දැක්ක ගමන් ඇස් වශීවෙන සුන්දර රූ ඇති ඇය එන්න එන්නම ලස්සන වෙනවා නේද..? (PHOTOS)

ආයේ ඉතින් කවුරු කිව්වත් ඒ ලස්සනට නම් ඇස් වශී වෙනවා..

ඇයව දකින ඕනම කෙනෙක් කියනව ඇත්තේ අන්න එහෙම.. මේ කියන්න යන්නේ අසේකා විජේවර්ධන ගැන..
මනා රූ සපුවක් වගේම කාන්තාවක් ළඟ තියෙන්නම ඕන සුන්දර ලාලිත්‍යක් අඩු නැතුව තියන මේ සුරූපිනිය මොන ඇඳුමටත් එක වගේම ලස්සනයි..

ඉතින් සුරංගනාවියක් වගේ තවත් ලස්සනට හැඩවෙලා ඉන්න අසේකාගේ ඡායාරූප පෙළක් අපට සමාජ මාධ්‍ය තුළදී දැකගන්න පුළුවන් වුණා...

කාලයෙන් කාලයට අපූරු විලාසිතා මවන මේ ජනප්‍රිය නර්තන ශිල්පිනියගේ ලස්සන දැක ගන්න ඔයත් කැමතිද..?

දෙවියනේ... එහෙම වෙයි කියලා විශ්වාස කරන්න පුළුවන් ද? දියණියන් දෙදෙනා සමග මවකට අත් වූ අවාසනාවන්ත ඉරණම!

තිස්සමහාරාම - සාම ගුලිය ප්‍රදේශයේ ජලය පිරවූ ගල් කොරියක ගිලී මිය ගිය දරුවන් දෙදෙනාගේ මෘත දේහයන් සොයා ගැනීමට පොලිසිය සමත් වී තිබෙනවා.

එම ගල් කොරියේ ගිලී මිය ගිය කාන්තාවගේ මෘත දේහය සිරුර පෙරේදා (21) රාත්‍රියේ ගොඩගනු ලැබුවා.

පොලිසිය සඳහන් කළේ මෙලෙස ජීවිතක්ෂයට පත් වී ඇත්තේ 32 හැවිරිදි කාන්තාවක් සහ වයස අවුරුදු 09 සහ 14 වයස්වල පසුවන ඇයගේ දියණියන් දෙදෙනා බවයි.

පොලිසිය සඳහන් කළේ ඊයේ පස්වරුවේ මව සහ දරුවන් දෙදෙනා මෙම ගල්වළේ දිය නැමට ගොස් ඇති බවත්, දියේ ගිලීමෙන් මෙම මරණ සිදුවන්නට ඇති බවට සැක කරන බවයි.

කේ.සුජීවා ගැන ලැබුණ ආරංචිය.. නයන වාසුලගේ පශ්චාත් මරණ පරීක්ෂණ වාර්තාත් අධිකරණයට!

ජූලි 08 වෙනිදා අතුරුගිරිය ටැටූ මධ්‍යස්ථානයක් විවෘත කිරීමේ අවස්ථාවකට සහභාගී වූ සුරේන්ද්‍ර වසන්ත හෙවත් ''ක්ලබ් වසන්ත'' ඇතුළු දෙදෙනෙකු වෙඩිතබා ඝාතනය කෙරුණේ ය.

එම සිද්ධියට අදාළව එම ටැටූ මධ්‍යස්ථානයේ හිමිකරු ඇතුළු සැකකරුවන් හත්දෙනෙකු අතුරුගිරිය පොලිසිය මඟින් අත්අඩංගුවට ගෙන කඩුවෙල මහේස්ත්‍රාත් අධිකරණයට පසුගිය 10 වැනිදා ඉදිරිපත් කළේ ය.

අනතුරුව ඊයේ (22) දිනය දක්වා රක්ෂිත බන්ධනාගාරගත කෙරුණි.

ඒ අනුව සැකකරුවන් අද යළිත් කඩුවෙල මහෙස්ත්‍රාත් අධිකරණයට ඉදිරිපත් කෙරුණ අතර ඒ පොලිස් විශේෂ කාර්ය බළකායේ ආරක්ෂාව සහිතව ය.

එමෙන්ම, අතුරුගිරිය පොලීසිය සිද්ධියට අදාළව අත්අඩංගුවට ගෙන රැඳවුම් නියෝග මත රඳවාගෙන සිටි 21 හැවිරිදි සැකකාරිය ද අද අධිකරණයට ඉදිරිපත් කෙරුණි.

ඒ නීති කෘත්‍ය කැඳවනු ලැබුවේ කඩුවෙල මහෙස්ත්‍රාත් චානිමා විජේබණ්ඩාර මහත්මිය ඉදිරියේ දී ය.

සිද්ධියට අදාළව වැඩිදුර විමර්ශන වාර්තාවක් අතුරුගිරිය පොලීසිය විසින් එම අවස්ථාවේදී අධිකරණයට ඉදිරිපත් කරනු ලැබීය.

එමෙන්ම පොලීසිය අධිකරණයට සඳහන් කළේ වෙඩි වැදීමෙන් තුවාල ලබා රෝහල්ගත කර සිටින ගායන ශිල්පිණී කේ.සුජීවාගෙන් සිද්ධියට අදාළව ප්‍රකාශයක් ලබාගත් බව යි.

තවද මියගිය ක්ලබ් වසන්තගේ සහ ගායන ශිල්පිනී කේ.සුජීවාගේ සැමියා වන නයන වාසුලගේ පශ්චාත් මරණ පරීක්ෂණ වාර්තාද පොලීසිය අද අධිකරණයට ඉදිරිපත් කළේ ය.

උප්පැන්නය දෙන්න බැරි වූ නිසා දවස් 17ක් නව හැවිරිදි පුතුගේ දේහය එළු මඩුවේ තැන්පත් කරයි

සාමසර එළඟිපිටිය ප්‍රදේශයේ පදිංචිව සිටියදී හෘදයාබාධයකින් මියගියේ යැයි කියන නව හැවිරිදි දරුවකුගේ මෘතදේහයකට අවසන් ගෞරව දැක්වීම සඳහා දිරාපත් වූ ටකරන් හා සාරි ආවරණය කළ එළු ගෙයක තැන්පත් කර තිබූ බව එළඟිපිටිය ජනපදවාසීහු පැවසූහ. මේ දරුවාගේ අවසන් කටයුතුපෙරේදා (21) සවස සිදු කෙරිණි.

