ඔයාත් විවාහක කෙනෙක් වෙන්න පුළුවන්, සමහර විට ඔයා තවමත් යෞවන වියේ පසුවන කෙනෙක් වෙන්න පුළුවන්. ඒ කොහොම වුණත් , මේ කතාව නම්, කියවලාම බලන්න ඕනේ.. මේක ඇත්තම කතාවක්..
සමහර විට මේ වගේ ජීවිත ගත කරන අය තව ඕන තරම් අපි අතර ඇති.. ඒත් ඒ දේවල් පිටින් අපිට පෙන්නේ නැතුව ඇති... මේ අන්න ඒ කතාව , කියවලාම බලන්නකෝ...
මිනිස්සු අපිට මුලදී පෙන්වන ප්රතිරූපය මොන තරම් මායාවක්ද කියලා මම කසාද බැදලා පළවෙනි දවසෙම තේරුම් ගත්තා.. නමුත් එතකොට මම ගොඩාක්ම පරක්කුයි, එතකොට හැමදේම සිද්ද වෙලා..
''මම බැදපු කෙනා මට හමු වෙන්නෙ විවාහ යෝජනාවකින්, ඒක ගෙනාවේ මගේ හොදම යෙහෙළිය, එයාගේ නෑදෑ වෙන පිරිමි ළමයෙක්, මගේ යෙහෙළියට ඕන උනා අපේ යාලුකම හැමදාම එක විදියට තියා ගන්න ඉතින් ඒ නිසාම මමත් කැමැති උනා, මගේ යෙහෙළියත් ඉතාම හොද වැදගත් පවුලක කෙනෙක්, ඉතින් මමත් හිතුවා මේ පුද්ගලයාගේ පසුබිමත් ඒ වගේම ඇති කියලා
"අපි ටික කාලයක් ආශ්රය කරා, මගේ මෝඩකමද මගේ අනුවණ කමද කියලා මම දන්නේ නැහැ , අපි ආශ්රය කරපු කාලේ එයාගේ මට දකින්න කිසිම අඩුපාඩුවක් තිබුණේ නැහැ. ඇත්තටම කිව්වොත් මාව හමු වෙන්න එන වෙලාව මේකයි කිව්වොත් එයා හරියටම ඒ වෙලාවට ඇවිල්ලා ඉන්නවා මාව හමු වෙන්න.එතකොට මාව පරිස්සම් කරේ දරුවෙක් වගේ, අපි කොහේ ගියත් එයා මම ගැන තියන දක්වන අවධානය එක දශමයක් මගෙන් ගිලිහෙන්න ඉඩ දුන්නේ නැහැ.මම වෙනුවෙන් පැය ගණන් රස්තියාදු වෙලා ඇති,මම වෙනුවෙන් දේවල් ඕන තරම් දරාගෙන ඇති.නමුත් මට විවාහ වෙලා මංගල රැය එළඹෙනකම් මම දැනගෙන හිටියේ නැහැ මේ මනුස්සයට ඒ පහුගිය කාලය තුළම මම ගැන ඇති වෙමින් තිබුණේ ඉතාම අමානුෂික මානසිකත්වයක් කියලා..."
ඔව් මාව ගැස්සිලා පුදුමයෙන් පුදුමයට පත් කරමින් මේ මනුස්සය ඒ හැමදෙයක්ම මට අකුරක් නෑරම එක දිඟටම කියවන්න ගත්තා, මගේ ඔලුව විකාර වෙලා මම ගල් ගැහිලා බලන් හිටියා..එයා මුලින්ම කිව්වේ මට කසාදය කරන්න මුලදී ලොකු ඕනකමක් තිබුණේ නැහැ , නමුත් උඹේ අම්මා ඒ දවස්වල හැසිරුණු විදිය නිසයි මම මේ කසාදය කරනවාමයි කියලා හිතා ගත්තෙ..එදා රෑ කිසිම හිතක් පපුවක් නැති නරුමයෙක් වගේ මට මේ කතාව කියලා දැම්මා..ඔව් ඇත්ත අපේ අම්මා මුලින්ම මේ කසාදයට අකමැති උනේ කේන්දර ප්රශ්නයක් නිසා, නමුත් මගේ බලවත් පෙරැත්ත කිරීම හමුවේ අම්මලා මේකට කැමැති උනා, ඇත්තටම කිව්වොත් ඒක ඕනම අම්මා කෙනෙක්ගෙ විදිය මම ඒකේ වරදක් දකින්නේ නැහැ.
