කාම සිනමාවේ නිළියක සමඟ අනියම් සබඳතාවක් පවත්වා, එය යට ගැසීම පිණිස ස්ටෝමි ඩැනියෙල්ස් නමැති ඇයට මුදල් ලබා දීම ඇතුළු චෝදනා 34ක් සම්බන්ධයෙන් ඇමරිකානු හිටපු ජනපති ඩොනල්ඩ් ට්රම්ප් වරදකරු වී තිබෙනවා. නිව්යෝක අධිකරණය හමුවේ මෙම නඩුව විභාග වූ අතර ඒ අනුව අපරාධ චෝදනාවලට වරදකරු වූ එකම හිටපු ඇමරිකන් ජනපති බවට ට්රම්ප් පත් වෙනවා.
මෙම නඩුවේ තීන්දුව ජූලි මාසයේ දී ප්රකාශයට පත් වෙනු ඇති අතර මෙම වසරේ නොවැම්බරයේ ඇමරිකානු ජනපතිවරණය පැවැත්වෙනවා. එහිදී රිපබ්ලිකන් පක්ෂය නියෝජනය කරමින් ට්රම්ප් නැවත ජනපතිවරණයට ඉදිරිපත් වීමට නියමිතව තිබු අතර එයට මෙම සිදුවීම විශාල බලපෑමක් එල්ල කරනු ඇති බවයි විදෙස් මාධ්ය පවසන්නේ.
