටත් අනන්ත හමුවෙන්න ඇති…

මේ සාර්ථකතවයට ඇය ආවේ නොයෙකුත් කරදර බාධා මැදයි.. ඉතාමත් දුෂ්කර ගමකින් ඇවිල්ලා..වැඩ්ඩො අතර වැඩ්ඩෙක් වෙන්න හැමෝටම බෑ.. ඒත් ඇය ඒක කොහොමහරි අවසන් කලා.. ඒ විතරක්ම නෙවෙයි තමන්ට මේ තැනට එන්න පාර තනාදුන් නිදහස් අධ්‍යාපනයට‍ ඇය ස්තූතිවන්ත වෙන්නත් අමතක කරලා තිබුණේ නැහැ..

ඉතින් ඉතාම කෙටි කාලයකින් ඇගේ මහන්සිය බොහෝ දෙනාගේ ප්‍රසංසාවට හා ඇගයීමට ලක්වුණා.. ඉතින් ඔන්න මේ ලැබුණු ආදරය වගේම ඇගේ මහන්සිය, උත්සාහය වෙනුවෙන් ලැබුණු හැම උණුසුම් ප්‍රතිචාරයකටම ඇය මෙන්න මේ විදිහට සටහනක් ඇගේ මුහුණු පොතේ තබන්න අමතක කරලා තිබුණේ නැහැ..

මම වෙනුවෙන් සුබ පැතුම් එක් කරපු, මම ගැන ලියපු හැමෝට ම බොහොම ස්තුති යි..

………………………………………………………………..

ඒ ලැබුනු ආශිර්වාද සහ පන්නරය , හෙට ත් මගේ ජීවිතය ආලෝකමත් කරාවි..

ඇත්තට ම මට මොනව ද කියන්න ඕන, මොනව ද ලියන්න ඕන කියලා හිතා ගන්න බෑ..

මේ තරම් පිරිසක් අතර, මෙච්ව්ර පොඩි කාලෙකින්, දැනගැනීම් ඇති වෙයි කියලා හිතුවෙ නෑ.. කොටින් ම කිවිවොත් මෙහෙම දෙයක් හීනෙකින් වත් මම බලාපොරොත්තු උනෙත් නෑ..

මේ ගෙවා ගිය ජීවිතේ,, ඉඩෝර අනන්ත වාර ගනනක් මම පහු කරන්න ඇති.. අර මම හැමදාම කිඋවා වගේ, ඒ ඒ මොහොත මා දරා ගත්ත විදිය සහ ඒ ගත් අප්‍රතිහත ශක්තියට නිගා දෙන්න බැරි නිසා, සොබා දහම විසින් මන් වෙනුවෙන් වට්ටපු එකම එක පුංචි මල් වැස්සක් වෙන්න ඇති මේක.. මේ ජයග්‍රහණය..

ඒත්, තව කොච්චර නම් දුර යන්න ඇත් ද? මේක ආරම්භයක් නොවෙද? මේ මොහොතේ මගේ හිත කියන්නෙ ඔච්චරයි

ඉතින් මේ ව්දියට මාව අගය කරපු ඔබ, මට තවත් ඉදිරියට ඇදෙන්න ලොකු ශක්තියක් එකතු කරා.. ඒ වෙනුවෙන් හැමෝට ම නැවතත් මම ස්තුති කරනවා..

…………………………………………………………….. ..

ඉතින්,, ඔබ ,

අම්මෙක් තාත්තෙක් වේ ද, කුමන හෝ ආයතනයක ප්‍රධානියෙක් වේද, කුමන තරාතිරම ක වුව සේවයක් කරන කෙනෙක් වේද, කුමන රැකියාවක් කරන කෙනෙක් වේද,ඉගෙන ගන්න කෙනෙක් වේද,, කවුරු හෝ…

තමන් ට ආදරේ කරන්න. තමන් කරන තමාට නියමිත රාජකාරිය වෙනුවෙන් කැප වෙන්න, ආදරේ කරන්න, ගරැ කරන්න..

තමන් ව විශ්වාස කරන්න, අගයන්න, තමා විසින් තමාව ම රාමුවක සිර නොකරන්න..

කුමන ක්ශේත්‍රක වුවද, අරමුණක් ලුහු බැද එය ජය ගන්න..

මතක තියාගන්න ජීව්තේ ජයගන්න කැම්පස් යන්න ම ඕනි ම නෑ

හැබැයි ඒක හොද අවස්ථාව ක් වෙන්න පුලුවන්.. ඒ අවස්ථාව ගන්න පසුබට වෙන්න එපා..

මේ හැමදේට ම තමන් ගෙ ම හිත හදාගන්න…

ඒ තුලන් මේ ලැබුන දුර්ලබ මනුෂ්‍ය බවය අර්තවත් කරන්න..

කොටින් ම කිව්වොත්, ජීවිතේ ට අර්ථයක් දෙන්න, ජීවත් වෙන්න

ආපහු හැරිලා බැලුවොත් පසු තැවීම් නොවෙන්න, ජිවත් වෙන්න..

කාලය ගත වෙවී මේ හැමදේ ම වෙන්න, බය නැතුව කාලය ට ඔබ අතහැර යන්න ඉඩ දෙන්න..

බාදක ජය ගන්න, මැඩ ලන්න, සහ හැර යන්න..

ඔව්, මම ඉතින් විශ්වාස කරනවා, පුලුවන් වේවි අපි හැමෝටම දවසක මේ ලොවම ජයගන්න..

ඉතින් ඔබ සියලූ දෙනා ම වෙනුවෙන්, මගේ ඒ සුබ පැතුම ඔබට එකතු කරන්නම්…

උදේනි කුමුදුමලී~