සාමසර, එළඟිපිටිය ජනපදය ලිපිනයේ පදිංචි පියාගේ රැකවරණය අහිමි, මාබෝපිටියලාගේ කාවින්ද දිනේෂ් නමැති මේ නව හැවිරිදි දරුවාගේ මෘතදේහය මෙලෙස එළු මඩුවක සාරිවලින් ආවරණය කරමින් ඉදි කළ තාවකාලික මඩුවක තැන්පත් කර තිබිණි. ඉකුත් හතර වැනිදා මිය ගියේයැයි කියන දරුවාගේ මළ සිරුර රෝහලෙන් නිදහස් කරගන්න බැරිව ඇත්තේ මියගිය නව හැවිරිදි පුතුට උප්පැන්නය දී නොතිබුණු නිසා දින 17 විතර පරක්කු වූ බවද මව පැවසීය.

අප එම නිවෙසට යන විටත් මියගිය පුතුට අවසන් ගෞරව දැක්වීම සඳහා ප්‍රදේශවාසීන් විශාල පිරිසක් සහභාගි වී සිටි නමුත් මියගිය දරුවාගේ මව එම අවස්ථාවේ දිප්පිටිය නගරයට ගොස් සිටියේ එදින ඉරිදාවක් වූ බැවින් දේහය මිහිදන් කිරීමට වේලාවක් බලවාගැනීමට ජ්‍යොතිර්වේදියකු හමු වීම සඳහාය.

පියාගේ රැකවරණය අහිමි දියණියන් දෙදෙනාට හා මියගිය එකම පුතුටද උප්පැන්නය ලබා දීමට නොහැකි වූ බව පැවසූ මව වන මාබෝපිටියලාගේ ජීවිකා ජයමිනි (32) මහත්මිය, පුතු වසර ගණනාවක සිට හෘදයාබාධයකින් පීඩා විඳි බවත්, එකපාරටම පුතුගේ රෝගි තත්ත්වය පසුගිය හතර වැනිදා උත්සන්න වීම නිසා එළඟිපිටිය ජනපදයේ සිට මාවනැල්ල මූලික රෝහලට ඇතුළත් කර කෙටි වේලාවකින් රෝගී තත්ත්වය දැඩි ලෙස උත්සන්න වීම නිසා පේරාදෙණිය රෝහලට මාරු කර යවා ඇතත් එදින (4) රාත්‍රි එකොළහට පමණ දරුවා මරණයට පත් වූ බවත් පැවසුවාය.

ඇය වැඩිදුරටත් මෙසේද පැවසුවාය:

“පුතාට වයස අවුරුදු පහේදි විතර තමයි හදවත් රෝගය වැලඳුණේ. ක්ලිනික් එක්ක ගියා. ඔහොම ඉන්න කොට ඉස්කෝලෙටත් පුතා ගියා. උප්පැන්නය හදල ගෙනත් දෙන කල් ඉස්කෝලෙට එවන්න කියල මට ඉස්කෝලෙන් දැනුම් දුන්න. පුතාගේ මිනිය ගෙට ගත්තේ නැත්තේ පුතා නැති වෙලා මිනිය රෝහලේ තියෙද්දි දවස් හතක් පිරෙන දවසේ හාමුදුරුවෝ වඩමවාලා බණක් කියලා දානේ දුන්න නිසා නැවත ගේ ඇතුළට මිනිය ගන්න හොඳ නැහැ කියල මතයක් තිබුණු නිසායි. ඒ හින්දා තාවකාලික මඩුවක මිනිය තියන්න තීරණය කළා. මට තව අවුරුදු දහතුනක දියණියක් ඉන්නවා. එයාටත් පිළිකාවක් තියෙනවා. දැන් ඔපරේෂන් කරලා එක්කගෙන ඇවිත් ගෙදර ඉන්නවා.

“අපට රජයෙන් කියලා කිසිම දෙයක් ලැබෙන්නේ නැහැ. ළමයින්ගේ තාත්තට අස්වැසුම හම්බ වුණත් එයා අපිව අත්හැරල ගිහින්. අපි දැන් පදිංචි වෙලා ඉන්නේ එළඟිපිටිය ජනපදයේ අම්මලාගේ මුල් ගෙදර. ඒකත් දිරාපත් වෙලා. ලොකු දුව විවාහ වෙලා ඉන්නේ. පිළිකාවක් තියෙන දුවටයි විවාහ වෙලා ඉන්න දුවටයි දෙන්නටම උප්පැන්නේ දෙන්න කියල මට රෝහලෙන් කිව්වා. ඒ සඳහා මට උදවු කරන්න පුළුවන් කෙනෙක් ඉන්නවා නම් මට පිහිට වෙන්න කියලා කාරුණිකව ඉල්ලා සිටිනවා.”

ප්‍රදේශවාසීන් අප හා පැවසුවේ මෙවන් අදහසකි:

“එළඟිපිටිය ජනපදයේ සුබසාධක සමිතියකවත් නැහැ. ගමත් එක්ක ඒ තරම් සම්බන්ධයක් නැහැ. ඒත් අපි කිව්වා මේ දරුවාගේ මෘතදේහය සමිති ශාලාවේ තැන්පත් කරමු කියලා. ඒත් ඒකට ගෙදර අය කැමති වුණේ නැහැ. මියගිය ඒ නොදරුවාගේ මළ සිරුර තැම්පත් කරල තියෙන තැන එළුවෙක් හිටියා, ඒ එළුවා තමයි ඔයා දරුවා තියල ඉන්න මඩුවට එහා පැත්තෙන් ගැටගහල ඉන්නේ. අපි ඒ දරුවගේ අම්මට කිව්වා මියගිය දරුව ඒ මඩුවේ තියෙන්න හොඳ නැහැ ප්‍රජාශාලාවේ තියමු කියල. ඒත් ඒ අම්මා ඒකට ඇකැමැත්ත ප්‍රකාශ කළේ ගමේ එක ප්‍රජා ශාලාවකටවත් බැඳිලා නැති නිසා.”

එළඟිපිටිය ජනපදවාසීන්ගේ පූර්ණ සහයෝගය ඇතිව පෙරේදා (21) සවස සාමසර කන්ද පාමුල නිසල වන අරණේදී දරුවාගේ දේහය පිළිබඳ අවසන් කටයුතු සිදු කිරීමට නියමිත බව පවුලේ ඥාතීහු පැවසීය.