කොහොම නමුත් මෙයාට ඒක දැනිලා තේරිලා තියෙන්නේ එයාව ඉතාම නරක විදියට ප්රතික්ෂේප කරා වගේ හැඟීමකින්.අන්න ඒක තමයි එයාට මම ගැන අම්මා ගැන මහා ලොකු වෛරයක් ඇති වෙන්න හේතුව..නමුත් එයා කසාදයට කලින් ඒ ගැන කිසිම දෙයක් ඇගෙව්වෙ වත් නැහැ.ඉතින් කොහොමද මිනිස්සු විශ්වාස කරන්නේ ..හරි එහෙම කියලා මේ මනුස්සය කරේ එදා මංගල රාත්රීයේ හොදට කාලා බීලා ඇදේ මුල්ලකට ගිහිල්ල නිදා ගත්ත එක.මම ඇදන් හිටපු ඇදුම් පිටින් එළිවෙනකම් අඩපු එක තමයි කරේ,
මට බය හිතුණා ඒ කතා කරපු සහ කියපු දේවල් එක්ක මේ මනුස්සයට මුකුත්ම කියන්න .. ඒ තරම් මාව බයෙන් ත්රස්ත වෙලා හිටියේ..උදේම නැගිටලා මුකුත්ම නොවුණ ගාණට එයා එයාගේ යාලුවෝ කීප දෙනෙක්ට call කරලා හිනා වෙවී කතා කරා බැල්කනියට වෙලා,මම වොෂ් කරගෙන බාත් රූම් එකේ ඉදලා එළියට එනකොට හෝටලයේ සේවකයෙක්අපිට ඕන කෑම මොනවද අහන්න දොරට තට්ටු කරා, මෙයා මට කිව්ව ගිහිල්ල දොර ඇරලා බලන්න කවුද කියලා.
එහෙම කියලා එයා මගේ පිටිපස්සට වෙලා බලන් ඉන්නවා මම දැක්කා, ඒ පිරිමි ළමයා හොදින් හිනා වෙලා Good morning මැඩම් කියලා මමත් එක්ක බොහොම ආචාරශීලිව කතා කරලා උදේ කෑමට මොනවද ඕන කියලා මගෙන් ඇහුවා. මම පිටිපස්ස හැරිලා මෙයා දිහා බැලුවා, එතකොට මෙයා එක පාරටම ඉස්සරහට ඇවිල්ලා අර පිරිමි ළමයට කිව්වේ අපිට මුකුත් ඕන නැහැ ඔයා යන්න කියලා හරිම සැර පරුෂ විදියට, ඒ පිරිමි ළමයත් හොදටම බය වෙලා එතනින් ගියා,මෙයා මහා හයියෙන් දොර වහලා මගේ බෙල්ලෙන් අල්ලලා මාව ඇද උඩට තල්ලා කරලා දැම්මා, ආයේ මාව ඇදලා අරන් මගේ කණට එකක් ගහලා කිව්වා..
