පොහොට්‌ටුවේ ප්‍රා.ස. මන්ත්‍රීවරු දෙදෙනක්‌ මාළු කඩේකට ඔට්‌ටු වෙති

ගම්පහ ප්‍රාදේශීය සභාවේ පොහොට්‌ටුවේ මන්ත්‍රීවරු දෙදෙනකු ගණේමුල්ලේ මාළු කඩ දෙකකට ආරවුල් ඇතිකර ගැනීමේ සිද්ධියක්‌ ගණේමුල්ල පොලිසියට වාර්තා වේ. ප්‍රාදේශීය සභා මන්ත්‍රී උපුල් අල්විස්‌ මහතා මන්ත්‍රී ධුරයට පැමිණීමට වසර 5 කට පෙර සිටම ගණේමුල්ල නගරයේ ආරම්භ කර තිබූ ධීවර මාළු වෙළෙඳසල යාබද ගොඩනැඟිල්ලේ පොහොට්‌ටුවේම තවත් මන්ත්‍රීවරයකු පසුගියදා "අලුත් මාළු කඩය" නමින් තවත් මාළු කඩයක්‌ ආරම්භ කිරීමෙන් මෙම ආරවුල ඇති වී තිබේ.

දෙමල සන්ධාන මන්ත‍්‍රී පිරිසක් මහින්ද හමුවේ !

මඩකලපුව දිස්ත්‍රික්කයේ ද්‍රවිඩ ජාතික සංවිධානය නියෝජනය කරන පලාත් පාලන නියෝජිතයින් පිරිසක් විජේරාම නිල නිවසේදී විපක්‍ෂ නායක මහින්ද රාජපක්‍ෂ මහතා හමුවිය.

හක්මන සණස බැංකුවෙන් ලක්ෂ1.7 කොල්ලකා සීසීටීවී ගැජට් එකත් ගලවං ගිහින්

ඊයේ (9) දින අවි පෙන්වා බිය ගන්වා සණස බැංකුව කොල්ලකෑමක්  හක්මනින් වාර්තා විය. ඊයේ සවස 2.40 ට පමණ හක්මන පොලිස් වසමේ බෙලිඅත්ත පාර ගම්මැදපිටිය ප්‍රදේශයේ පිහිටි සණස බැංකුවට
යතුරුපැදියකින් පැමිණි මුහුණු ආවරණ සහිත හෙල්මට් පැලද අවි අතැතිව පැමිණි නාඳුනන පුද්ගලයන් දෙදෙනෙකු විසින් එහි සේවකයින් අවි පෙන්වා බියගන්වා සේප්පුවල තිබූ මුදල් 171050/- (එක්ලක්ෂ හැත්තෑඑක්දහස් පනහක්) කොල්ලා පලාගොස් ඇත.

ඉංග්‍රීසි යුගයේ ඝණ්ඨාරය සොරකම්කර ලක්ෂ 50 කට විකුණන්න හදද්දී හසුවේ !

යටත් විජිත සමයේ ඉංග්‍රීසි ජාතිකයන් විසින් පුස්සැල්ලාව හෙල්බොඩවත්තේ ස්ථාපනය කර තිබු කිලෝ 250 ක් බරැති කෞතුක වටිනාකමකින් යුත් විශාල ඝන්ටාරයක් සොරාගත් සිවු දෙනෙක් එය රුපියල් ලක්ෂ 50 කට විකිණීමට සූදානම් වීමේ දී පුස්සැල්ලාව පොලිසිය මගින් පසුගිය  (7) අත්අඩංගුවට ගනු ලැබුහ.

පාස්කු ප්‍රහාරය නිසා මැයි මාසයේ ගුවන් ගමන් 1000ක් අවලංගු වෙලා !

පාස්කු ඉරිදා ප්‍රහාරයෙන් පසුව මැයි මාසයේදී ශ්‍රී ලංකාවට පැමිණීමට නියමිතව තිබූ ගුවන් ගමන් වාර දහසක්  අවලංගු කර ඇති බව අනුර කුමාර දිසානායක මහතා ස්ථාවර නියෝග 27/2 යටතේ කළ ප්‍රකාශයට පිළිතුරු දෙමින් ප්‍රවාහන හා සිවිල් ගුවන් සේවා රාජ්‍ය ඇමැති අශෝක් අබේසිංහ මහතා පාර්ලිමේන්තුවේදී පෙරේදා (08දා) ප්‍රකාශ කළේය.