අයියා මධුසමය ගතකරමින් සිටි හෝටලයේ පෙම්වතා සමග නාන තටාකයේ සිටි නංගී දියේ ගිලී මිය යයි

විවාහ වී මධුසමය ගත කරමින් සිටි අයියා ඇතුළු පිරිස සමඟ හෝටලයේ නාන තටාකයේ නාමින් සිටි නංගී දියේ ගිලී මියගොස් තිබේ.

මෙසේ මියගොස් ඇත්තේ අම්බලන්ගොඩ ගොඩහේන, කුලරත්න පාරේ අංක 64/5 හි පදිංචිව සිටි තුයියලාගේ මනීෂා සෙව්වන්දි (24) නමැති අවිවාහක තරුණියකි.

මීට මාස දෙකකට පමණ ඉහතදී විදේශ රටක සිට පැමිණි සොහොයුරාගේ විවාහ මංගල උත්සවය හික්කඩුව, පින්නදූව ප්‍රදේශයේ හෝටලයක පවත්වා මධුසමය ගතකිරීමට අහුන්ගල්ලේ හෝටලයකට පසුගිය 18 වැනිදා පැමිණ තිබේ. මනාල යුවළගේ සුව දුක් විමසීමට පසුදා වන 19 වැනිදා පෙරවරු නවයට පමණ මව සහ නැගෙනිය විවාහ වීමට සිටි පෙම්වතා සමඟ හෝටලයට පැමිණ ඇත.

නාන තටාකයේ නෑමට පුළුවන්දැයි විමසූ විට කළමනාකාරිත්වය ඊට අවසර දීමෙන් පසු දහවල් දොළහට පමණ නිවසට ගොස් ඇති මැය පෙම්වතා සහ අසල්වැසි නිවසක කාන්තාවක් සහ දරුවන් දෙදෙනෙකු සමඟ පැමිණ නාමින් සිටියදී එකවර දියේ ගිලී තිබේ.

වහා නාන තටාකයෙන් ගොඩට ගෙන බළපිටිය මූලික රෝහලට ඇතුළත් කර එහි දැඩි සත්කාර ඒකකයේ ප්‍රතිකාර ලබමින් සිටියදී මෙසේ මියගොස් තිබේ.

මාදම්පාගම හදිසි මරණ පරීක්ෂක කේ. වගආරච්චි මහත්මිය විසින් මරණ පරීක්ෂණය බළපිටිය මූලික රෝහලේදී පවත්වන ලද අතර අධිකරණ වෛද්‍ය නිලධාරිනී එස්. ඒ. කේ. අමෝදා මහත්මිය පශ්චාත් මරණ පරීක්ෂණය පවත්වමින් විවෘත තීන්දුවක් ලබා දුන්නාය.

අහුන්ගල්ල පොලිසියේ පො.සැ. සත්සර ගුණසේකර (62021) මහතාගේ මෙහෙයවීම යටතේ

මියගිය අයගේ සොහොයුරා වන තුයියලාගේ චමින්ද ජයලත් (31) සහ නැගණිය වන තුයියලාගේ කුලණි දනංජනා (16) යන දෙදෙනාද සාක්ෂි දුන්හ.

යටියන්තොට ඛේදවාචකය : අම්මා දැරිය ළිඳට දාලා මරලා!

යටියන්තොට, කිරිපෝරුව වත්ත ප්‍රදේශයේ දී මිය ගිය සිව් හැවිරිදි සිඟිති දැරිය, ඇයගේ මව විසින් ළිඳට දමා ඝාතනය කර ඇතැයි අනාවරණය වූ බව රුවන්වැල්ල පොලිසිය පවසයි.

මෙලෙස ඝාතනයට ලක්වී ඇත්තේ දෙව්මි අමායා නමැති අවුරුදු 4 යි මාස 10 ක් වයසැති සිඟිත්තියකි.

පෙරේදා (17 වැනිදා) එම සිඟිති දැරිය ඇය පදිංචි ප්‍රදේශයේ ළිඳකට වැටී මියගොස් ඇතැයි රුවන්වැල්ල පොලිසියට ලැබුණු තොරතුරකට අනුව පොලිසිය විමර්ශන ආරම්භ කර තිබිණි.

එම අපරාධය සිදුව ඇත්තේ 16 වැනිදා රාත්‍රී 11ත් පසුදින අලුයම 5.30ත් අතර කාලයේ බවට මේ වන විට පොලිසිය විසින් කරුණු අනාවරණය කරගෙන තිබේ. ඒ අනුව පොලිසිය සිදුකළ පරීක්ෂණවලදී අනාවරණය වී ඇත්තේ දැරියගේ මව විසින් දැරිය ළිඳට දමා ඝාතනය කර ඇති බවය. ඝාතනයට ලක්වූ දැරියගේ මව ගොළු කාන්තාවක වන බවත්, ඇය අසනීප තත්ත්වයෙන් පසුවූ බැවින් කරවනැල්ල රෝහලේ පොලිස් ආරක්ෂාව යටතේ ප්‍රතිකාර ලබමින් සිටින බවත් පොලිසිය කියයි. සිඟිති දැරියගේ මරණයට අදාළව මහෙස්ත්‍රාත් පරීක්ෂණ කටයුතු හා පශ්චාත් මරණ පරීක්ෂණය සිදුකර මෘත දේහය ඥාතීන්ට භාර දීමට කටයුතු කළ බව පොලිසිය පවසයි. මෙම සිඟිති දැරියගේ පියා ඇයවත්, මවවත් වසරකට උඩදී අත්හැර ගොස් ඇතැයි පොලිසිය කියයි. දෙව්මිගේ මවට කතාකළ නොහැකිය. දෙව්මි පෙර පාසල් රැගෙන යෑම සිදුකර ඇත්තේ ඇගේ මිත්තණිය විසිනි. දෙව්මිගේ මව් ඇඟලුම් කම්හලක සේවය කරන අතර, ඇය රැකියාවට ගොස් පැමිණෙන විට රාත්‍රී 11.00 පමණ වන බව පොලිසිය කියයි.