පට්ට බැල්ලි මොකක්ද තොට ඌත් එක්ක හුරතල් වෙන්න ඔය තරම් තියන තදියම, තෝ එළිවෙනකම් බැල්ලියක් වගේ අඩා අඩා ඉදලා අරූ දැක්ක විතරයි හොදට පෝම් උනා, තෝ දැන ගනින් ආයේ තෝ මොකෙක් හරි දිහා බලලා මට අහු උනොත් මම තොගේ ඇස් දෙක උගුල්ලනවා...දෙවියන්ගේ නාමෙට මම කියන්නේ මම ජීවිතයේ කිසිම දවසක ඒ තරම් අසරණ වෙලා බයාදු වෙලා බය වෙලා නැහැ ..ඒක කොයි තරම්ද කියනවා නම් මට අඩන්නවත් බැරි උනා..හරි ඊට පස්සේ අපි හිටපු හෝටලයේ එදාම රෑ එයා එයාගේ යාලුවෝ එක්ක පොඩි පාටියක් දැම්මා ,, ඒකට එයාගේ හොදම යහලුවන් හතර පස් දෙනෙක් ඇවිල්ලා හිටියා අපි බිව්වා කෑවා, ඩාන්ස් කරා, මම ඒ දේවල් කරද්දී දහස් වර කල්පනා කරා මෙතනින් පස්සේ මට මොනවා වෙයිද කියලා, මට ඒ දේවල් නොකරත් බැහැ කරන්නත් බයයි.
ඔය අතරේ මම හොදින්ම දැක්කා එයා මම දිහා හොදින්ම බලනවා මාව හොදට නිරීක්ෂණය කරනවා කියලා , අපි බොනකොට කට්ටියම එකට එයා ඉද ගත්තෙ මාව හොදින්ම බලන්න පුලුවන් විදියට , එයා කා එක්ක කතා කරත් මම දිහා හොද අවධානයකින් ඉන්නෙ කියලා මට තේරුම් ගියා,, ඒ හැම යහළුවගෙම වයිෆ්ලත් මේ සාදයට ඇවිල්ලා හිටියා,
හැමෝම අපිට විෂ් කරලා අපිට ආශිවාද කරලා බොහොම සතුටින් අපිට විහිළු කරලා විසිරිලා ගියා,
අපි දෙන්නත් අපේ කාමරයට ඇවිල්ලා වොෂ් කකරගෙන ඇදට ආවා, එයාත් කලින් දවසේ රෑ වගේම ඇදේ මුල්ලකට ගිහිල්ල හොදට නිදා ගත්තා ,, මටත් නින්ද ගියා,හරි පහුවදා මම උදෙන්ම නැගිටලා එයාට අදින්න හොද කමිසයක් කලිසමක් තොරලා ඒ දෙක අයන් කරන්න පටන් ගත්තා, මම දැක්කා මෙයා ඇහැරිලා බාත් රූම් එකට ගියා, ඉතින් ඒ වෙලාවේ මම ප්රාර්ථනා කරා දෙවියන්ගේ නාමෙට අදවත් අපිට සතුටින් ඉන්න ලැබෙන්න කියලා.
මෙයා බාත් රූම් එකෙන් එළියට ඇවිල්ලා මගේ පිටු පසින් අත් දෙක දාලා මාව එයා ළගට ඇදලා ගත්තම මම හරිම සතුටු උනා, මෙයා මේ හදන්නේ මාව තුරුළු කර ගන්න නේද කියලා, එයා මගේ අතින් අයන් එක එයාගේ අතට ගත්තා අරන් මගේ වම් අත ටේබල් එක උඩ තියලා තද කරලා අර රත් වෙච්චි අයන් එක මගේ අත උඩින් එක පාරටම තියලා තද කරා, මගේ අත පිච්චෙන්නම, ඇත්තටම කිව්වොත් මට ඒ වෙලාවේ දැණුන වේදනාවට මුත්රා පිට උනා,,උඹ මේ අතින් නේද සුරාජ්ගේ අත තද කරලා අල්ලගෙන හිටියේ පාහර බැල්ලි, මම හොදට බලන් හිටියා තෝ උගේ අත ගොඩාක්ම වෙලා මිරිකගෙන හිටියා, තෝත් හරිම ආසාවෙන් ඒ අත අල්ලගෙන හිටියා නේද , තෝ දන්නවදඔය සුරාජ් කියන එක මට පේන්න බැරි එකෙක් ඕකට ගැහැණු ගොඩාක්ම ඉන්නවා , අපේ Office එකේ ඉන්න මනුස්සයෙක්ගෙ.ගෑණිත් ඕක තියාගෙන හිටියා,එහෙම එකාගේ නේද තෝ අත අල්ලගෙන හිටියේ.