ඇස්ප්‍රින් ඇතුළු ඖෂධ 7ක් ඩෙංගු උණ රෝගීන්ට දෙන්න එපාලු

රෝගය උත්සන්න වන බව අනාවරණය වීම නිසා ඩෙංගු ඇතුළු උණ රෝගවලින් පෙළෙන රෝගීන්ට ඇස්ප‍්‍රින් ඇතුළු බෙහෙත් වර්ග හතක් ලබා දීමෙන් වළකින ලෙස සෞඛ්‍ය සේවා අධ්‍යක්ෂක ජනරාල් විශේෂඥ වෛද්‍ය අනිල් ජාසිංහ මහතා සියලූ වෛද්‍යවරුන්ගෙන් හා මහජනතාවගෙන් විශේෂ ඉල්ලීමක් කරයි.

නිවාස අධිකාරියේ නිලධාරීන් 32ක් පැන්ෂන් ගියත් රස්සාවේ !

ජාතික නිවාස සංවර්ධන අධිකාරියේ වයස අවුරුදු 60 ඉක්ම වූ නිලධාරින් 32 කට ලබා දී ඇති නනතුරු සදහා අනුමැතිය ලබාදීම කැබිනට් මණ්ඩලය ප්‍රතික්ෂේප කර තිබේ.  ජාතික නිවාස සංවර්ධන අධිකාරීයේ කලක් සේවය කර ඇති එම නිලධාරින් විශ්‍රාම යැමෙන් පසුව තවදුරටත් වැටුප් හා දීමනා ගෙවමින් ඉහළ තනතුරුවල රඳවා ගෙන ඇති අතර ඔවුන්ට එලෙස පන්ති හා වැටුප් ගෙවීම සඳහා අනුමැතිය ඉල්ලා නිවාස, ඉදිකිරිම් සහ සංස්කෘතික කටයුතු අමාත්‍ය සජීත් ප්‍රේමදාස මහතා ඉදිරිපත් කර තිබූ කැබිනට් පත්‍රිකාව ප්‍රතික්ෂේප කර තිබේ.

ලංකාවේ ඉංග්‍රීසි ඉගැන්වීමට ඇමෙරිකානු ගුරුවරුන් එයි

දුෂ්කර ප්‍රදේශවල පාසල් සිසුන් තුළ ඉංග්‍රීසි භාෂාව කථා කිරීමේ හැකියාව සංවර්ධනයට ශ්‍රී ලංකාවේ ඉල්ලීම පරිදි එක්සත් ජනපදයේ සාම බලකායේ (US Peace Corps) ස්වෙච්ඡා ඉංග්‍රීසි ගුරුවරුන්ගේ සේවය ලබා ගැනීමට අවධානය යොමුව තිබේ.

අර්ජුන මහේන්ද්‍රන්ට වරෙන්තු කරයි !

මහබැංකු බැඳුම්කර වංචා නඩුවේ ප්‍රධාන විත්තිකරු ලෙස නම් කර මේ වන විට අධිකරණය මඟහැර සිටින හිටපු මහ බැංකු අධිපති අර්ජුන් මහේන්ද්‍රන් මහතා අත්අඩංගුවට ගෙන අධිකරණයට ඉදිරිපත් කරන ලෙස දන්වා කොළඹ ත්‍රිපුද්ගල විශේෂ මහාධිකරණය අද (09) වරෙන්තු නිකුත් කර තිබේ.

මහේල ඉන්දීය පුහුණුකරු වෙන්න තියා ඊට ඉල්ලුම්පතක්වත් දාල නෑ !

හිටපු සුපිරි පිතිකරුවකු වන මහේල ජයවර්ධන ඉන්දීය පුහුණුකරුවීමට ඉල්ලුම් පතක් හෝ යොමුකර නොමැති බව ඉන්දීය ක්‍රිකට් පාලක මණ්ඩල අභ්‍යන්තර ආරංචි මාර්ගවලින් වාර්තා වේ.