සිද්ධිය වූ දින රාත්‍රියේ ඇය නිවසට පැමිණ ඇය සිය දියණියට පෙර පාසල් යෑමට අවශ්‍ය කළමනා ද සකස් කර නින්දට ගොස් තිබේ. උදෑසන දෙව්මිගේ අත්තම්මා අවදිවී බලනවිට දෙව්මි හා මව් කාමරයේ සිට නැත. පසුව නිවස තුළත් නිවසින් පිටතත් මිත්තණිය සොයා තිබේ. එහිදී දෙව්මිගේ මව සිහිසුන් වී ළිඳ අසලත්, දෙව්මිගේ සිරුර ළිඳෙහි පාවෙමිනුත් තිබෙනු මිත්තණිය දැක ඇත. පසුව මිත්තණිය මේ ගැන අසල්වාසීන්ට ද දැනුවත් කර 1990 සුවසැරිය ගිලන් රථයකින් මව හා දෙව්මි කරවනැල්ල රෝහලට රැගෙන ගොස් තිබේ. එහිදී දෙව්මි සිඟිත්තියව පරීක්ෂා කළ වෛද්‍යවරුන් ඇය මියගොස් ඇතැයි පවසා තිබේ.

මේ පිළිබඳව රුවන්වැල්ල පොලිසිය වැඩිදුර පරීක්ෂණ සිදුකරති.

ප්‍රදීප් ප්‍රසන්න සමරකෝන්, ඇම්.බී. පහලවත්ත සහ වසන්ත සමරවර්ධන – බුලත්කොහුපිටිය

ක්ලබ් වසන්ත ඝාතනය පිටුපස ටැටූ දුලාන්ගේ මවත්?

ක්ලබ් වසන්ත නැමැත්තා ඝාතනය කිරීම සම්බන්ධයෙන් සැකපිට අත්අඩංගුවේ පසුවන දුලාන් සංජුල නම් ටැටූ ආයතනයේ හිමිකරුගේ මවද මත්ද්‍රව්‍ය ජාවාරමේ නිරතව සිටි තැනැත්තියක බවට තහවුරු වී තිබෙන බව පොලිස් මාධ්‍ය ප්‍රකාශක නිහාල් තල්දූව මහතා පවසනවා.

ඇය ඇල්පිටිය කොට්ඨාසයේ පොලිස් ස්ථාන වලදී මත්ද්‍රව්‍ය සමග අත්අඩංගුවට පත්ව සිටි බවත්, ඇයට විරුද්ධව නඩු දෙකක් (මතකයේ විදියට) තිබෙන බවත් තල්දූව මහතා වැඩිදුරටත් පවසා සිටියා.

කෙසේ වෙතත් ක්ලබ් වසන්ත නොහොත් සුරේන්ද්‍ර වසන්ත පෙරේරා ඝානතය කිරීමේ ලොකු පැටීගේ කොන්ත්‍රාත්තුව ලබාගත්තේ මෙම තැනැත්තිය බවට වාර්තා පළවුවත්, පොලිස් විමර්ෂනවලදී මෙතෙක් එවන්නක් අනාවරණය වී නොමැති බව මාධ්‍ය ප්‍රකාශකවරයා පවසනවා.

එමෙන්ම ටැටූ දුලාන්ගේ සහෝදරිය හා ක්ලබ් වසන්ත නැමැත්තා අතර තිබෙන්නා වූ යම් කිසි සම්බන්ධයක් මුල් කරගනිමින් මෙම විවෘත කිරීමේ අවස්ථාවට පැමිණි බටව සමාජයේ කථාබහක් තිබුණද, එම කාරණය සම්බන්ධයක්ද තොරතුරු තහවුරු වී නොමැති බවද ඔහු පැවසුවා.

බුවනෙකබා රාජ සභාව කැඩූ කුරුණෑගල නගරාධිපතිගේ සිරදඬුවම අඩුකෙරේ!

කුරුණෑගල බුවනෙකබා රාජ සභා ගොඩනැඟිල්ල කඩා ඉවත් කිරීමේ සිද්ධිය සම්බන්ධයෙන් වරදකරු වී වසර තුනක සිර දඬුවම් නියම වී සිටි කුරුණෑගල හිටපු නගරාධිපති තුෂාර සංජීව විතාරණ ඇතුළු විත්තිකරුවන් පස්දෙනකුගේ සිරදඬුවම් කාලය වසරක් දක්වා අඩුකිරීමට අභියාචනාධිකරණය ඊයේ නියෝග කළේය.

කුරුණෑගල නගර මධ්‍යයේ පිහිටි බුවනෙකභා රාජසභා මණ්ඩලය කඩාදැමීමේ සිද්ධිය සම්බන්ධව නීතිපතිවරයා විසින් මහාධිකරණය හමුවේ ගොනුකර තිබූ චෝදනා පත්‍රය හා එම චෝදනා පත්‍රය අනුව කුරුණෑගල මහාධිකරණය විසින් නියම කල සිරදඬුවම් ඇතුළු දණ්ඩන නියෝග අභියෝගයට ලක්කරමින් විත්තිකරුවන් විසින් ගොනුකළ අභියාචන පෙත්සම් සලකා බැලූ අභියාචනාධිකරණය මෙම නියෝගය ලබාදුන්නේය.

අභියාචනය අද දින සම්පත් අබේකෝන්, පී.කුමාරත්නම් යන විනිසුරු මඬුල්ල හමුවේ කැඳවනු ලැබීය.

2020 වසරේ කුරුණෑගල බුවනෙකබා රාජසභා ගොඩනැගිල්ල කඩා ඉවත් කිරීමේ සිද්ධිය සම්බන්ධයෙන් වූ චෝදනාවන්ට කුරුණෑගල හිටපු නගරාධිපති තුෂාර සංජීව විතාරණ ඇතුළු විත්තිකරුවන් පස්දෙනෙකු කුරුණෑගල මහාධිකරණය හමුවේ වරද පිළිගත් අතර ඉන් අනතුරුව ඔවුන්ට බරපතළ වැඩ සහිත වසර තුනක් බැගින් සිරදඬුවම් සහ දඩ නියම කරනු ලැබීය.

මීලග ක‍්‍රිකට් නායකයා තෝරන්නේ AI තාක්‍ෂණයෙන් - බන්දුල සමන් වතුරේගම

නවීන ලෝකයේ තාක්ෂණය සමඟ කෘතීම බුද්ධිය ක්‍රිකට් ක්‍රීඩාවට එකතු කිරීමට වර්තමාන ක්‍රිකට් පරිපාලකයන් කටයුතු කර ඇතැයි ප්‍රවීණ ක්‍රිකට් ක්‍රීඩා විස්තර විචාරක බන්දුල සමන් වතුරේගම මහතා සඳහන් කරයි.

