තනුජක අම්මාට කියන්න උත්සාහ කළේ මොකද්ද..? සියල්ලන්ටම සැකයක් එක්කරමින් කුවේට් හිදී අවසන් ගමන් ගිය ඔහුට ඇත්තටම මොකද වුණේ..?

හීන දහසක් අතරේ ඔහු මේ සෙව්වේ අලුය්ත් ජීවිතයක්.. ඇත්තටම ඔහු ඒ හීනයට ළඟා වුණා..

ඒත් අවසානයේ කවුරුත් හිතපු නැති විදිහට ඔහුට ඒ හීනත් එක්කම සදහටම සමුගන්න වෙලා...

ඔහු මීට වසර එකහමාරකට පමණ ඉහතදී කුවේට් රාජ්‍යයේ නිවෙසක රියැදුරකු ලෙස සේවයට එක්වුණු ඩබ්ලිව්.ජී. තනුජක සඳරුවන් බණ්ඩාර නමැති අවිවාහක තරුණයාගේ මරණය ගැන තවමත් පවතින්නේ සැකයක්..

මීට වසර එකහමාරකට පමණ ඉහතදී කුවේට් රාජ්‍යයේ නිවෙසක රියැදුරකු ලෙස සේවයට ගිය සීගිරියේ ඉලූක්වල ප්‍රදේශයේ පදිංචි විසි හත් හැවිරිදි තරුණයාගේ හදිසි මරණය පිළිබඳව තවමත් විධිමත් පරීක්ෂණයක් පවත්වා නැහැ.. ඒ මරණයට හේතුව අනාවරණය කර දෙන්නැයි තනුජක පවුලේ ඥාතීහු ඉල්ලා සිටිනවා..

මීට වසර එකහමාරකට පමණ ඉහතදී ඔහු කුවෙට් හි ජහරාවල නිවෙසක රියැදුරු සේවාව සඳහා පිටව ගිය බවත් පසුගිය විසි වැනි දින තම සහෝදරයා රිය අනතුරකට ලක්ව තුවාල ලබා තිබෙන බව තරුණයා සේවය කළ නිවෙසේ හාම්පුතා දුරකතන ඇමතුමකින් දැන්වූ බව මියගිය තරුණයාගේ සහෝදරියක වන ශෂිනි මල්සානී පැවසුවේ..

සඳරුවන්ගේ මරණය පිළිබඳව දිගින් දිගටම සොයා බැලීමේදී ඔහු ගෙල වැලලාගෙන මියගිය බවට නැවත වරක් එම නිවෙසේ තොරතුරුවලින් වාර්තා වූ බවද නිවෙසේ ගබඩා කාමරයක ඔහු සිය දිවි හානි කරගෙන සිටින කුඩා වීඩියෝවක් වට්ස්ඇප් තාක්ෂණය හරහා එවා තිබුණු බවද පවුලේ ඥාතීහු පවසනවා..

තරුණයාගේ දේහය ලංකාවට රැගෙන ඒම සඳහා අවශ්‍ය පියවර ගනිමින් ඇති අතර, තරුණයාගේ මව ද කුවේට් රාජ්‍යයේ වෙනමම ප්‍රදේශයක ගෘහ සේවිකාවක් ලෙස සේවයේ නිරතව සිටින බවත් මරණය දැනගත් පසු ඇය මෙරටට පැමිණි බවද ශෂිනි පැවසුවා..

මෙම තරුණයාගේ ගමන් මල්ලක තිබී ඔහු මීට මාස හයකට පමණ පෙර ලියන ලද ලිපියක්ද සොයාගෙන ඇති අතර, එහි සඳහන් කර ඇත්තේ ජීවිතය නැති කර ගන්නා බවට මවට ලියන ලද ලිපියකි.. එම ලිපියද වට්ස්අප් හරහා තම නිවෙසට ඒවා ඇති බව ඔහුගේ නැඟණිය පවසනවා..

සිය දිවි හානි කර ගත් බව කියන තනුජක සඳරුවන් බණ්ඩාරගේ, පුංචි අම්මා කෙනෙකු කියා සිටියේ තමන්ට අරාබි භාෂාව හොඳාකාරව කතා කිරීමට හැකි නිසා එම නිවෙසේ හාම් පුතා සමඟ කතා කළ බවත් ඔහු සඳහන් කර ඇත්තේ, තම පුත්‍රයා රිය අනතුරකට ලක්ව රෝහල් ගත කර තිබෙන බවත් ඔහුට එතරම් කරදරයක් නැති බවත්ය..

කෙසේ වෙතත් මෙම තරුණයාට සියදිවි හානි කර ගැනීමට තරම් ප්‍රශ්න ගැටලු නොතිබූ නිසාවෙන් තම සහෝදරයාට කුමක් සිදු වූයේද යන්න විධිමත් පරීක්ෂණයක් පවත්වන ලෙස ද මෙම පවුලේ පිරිස ඉල්ලා සිටියා..

මියගිය තරුණයාගේ නැඟණියගේ සැමියා කියා සිටියේ මිය ගොස් ඇත්තේ තමන්ගේ හොඳම මිතුරා බවයි... ඔහුට කුවේට්වල විවිධ ප්‍රශ්න ගැටලු තිබුණු බවත් එම ප්‍රශ්න ගැටලු කුමක්ද යන්න තමන්ට දැනුම් නොදුන් බවද සඳහන් කළා.. නිසා මෙම මරණය පිළිබඳව බරපතළ සැකයක් පවතින්නේ යැයි හෙතෙම සඳහන් කළා..