ආයේ මේ එක අතකින් හරි පිරිමි කාගේ හරි අතක් අල්ලනවා මම දැක්කොත් උබේ අත් දෙක මම පුච්චන්නෙ රත් කරලා යකඩයකින්.සුරාජ් කියන්නේ මෙයාගේ office එකේ මෙයාට වඩා ඉහළ නිලයක් දරණ කෙනෙක්.මට පුදුම මේ මනුස්සය යහලුවන් එක්ක හැසිරෙන විදිය සහ ඒ මිනිස්සු නැති තැන හැසිරෙන විදිය,ඔය සුරාජ් කියන මනුස්සය ඒ පාටි එකේදී බදාගෙන දෙන්න එකට ඒ අයගේ මිතුරුකමේ ඉතිහාසය ගැන ගොඩාක්ම වෙලා කතා කරා, අන්න ඒ සුහදත්වය සහ මිතුරු කම ගැන කියමින් තමයි සුරාජ් මගේ අත අල්ලගෙන මට විෂ් කරේ, එයා ඒක නරක විදියට කරේ නැහැ ඉතාම ආචාරශීලි විදියට සිදු කරා..මෙයත් ඒ දිහා හොදට හිනා වෙලා බලන් හිටියා.හරි, ඔය විදියට අපි දවස් හතරක් අපේ හනිමූන් එක ගත කරා,පුරුදු විදියට එයා කෝල් වල යහලුවන් එක්ක රෑට කට්ටිය එක්ක බොනවා, ඇවිල්ලා එයා වෙනදා වගේ ඇද අයිනට ගිහිල්ලා නිදා ගන්නවා...
සමහර වෙලාවට එඒ යහලුවන් පවා කියනවා අපි මචං ඉක්මනින් කාලා බීලා යන්නම් වැඩි වෙලා අපි ඉන්න හොද නැහැ ඔය දෙන්නට හොදින් සතුටු වෙන්න තියන දවස් නේ මේ ඒක නිසා කියලා,මෙයා ඒ කියන කතා වලටත් හොදින් හිනා වෙනවා...ඔය විදියට ඔය දවස් කිහිපය ගෙවිලා ගියා, අඩුම තරමේ මේ මනුස්සය මගේ අතකින් ඇල්ලුවේ නැහැ , මගේ ඇගේ ගෑවෙන්න වත් හිටියේ නැහැ ..මට හිතා ගන්න බැහැ,මොකද මට කලින් විවාහ වෙච්චි මගේ යාලුවෝ එයාගේ මංගල රාත්රීන්වල සුන්දර තැන අත් විදපු දේවල් ගැන බොහොම විවෘතව කතා බහ කරලා තියනවා ..ඒ වගේම මගේ වෙඩින් එක දවසේ මගේ යෙහෙළියන් මාව වටකරගෙන ඔයාට අරම වෙයි මෙහෙම වෙයි කියලා ගොඩාක්ම දේවල් කිව්ව උපදෙස් ලබා දුන්නා , ඒ කිසිම දෙයක් නම් ඒ දවස් කිහිපය තුළ සිද්ද උනේ නම් නැහැ.
අපි කසාද බැදලා වෙනම ගෙදරක ජීවත් වෙන්නෙ,, අදට අවුරුදු දෙකක , නමුත් මම තාම ගැහැණු ළමයෙක්, අපේ මංගල රැය තුළදී සිදු වෙච්චි දේවල් විතරමයි මමයි මගේ හස්බනුයි අතරේ තාම සිද්ද වෙන්නෙ ..මට හිතා ගන්න බැහැ මේ කිසිම දෙයක් මට මුකුත් අහන්න බැහැ මට මුකුත් කියන්න බැහැ, මට අඩුම තරමේ ඒ මොකද කියලා වත් අහන්න බැහැ, මම තරම් මේ මනුස්සයට බයයි, මේ මනුස්සය අර දවස් දෙක තුන තුළ මාව ඒ තරම් බය බිරාන්තර කරලා දැම්මා, දැන් ඒක මට ෆෝබියාවක් වෙලා ඉවරයි..අපි අතර කිසිම කතාවක් බහක් නැතිව දවස දෙක තුන ගෙවෙනවා,අපේ අම්මලා මගෙන් අහනවා මෙයාගේ අම්මලා කියනවා දැන් දරුවෙක් හදන්න කාලය හරි නේද කියලා..