ඒ අනුව ක‍්‍රිකට් කණ්ඩායමත්, කණ්ඩායමේ නායකයාත් තේරීම ආදී කටයුතු ඉදිරියට කෘතියම බුද්ධිය හරහා සිදුවනු ඇති බවද හෙතෙම කියා සිටී.

ඉදිරියේදී ශ්‍රී ලංකා ක්‍රිකට් කණ්ඩායමේ නායකයා වෙන්නේ කෘතිම බුද්ධිය හරහා නම් කරන නායකයා බවත් හෙතෙම සඳහන් කළේය.

ලෝක ප්‍රජාව ඉදිරියේ ශ්‍රී ලාංකිකයන් අංක එකේ ජාතියක් බවට පත් කිරීමට එසේ සැලසුම් කර ඇති බවද හෙතෙම කියා සිටියේය.

ඒ මහතා මෙම අදහස් පළ කරන ලද්දේ පොළොන්නරුවේ නව ක්‍රිකට් ක්‍රීඩාංගනය විවෘත කිරීමේ අවස්ථාවට එක්වෙමිනි.

කල්බ් වසන්ත ඝාතනය ප‍්‍රබල පවුලක සපුමල් කුමාරයෙකුගේ වැඩක්... මහා ධනය කොල්ල කන්න සැලසුමක් (VIDEO)

සුරේන්ද්‍ර වසන්ත පෙරේරා හෙවත් කල්බ් වසන්ත ඝාතනය සිදුවන්නේ පොලිස් වෙඩි පහරින් මරණයට පත් වූ මාකඳුරේ මදුෂ්ගේ මුදල්වලට ඉව අල්ලන ඉව අල්ලන පුද්ගලයෙක් නිසා බව හිටපු ගුවන් හමුදා නිලධාරියකු වන කීර්ති රත්නායක මහතා සඳහන් කරයි.

මෙම පුද්ගලයා ප්‍රබල පවුලක සපුමල් කුමාරයෙක් බවත් ඔහු දකුණේ අයෙක් බවත් හෙතෙම කියා සිටී.

මාකදුරේ මධුෂ්, කංජපානි ඉම්රාන්, ක්ලබ් වසන්ත යන තිදෙනාම දකුණේ පුද්ගලයන් බවද පවසන ඔහු මෙම ඝාතනය මහා ධනස්කන්ධයක් අත්පත් කර ගැනීම සඳහා සිදු කරන ලද සැලසුම් සහගත ඝාතනයක් යයිද කියා සිටී.

ඔහු මෙම අදහස් පල කරන්නේ අන්තර්ජාල නාලිකාවක සාකච්ඡාවකට එක්වෙමිනි.

"දෛවය කියන එක ඒ තරම් නපුරුද? හීන බලාපොරොත්තු නැති වෙන්න එක තත්පරයක් හොඳටම ඇති..." ඇයට අත්වූ අවාසනාවන්ත ඉරණම

ග්‍රාම නිලධාරි විභාගයෙන් සමත් වී පත් වීම ලබා ගැනීමට පුහුණුව ලබමින් සිටි 25 හැවිරිදි උපාධිධාරිනියක මිය ගොස් ඇති බව උඩදුම්බර පොලිසිය පවසනවා.

හුන්නස්ගිරියේ රඹුක්පොත පදිංචි පිලිප් නග්මා නමැති යුවතිය මෙසේ මිය ගොස් ඇති අතර තෙල්දෙණිය රෝහලේදී මරණ පරීක්ෂණය සිදු කෙරුණා.

මරණ පරීක්ෂණයේදී මිය ගිය යුවතියගේ පියා සාක්ෂි ලබා දෙමින් මෙසේ සදහන් කරනවා.

" මගේ දුව හුන්නස්ගිරිය ශිවනේෂ්වරා විද්‍යාලයේ උසස් පෙළ දක්වා ඉගෙන ගත්තා. ඉන් පස්සෙ මඩකලපුව විශ්ව විද්‍යාලයට තේරුණා. උපාධිය ලබා ගැනීමෙන් පසුව ග්‍රාම නිලධාරි විභාගයට පෙනී හිටියා. ග්‍රාම නිලධාරි විභාගය පාස් වෙලා මැදදුම්බර ප්‍රාදේශීය ලේකම් කොට්ඨාසයට පත් වීම ලැබුණා. එහිදී පුහුණුව ලබා සිටින කාලයේදී තමයි දුව මිය ගියේ. දුව ගොඩක් දුක් මහන්සි වෙලයි ඉගෙන ගත්තේ. දුව මිය ගිය එක ගැන මමයි මගේ බිරිඳයි ගොඩක් දුක් වෙනවා."

තෙල්දෙණිය රෝහලේ අධිකරණ වෛද්‍ය නිලධාරි ආර්.එම්.ආර්. අනුරුද්ධ රත්නායක පශ්චාත් වෛද්‍ය පරීක්ෂණය පවත්වා මොළයේ තිබූ ගෙඩියක් පිපිරී රුධිරය වහනය වීමෙන් මරණය සිදු වී ඇති බවයි සදහන් කරන්නේ.

"මට මගේ පුතා බලන්න ආසයි... ඒත් ගෙදර අය මට පුතා පෙන්නන්නේ නැහැ... මං නිලන්තිට කළේ ලොකු අපරාධයක්.." - සැමියකු කියන හද කකියන කතාව

හිතුවක්කාරකම්, මුරණ්ඩුකම් නිසා හුඟක් දේ අහිමි වෙනවා වගේම ලස්සන ජීවිත අපායවල් වෙනවා.

පුංචි කාලේ ඉඳලම අම්මා තාත්තා කියන දෙයක් අහන්නේ නැතිව, පිළිගන්නේ නැතිව කරන වැඩ නිසාත් තරුණ කාලය නැතිවෙලා යනවා.

ඒ විදිහට ඉවසීමක් නැතිව, වැරදි පාරවල්වල ගිහින් තමන්ගේ බිරිඳව ඝාතනය කරලා ලස්සන ජීවිතය අපායක් කරගත් තරුණයෙකුගේ සංවේදී හෙළිදරව්වකි මේ.

මං ඇත්තම කියන්නම්. එතකොට ඔයාටම හිතාගන්න පුළුවන් මං කොච්චර දහජරා චරිතයක් ද කියලා.

