ව්‍යාජ ෆේස්බුක් ගිණුම්වලින් පෙනී සිටින අය මෙන්ම අස්භාවික, එසේම ශිෂ්ඨ සම්පන්න සමාජය මොහොතකටවත් අනුමත නොකරන කරුණු කාරණා පෙරදැරිකරගෙන අසභ්‍ය එසේම විකෘති අදහස් කාමාශාව උද්දීපනය කරන ෆේස්බුක් සමූහ හෙවත් ගෲප් රැසක් මේ වන විටත් ක්‍රියාත්මක වෙමින් පවතිනවා.
මෙවැනි විකෘති අදහස් සමාජගත කිරීමම පෙරදැරි කරගෙන ක්‍රියාත්මක වන සමූහවලට එක්ව ඒවායේ සාමාජීකයින් අතර සිදුවන අනුචිත ක්‍රියාදාමයන්ට හසු වී ජීවිතයට නැති නාස්ති කරගත් බොහෝ දෙනෙකු ද මේ ජනසමාජයේ සිටිනවා.
එහෙත් පෙර කීවාක් මෙන් පුදුමයට කරුණ වන්නේ මේවායේ හැටි දැන දැනත් ඊට එකතු වන සාමාජීකයින් දිනෙන් දින ඉහළ යාමයි.
"ඇන්ටිලාට ආදරය කරන්නන්ගේ එකමුතුව" යනුවෙන් සක්‍රීය කොට ඇති මේ සමූහය තුළ වැඩිහිටි කාන්තාවන්ට ලිංගික ඇසුරකට ආරාධනය කරන ළාබාල පිරිමි දරුවන් රොත්තක්ම බිහිවී සිටින අතර ඔවුන් වැඩිහිටි කාන්තාවන් සමඟ සබඳතා ඇති කර ගැනීමට අදාළ ස්ථානය ඔස්සේ පළ කළ පෝස්ට් වල සඳහන් කරුණු අතිශය ජුගුස්සා ජනකයි.
"මට අවුරුදු 21 යි.. 55 ක විතර ඇන්ටි කෙනෙක් අඳුනගන්න ආසයි..." මේ එහි පළවූ තිබූ එක් පෝස්ටුවක්. ඊට කාන්තාවන් හෝ කාන්තාවන් මෙන් පෙනී සිටින අය මෙහි පළ කළ නොහැකි විදිහේ කමේන්ට්ස් දක්වා තිබුණා.
ශිෂ්ඨ සම්පන්න ජන සමාජය මොහොතකටවත් අනුමත නොකරන කරුණු කාරණා මාතෘකා කරගෙන සක්‍රීය කරගෙන පවත්වාගෙන යන ෆේස්බුක් සමූහ ගණන ද අති විශාලයි.
බිරින්දෑවරු හා සැමියන් බෙදා හදාගෙන පරිහරණය කිරීම සඳහාම ෆේස්බුක් සමූහයක් ක්‍රියාත්මක වන බව බැලූ බැල්මට කිසිවෙකු පිළිනොගන්නා කාරණායක් වුවත් එවැනි සමූහයක් මුහුණු පොතේ සක්‍රීයව පවත්වා ගෙන අයුරු ඒ ගැන සොයා බලන ඕනෑම කෙනෙකුට පහසුවෙන් ඕනෑම කෙනෙකුට දැකගත හැකියි.
මේ සමූහයේ සාමාජීකයින් විසිපන්දහසක් ද ඉක්මවා තිබීම පුදුමයට කාරණයක් නොවෙන්නේ එහි පළවන දේ ගැන සොයා බලද්දියි.
"මට අවුරුදු 27යි, වයිෆ්ට 22යි. අපිත් එක්ක එකතු වෙන්න කැමති තවත් විවාහක කපල් එකක් දැන අඳුනගන්න ආසයි..."
මේ ඒ ගෲපයේ පළව තිබූ පෝස්ටුවක්. ඊට පළවූ අදහස් ගණන ද දෙසීයකට වැඩියි. බොහෝ දෙනා පවසා තිබුණේ තමන් හා බිරිඳ වැඩේට කැමති බවයි. ඇතමුන් දුරකථන අංක පවා එහි සඳහන් කර තිබුණා.
"මට වයස අවුරුදු 20යි. වයිෆ්ට 19යි. අපට මුදල්වලින් උදව් කරන්න කැමති වැඩිහිටි කපල් එකක් දැනගන්න කැමතියි. එහෙම කැමති අයට අපිත් එක්ක අපේ ගෙදරම දවසක් දෙකක් ගත කරන්නත් පුළුවනි..."කාන්තාවන් මෙන්ම සමලිංගිකයින් වෙනුවෙන් ද පවත්වාගෙන යන සමූහ කිහිපයක්ම මුහුණු පොතේ ක්‍රියාත්මකයි.
එවැනි සමූහයක සාමාජීකයින් විසිපන්දහස ඉක්මවා තිබීම විශේෂයි.
"අද රෑට හම්බෙන්න පුළුවන් 20ට අඩු මල්ලියෙක් හෝමාගම අවට ප්ලේස් තියෙන, ඉන්බොක්ස් එන්න." මේ එහි පළව තිබූ පෝස්ටුවක්. එයටද බොහෝ දෙනා ප්‍රතිචාර දක්වා තිබුණා.
"අංකල්ලාට ආස කොල්ලන් හා කෙල්ලන්ගෙන් සමන්විත" තවත් එක සමූහයකද සාමාජීකයින් 25,000 ඉක්මවා තිබුණා.
මෙම සමූහවල විශේෂය යන්නේ ප්‍රසිද්ධියේ තම දුරකථන අංක පවා සඳහන් කරමින් මෙවා පවත්වාගෙන යාමයි.
මේ සයිබර් දඩයක්කරුවන්ට හසුවන අහිංසකයින් සංඛ්‍යාව දිනෙන් දිනම ඉහළ යාම කණගාටුවට කරුණක්.
කොතරම් දැනුම්වත් කළත් මුහුණු පොතේ පරිශීලකයින් මෙන්ම මහජනතාව ද සයිබර් අවකාශයේ වංචාකරුවන්ට ජාවාරමුන්ට හසුවීම නම් හැමදෙනාගේම අභාග්‍යයක්.
"මාංචු" පුවත්පතේ ලිපියක් ඇසුරිණි...