ඒ තියා මම තාම කෙල්ලෙක් කියන එකවත් මේ මිනිස්සු දන්නේ නැහැ ..ඒ වගේමයි මේ මනුස්සයා මම ඉන්න තැනක අඩුම තරමේ ඇදුමක් වත් මාරු කරන්නේ නැහැ.මුල් දවස්වලම මාව මෙල්ල උනා කියලා හොදට තේරුම් ගත්ත නිසාත් මම බය මෙයාට බයයි කියලා තේරුම් ගත්ත නිසාත් දැන් මට ලොකු පීඩාවන් වෙන දේවල් කරන්නේ නැහැ , නමුත් මට දැඩි මානසික පීඩනයක් තියනවා මේ වෙච්චි දේවල් වලට මගේ ජීවිතයට උන දේට,මම හීනයකින් වත් නොසිතපු දෙයක් තමයි මට සිද්ද උනේ.හැබැයි අපි දකින අපි ඉන්න විදිය දකින කිසිම කෙනෙක් හිතන්නේ නැහැ මම ඉන්නෙ ලොකු ප්රශ්නයක කියලා,
මෙයා හරියටම වෙලාවට මාව ගන්න කාර් එකේ මගේ office එක ළඟට එනවා, උදේට මාව බස්සලා යනවා,මට ඕන හැමදේම කරනවා, මට ඕන හැමදේම ගෙනල්ලා දෙනවා,, මාව එයාගේ office පාටි වලට එක්ක යනවා ට්රිප් යනවා, මගේ ඒවාටත් එනවා, මගේ යාලුවෝ එක්ක office එකේ අය එක්ක හරිම එකතුයි..නමුත් අපි දෙන්නා තනි උනාම ඉන්නෙදෙන්නට දෙන්නා අදුරන්නෙ නැති ගාණට, අත්යාවශ්යම දේවල් කතා වෙනවා විතරයි.ඇත්තටම මම හරිම අහිංසක විදියට මෙයාට ගැටලුවක් ඇති නොකර ඉන්න නිසයි මෙයා තරහා ගන්නෙ නැතුව ඉන්නෙ කියලා මම දන්නවා..ඇත්තටම මෙයා ගොඩාක්ම සතුටින් ඉන්නෙ කියලා මට තේරෙනවා දැණෙනවා, එයා life එක enjoy කරනවා,
මට හිතා ගන්න බැහැ මෙයාට මම ගැන තියන හැඟීම මොකක්ද කියලා,,
පසු සටහන,
මේ වගේ ජීවිත ගත කරන මිනිස්සු ඕන තරම් මේ ලෝකේ ඇති, විවිධ මානසික ව්යාකූලත්වයන් ශාරීරික ආබාධ හේතුවෙන් ඒවා වහගන්න ඒවා හෙළිවීම වළක්වන්න තවත් කෙනෙක්ගෙ ජීවිතය ප්රාණ ඇපයට ගන්න මිනිස්සු ..
ඉතින් විවාහය කියන්නේ තවදුටත් රටට ලෝකෙට පේන්න තමන් සෑම අතින් පරිපූර්ණ බව අඟවන්න භාවිතා කළ යුත්තක් නොවේ,
එය සිදු විය යුත්තේ තමන්ටත් අනෙකාටත් එයින් හොදක් වනවා යන්න හැගෙනවා නම් පමණි.
( උපුටා ගැනීම - අන්තර්ජාලයෙන්.. )