මම ඉස්කෝලේ යන කාලේ ඉඳලම ඇට්ටරයා. තාත්තා හුඟක් උත්සහ කළා මාව හොඳ මාර්ගයට ගන්න. ඒත් බැරිවුණා. අපේ ගෙදරට හැමදාම අහල පහළ ගෙවල්වල ළමයින්ගේ මවුපියෝ නඩු ගෙනාවා.සමන්ත මගේ පුතාට ගහලා..

මුදලාලි බලන්නකෝ ඔයාගේ පුතා මගේ පුතාගේ දත කැඩෙන්න ගහලා..

එක එක ජාතියේ ප්‍රශ්න කියාගෙන හැන්දෑවට අපේ ගෙදරට අවට මිනිස්සු ආවා... ඒ හැම හැන්දෑවකම මම තාත්තගෙන් නොසෑහෙන්න ගුටිකෑවා...

ඔහොම ගහන්න එපා දෙවියනේ.... කොල්ලා මැරිලා යාවි..

අම්මා සමහර වෙලාවට තාත්තගේ අත්දෙකේ එල්ලෙනවා. ඒ වෙලාවට අම්මටත් පහරක් දෙකක් වදිනවා.

කොහොමහරි තාත්තා ටික කාලෙකට පස්සේ ගෙවල් දොරවල් විකුණලා වෙන පළාතකට පදිංචියට ගියා.

පුතේ උඹ මෙහෙදිවත් හොඳට හැදියන්..

අම්මා මට වැන්දේ නැති ටික විතරයි. ඒ වෙනකොට මං සාමාන්‍ය පෙළ පන්තියේ හිටියේ.

මගේ හිතේ දඟකාර ඇට්ටරකම ඇරුණම මනමාලකමත් තිබුණා.

මං එහා ගෙදර හිටපු ගෑනු ළමයා දිහා බලන්න ගත්තා. ඒ ළමයා නානකොට හොරෙන් ඒ දිහා බලාගෙන හිටියා. මට අමුතු අමුතු ආශාවල් ඇතිවුණා. කොහොමහරි මං ඒ කෙල්ල එක්ක යාළුවුණා.

එයාගෙ නම නිලන්ති. නිලන්ති මට වඩා වැඩිමල්.

අපේ අම්මට තාත්තාට හොරෙන් ඒ ආශ්‍රය කරගෙන ගියත් වැඩිකල් යන්න ලැබුණේ නැහැ.

නිලන්තිගේ ගෙදරට අපි දෙන්නව අහුවුණා. ඒ වෙනකොට මං සාමාන්‍ය පෙළ විභාගය කරලා ගෙදරට වෙලා හිටියේ..

අපේ කෙල්ල ආයේ වෙන මිනිහෙක්ට දෙන්න බැහැ..

එහෙම කියපු ගෑනු ළමයගෙ අම්මයි තාත්තයි පොලිසි ගියා.

අපේ අම්මයි තාත්තයි මගේ දිහා බැලුවේ පූරුවේ වෛරක්කාරයෙක් දිහා බලන විදිහට.

පොලිසියේදී තීරණය වුණේ මට ඒ කෙල්ලව බඳින්න කියලා.

ඒක එහෙම වුණේ නිලන්ති මාව අත අරින්න අකමැති වුණු නිසයි.

නිලන්ති කියන්නේ කිසිම හැඩයක් ඇති කෙල්ලෙක් නෙමෙයි.

ඒත් එයාට දිග කොණ්ඩයක් තිබුණා. මම එක අතකට මොනවට ඒ වගේ කෙනකුට කැමතිවුණා ද මන්දා....

ඒත් මේ සිද්ධිය වෙලා අවුරුදු දෙකකට විතර පස්සේ මම නිලන්තිව බැන්දා.

නිලන්තිව බඳිනකොට මට වයස අවුරුදු දහ නවයයි. නිලන්තිට විසිතුනයි. ඒ වෙනකොට අපේ පුතාට අවුරුදු එකහමාරයි. දරුවා ලැබුණේ කසාද බඳින්න ඉස්සෙල්ලා..

එකා යකා කියන්නේ ඕක තමයි. දැන්වත් ඉතිං හැදෙන්න බලපං...

මම නිලන්තිව ගෙදර එක්කගෙන ආව දවසේ තාත්තා මට එහෙම කිව්වා.

මගේ ඉගෙනීම එතනින්ම නතරවුණා. තාත්තා මට එයාගේ රෙදි කඩේ කරගෙන යන්න කියලා බාරදුන්නා.

අම්මයි, නිලන්තියි අතර ප්‍රශ්න නොතිබුණාම නෙමෙයි. සමහර දවස්වලට අම්මයි, නිලන්තියි දෙන්නා ගෙදර හිටියේ දෙපැත්ත බලාගෙන.

තාත්තා මේ හැමදේම බලාගෙන ඉඳලා අන්තිමට අම්මවත් අරගෙන එයාගේ ගමට ගියා.

මට අම්මවවත් තාත්තවවත් නතර කරගන්න ඕන වුණේ නැහැ.

ඒ වෙනකොට මට නිලන්ති හිසරදයක් වෙලා තිබුණේ. මං පුළුවන් තරම් දවස ගෙව්වේ ටවුමේ තිබුණ රෙදි කඩයටවෙලා.

ඔහොම ඉන්න අතර තමයි මං රෙදි කඩේ වැඩට හිටපු සඳමාලි එක්ක යාළුවුණේ.

ඒ කෙල්ල මට පුදුම ආදරයක් දැක්වුවේ. මම නිලන්තිව අමතක කෙරුවේ නැහැ.

ඒත් එයා ගෙදරට කොටුවුණා. පුතා මොන්ටිසෝරි යන කාලේ වෙනකොට සඳමාලිටත් දරුවෙක් ලැබෙන්න හිටියා.

ඒත් මං ඒක නැති කෙරුවේ හිතක් පපුවක් නැති මිනිහෙක් ගානට.

නිලන්තිගෙ ගෙදරින් මට හරියට ප්‍රශ්න ආවා. මගේ අම්මයි, තාත්තයි ඇවිල්ලා මට නොයෙක් විදිහට කිව්වා ගෙදර ගිහිල්ලා නිලන්ති එක්ක ආයෙත් ජීවිතේ පටන්ගන්න කියලා.