ගොවිජන සංවර්ධන නිලධාරීන් 2ක් අල්ලස් දැලේ !

රුපියල් 10,000ක අල්ලස් ලබා ගත් ගොවිජන සංවර්ධන නිලධාරීන් දෙදෙනෙකු උල්පතගමදී අල්ලස් හෝ දූෂණ විමර්ශන කොමිෂන් සභාව විසින් අත්අඩංගුවට ගෙන තිබේ.

මැණික් පතල් බලපත්‍රයක කාලය දීර්ඝ කර ගැනීම සඳහා මොවුන් මෙම අල්ලස ඉල්ලා ඇති බව වාර්තා වේ.

සීයා කෝල් ගනිද්දී මුණුපුරා මුහුදු රකුසාට බිලි

සමන්තුරේ නින්දවූර් මුහුදු වෙරළේ දී රළ පහරකට හසුවී වයස අවුරුදු එකහමාරක පමණ දරුවකු මියගොස් තිබේ. තම සීයා සමග මුහුදු වෙරළට ගොස් සිටි අවස්ථාවේ මෙසේ රළ පහරට හසුවී තිබේ. මෙසේ අවාසනාවන්ත ලෙස මියගොස් ඇත්තේ නින්දවූර් පදිංචි අවුරුද්දයි මාස නවයක් වන ඉල්ලියාස් මොහමඞ් ආදිල් නමැති පිරිමි දරුවකුය.

මිහින්තලයේ වැව්වල ජලය ඉවත්කොට මසුන් මරන ජවාරමක් !

මිහින්තලය, සීප්පුකුලම සහ කහටගස්දිගිලිය අවට ග්‍රාමීය වැව්වල හිතුමතේට ජලය ඉවත් කරමින් ගොවි සංවිධාන විසින්  ව්‍යාපාරිකයන්ට මහා පාරිමාණයෙන් මත්ස්‍ය අස්වැන්න අලෙවි කරන බව වාර්තා වේ.

"හතුරුසිංහ යවන්න වන්දි ගෙවන්න වෙයිද?" - ක්‍රිකට් සභාපති පිළිතුරු දෙයි

ශ‍්‍රී ලංකා ක‍්‍රිකට් ප‍්‍රධාන පුහුණුකරු තනතුරෙන් චන්දික හතුරුසිංහ ඉවත් කිරීමට සිදු වුණේ ඉකුත් කාලසීමාව තුළ ඔහුගේ කාර්යසාධනය අපේක්ෂිත මට්ටමක නොපැවතීම හේතුවෙන් බව ශ‍්‍රී ලංකා ක‍්‍රිකට් ආයතනය පවසනවා.

එහි සභාපති ශම්මි සිල්වා මේ බව කියා සිටියේ ඊයේ (07) පස්වරුවේ ශ‍්‍රී ලංකා ක‍්‍රිකට් ආයතනයේ පැවති මාධ්‍ය හමුවකදීයි.

කොලඹ නගර සීමාවට ඇතුළුවන වාහනවලින් බද්දක් !

කොළඹ මහ නගර සභා සීමාවට ඇතුළුවන වාහනවලින් බද්දක් අය කිරීමට සූදානම් වන බව වාර්තා වෙයි.

මීට හේතුව වී ඇත්තේ එම නගර සභාවේ කසළ වෙනත් ප‍්‍රදේශයන්හි කසළ අංගනවලට භාර නොගැනීමයි.

ගාල්ල ටෙස්ට් තරගයට තණ තීරුව සැකසීම ගැටලුවක් !

ගාල්ල ජාත්‍යන්තර ක්‍රිකට් ක්‍රීඩාංගනයේ ලබන 14 වැනිදා ආරම්භවන ශ්‍රී ලංකා - නවසීලන්ත ප්‍රථම ටෙස්ට් තරගයට පෙර ඒ සඳහා ක්‍රීඩාංගණ තණ තීරුව හා අවට පිටිය සූදානම් කිරීම නියමිත පරිදි සිදුකර නොමැති බව වාර්තා වේ.