පන්දුවාර විස්සයි විස්ස ලෝක කුසලානය ඉලක්ක කර ත්‍රස්ත ප්‍රහාරයක් එල්ල කිරීම සම්බන්ධයෙන් ISIS ත්‍රස්තවාදීන් නිකුත් කළ පෝස්ටරයක් පිළිබඳව මේ වනවිට අවධානය යොමුව ඇත.
මෙම පෝස්ටරයෙන් ඇමරිකාවේ නිවුයෝක්හි නසාව් ක්‍රීඩාංගණය ලෙස නම් කර ඇති අතර ජුනි මස (09) වනදා ලෙසත් “ඔබ තරග ආරම්භ වනතුරු බලා සිටිනවාද.?, අපි ඔබ එනතුරු බලා සිටිමු” යනුවෙනුයි සටහන් කර ඇත.
එළඹෙන ජුනි මස (09) වනදා එම ක්‍රීඩාපිටියේදී ඉන්දු – පාකිස්ථාන තරගය පැවැත්වෙන අතර ක්‍රීඩාංගණයේ ආරක්ෂාව තහවුරු කර ඇති බව ජාත්‍යාන්තර ක්‍රිකට් කවුන්සිලය සදහන් කරයි.
කෙසේ වෙතත් එම පෝස්ටරය නිසා මෙවර පන්දුවාර විස්සයි විස්ස ලෝක කුසලානයට ත්‍රස්ත ප්‍රහාරයක් එල්ල වීම පිළිබදව යළි බියක් මතුව ඇත.