අම්මලාගේ හිත හදන්න ඕන නිසා මං ගෙදර ආවා. ඒත් මට නිලන්ති එක්ක ජීවත්වෙන්න ඕනවුණේ නැහැ. ගෙදර හැම තිස්සෙම ප්‍රශ්න. ඔය අතරේ තමයි සඳමාලිව එයාගේ ගෙදර අය අපේ ගෙදරට එක්කගෙන ආවේ.

මගේ ඔළුව විකාර වෙලා හිටියේ. සඳමාලිගේ අයියලා මට විරුද්ධව පොලිසි ගියා. ඒ විතරක් නෙමෙයි මට මිනිස්සු දාලා ගැස්සුවා.

මගේ කකුල කැඩුවා. අම්මයි, තාත්තයි මගේ දිහාවත් නොබලා කඩේ විකුණලා ගමට ගියා.

මොනවා වුණත් නිලන්ති මගේ ළඟ හිටියා. ඒත් මට ඒ ගෑනි දකිනකොට හරි තරහයි.

මට හිතුණේ මගේ ජීවිතේ නැතිවුණේ නිලන්ති හින්දා කියලා.

මං දවසක් නිලන්තිට ගැහුවා. එයාගේ අත කැඩුවා. ඒත් මං දන්නෑ මොන කරුමෙටද කියලා, මේ ගෑනි මාව දාලා ගියේ නැහැ.

නිලන්තිගේ අක්කට දරුවෝ හිටියේ නැහැ. එයා අපේ පුතාව එයා ළඟට ගත්තා.

තාත්තා කඩේ විකුණලා දැම්ම නිසා මට ජීවත්වෙන්න ක්‍රමයක් තිබුණේ නැහැ.

මං අන්තිමට නිලන්ති අඬාවැටෙද්දී ගේ විකුණුවා.

ඒ සල්ලිවලින් ණය බේරුවා. ඊට පස්සේ අපි පුංචි ගෙයක් කුලියට ගත්තා.

නිලන්ති ගාමන්ට් එකක රස්සාවට ගියා. බීමත්කමට ඇබ්බැහිවෙච්ච මම නිලන්ති දිහා බැලුවේ සැකෙන්.

මං වටේ යාළුවෝ හිටියා. ඒ හැම එකාටම මං මගේ ගෑනිව විකුණුවා.

ඒ ගෑනි හැම උදේකම මගේ කකුල් දෙක ළඟ වැටිලා දුක කිව්වා. එහෙම කරන්න එපා කියලා...

ඒත් මගේ මේ දහජරා හිත ඒවා ඇහුවේ නැහැ. නිලන්ති පරඬැලක් වගේ වුණා.

දවසක් ගෑනි මගේ වචනයට පිටින් ගියා. ඒකි එදා මං කිව්ව මිනිහා එක්ක ගියේ නැහැ. යාළුවෝ මට හිනාවුණා.

උනුත් මං වගේම බේබද්දෝ. නිලන්ති රෑ කළුවරේ ගෙදරින් එළියට බැහැලා දුවන්න ගත්තා.

අහල පහළ මිනිස්සු අපි ගැන දන්න හින්දා ගෙදර මොන සද්ද ආවත් බේරන්න ආවේ නැහැ.

කළුවරේ වැටි වැටී දුවන නිලන්තිව මං අල්ලගත්තා. ඒකිගේ දිග කොණ්ඩයෙන් ඇදලා අරගෙන මං කම්මුලට ගැහුවා.

ගෑනි මගේ කකුල් දෙක ළඟ වැටුණා. පස්සෙ මං ඒකිගේ ඔළුව පොල් ගහේ ගැහුවා.

මං දන්නෑ, මං මොනවා කළාද කියලා. නිලන්තිගේ ලේ මගේ අත්වල තැවරුණා. හැල හොල්මනක් නැතිව නිලන්ති ගහ පාමුල ඇදගෙන වැටුණා.

මං මගේ ගෑනිව මැරුවා..මං පාදඩයෙක්...

මිනීමරුවෙක්.. එකවරම ඔහු කෑ මොර දුන්නේය.

මේ හිරගේ මට දුකක් නෙමෙයි. මේක මං කරපු වැරදිවලට දඬුවම් දෙන තැනක් නෙමෙයි.

අතීතය හාරා ඇවිස්සීමට අකමැති වූ සමන්ත අවසානයේ තම කතාව කියා නිම කළේ එසේය.

ඔහු බිම බලාගෙන කඳුළු සලන්නට විය.

“මට මගේ පුතා බලන්න ආසයි. ඒත් නිලන්තිගේ ගෙදර අය මට පුතා පෙන්නන්නේ නැහැ. මං නිලන්තිට කළේ ලොකු අපරාධයක්..”

"කොල් කරාම එන්න, මාව ගැට ගහන්න.." බිරිඳ කළේ රංගනයක්... මොරටුවම කැළඹූ ඝාතනයේ ඇඟ සලිතවන සුලමුල හෙළිවෙයි

සමහරවිට මේ ඇසෙන කතාව මොකද්ද කියන්න ඔබටත් හිතාගන්න බැරි වේවි..

මේ කතාව ඇසෙන්නේ මොරටුව ලක්ෂපතිය රතුකුරුස වත්ත ප්‍රදේශයෙන්..

එම ප්‍රදේශයේ නිවසක පෙරේදා  (15) අලුයම තියුණු ආයුධයකින් කපා කොටා පුද්ගලයෙකු ඝාතනය කිරීම සම්බන්ධයෙන් මේ වන විට තොරතුරු රාශියක් අනාවරණය වී තිබෙනවා..

එසේ ඝාතනයට ලක් වූයේ 41 හැවිරිදි හරේන්ද්‍ර කුමාර නොහොත් "පොඩි අයියා" නැමැති පුද්ගලයෙක්..

ඝාතනය ට ලක්වු පුද්ගලයාගේ බිරිද සහ ඇගේ සහෝදරයා මෙම ඝාතනය කර ඇති බවට හෙලි වි තිබෙනවා..

අනියම් ප්‍රේම සම්බන්ධතාවක් මත මෙම ඝාතනය සිදුකර ඇති බවයි වාර්තා වෙන්නේ..

ඝාතනය සිදුවූ පසුව බිරිඳ ගැට ගසා සිට ඇති අතර බිරිඳගේ කෑ ගැසීම ඇසුණු අසල්වාසීන් පැමිණ විමසා බැලීමේදී මෙම පුද්ගලයා ඝාතනය වී ඇති බව අනාවරණය වුවත් සැබෑවටම මෙම ඝාතනය බිරිඳ විසින් සිදුකර ඇති බවයි වාර්තා වෙන්නේ..

රාත්‍රි 12.30 ට පමණ බිරිද විසින් මෙම පුද්ගලයාගේ පපුවට සහ බෙල්ල ප්‍රදේශයට තියුණු ආයුධයකින් ඇන තිබෙන අතර බිරිදගේ සහෝදරයා විසින් මුගුරකින් හිසට පහර දි තිබෙනවා..

පුද්ගලයා ඝාතනය කරන අවස්ථාවේ දි අවට පිරිස් වලට නොඇසෙන්නට පිරිත් දමා ඇති බවයි වාර්තා වෙන්නේ..

බිරිද විසින් සිය මල්ලිට පවසා ඇත්තේ '' අක්කා කොල් කරාම එන්න, මාව ගැට ගහන්න, මේ ඝාතනය වෙන කෙනෙක් කරා කියා හගවන්න යනුවෙන්''

ඝාතනයට ලක් වූ පුද්ගලයාගේ දැරිය පොලිසිය හමුවේ මෙසෙ පවසා ඇත්තේ '' මාමා ඇවිත් කෝට්ටකින් ගැහුවා, අම්මාත් ගැහුවා යනුවෙන්..

සිද්ධිය වන අවස්ථාවේ කුඩා දැරිය ඇද යට සැගව තිබෙනවා..

බන්ධනාගාර රෝහලට යන්න ඉල්ලලා නෑ! ගෙදරින් කෑම බීම ඉල්ලලා නෑ! අරක නෑ මේක නෑ කියලා නාහෙන් අඬන්නෙ නෑ! විශේෂ පහසුකම් මොනවත් නෑ! හිරුණිකා අනෙක් සිරකාරියොත් එක්කම අවුලක් නැතිව ඉන්නවා!

බරපතල වැඩ ඇතිව වසර හතරක කාලයක් සදහා රක්ෂිත බන්ධනාගාරගත කර සිටින හිරුණිකා ප්‍රේමචන්ද්‍ර, මේ වන විට “වැඩ” අංශයේ සිට “සාමාන්‍ය අංශයට” මාරු කර ඇති බව බන්ධනාගාර මාධ්‍ය ප්‍රකාශක උපුටා දක්වමින් ලංකාදීප පුවත්පත වාර්තා කරයි.

වැඩ අංශයේ සිට ඈ මෙසේ සාමාන්‍ය අංශයට මාරු කර ඇත්තේ ඈ විසින් ඇප අයදුම්පතක් අභියාචනාධිකරණයට යොමු කර ඇති නිසා යැයි, බන්ධනාගාර මාධ්‍ය ප්‍රකාශක පවසා තිබේ.

ඇප අයදුම්පතක් ඉදිරිපත් කර තිබෙන සිරකරුවෙකු වැඩ අංශයේ රදවා තබා ගැනීමට නොහැකි නිසා ඒ තත්ත්වය උදා වී තිබේ.

කෙසේ වෙතත්, රක්ෂිත බන්ධනාගාරගතව සිටින හිරුණිකා ප්‍රේමචන්ද්‍ර, කිසිදු විශේෂ ඉල්ලීමක් බන්ධනාගාරයෙන් ඉල්ලා නැති බවත්, ඈ, අනෙකුත් සිරකාරියන් සමග සහයෝගයෙන් බන්ධනාගාරය තුළ කල් ගෙවන බවත් බන්ධනාගාර මාධ්‍ය ප්‍රකාශක වැඩිදුරටත් පවසා තිබේ

ආසා ආසා අය බිරියන් කරගත් කැරොකේ වසන්තගේ සැඟවුණු කතාව

රාජපක්ෂ දොන් සුරේන් වසන්ත පෙරේරා නොහොත් කැරොකෙ වසන්ත නුවරඑළියේ ජීවත්වූ සාමාන්‍ය පවුලක සාමාජිකයෙකි. ඔහුගේ මව 'භූතානි' නමැති ව්‍යාපාර ජාලයේ හිමිකරු යටතේ සාමාන්‍ය රැකියාවක ද නිරත වූ තැනැත්තියක් බව තතු දත්තෝ පවසති.

කියැවෙන ආකාරයට අනුව ඔහු අධ්‍යාපනය ලබා ඇත්තේ නුවරඑළියේ ගාමිණි විද්‍යාලයෙනි. අධ්‍යාපනයට එතරම් උනන්දුවක් නොවූ තැනැත්තෙක් වූ වසන්ත පෙරේරා උසස් අධ්‍යාපනයක් පවා ලැබූවෙක් නොවීය. එහෙත් කුඩා කල සිටම ඔහු මුදල් ගනුදෙනුවලට දක්ෂයෙකි. කඩචෝරු කන්නට නිවෙසින් ලැබෙන සුළු මුදල පවා ඔහු මිතුරන්ට පොලියට දුන්නෙකි.

වසන්ත පෙරේරාගේ ජීවිතය යම් වෙනසකට ලක්වන්නේ ජපානයේ රැකියාවක් සඳහා පිටත්ව යාමෙන් අනතුරුවය. වසර ගණනාවක් ජපානයේ රැකියාවක නිරතව සිටි වසන්ත නැවත මෙරටට පැමිණීමෙන් අනතුරුව සන්හිල් නමින් නුවරඑළියේ අවන්හලක් විවෘත කරනු ලබන්නේ දුක් මහන්සියෙන් එකතු කරගෙන පැමිණි ලොකු මුදලක් ඒ සඳහා ආයෝජනය කරමිනි.

ජපානයේදී ඔහු ලද ඇතැම් අත්දැකීම් ද සමඟින් ඇරඹි සන්හිල් අවන්හල වැඩි කලක් යන්නට මත්තෙන් නුවරඑළියේ ප්‍රසිද්ධ අවන්හලක් බවට පත්වන්නේ ඔහුට ද සිතාගන්නට බැරි තරමටය.

වසන්ත පෙරේරා කුඩා කල සිට චිත්‍රපට පිස්සෙකි. ඔහු විශේෂයෙන් නිළියන්ට පෙම් බැන්දේය. ඒ නිසාම ඔහු නුවරඑළියේ එකල චිත්‍රපට රූගත කිරීමක් තිබේ නම් ඒ පැත්තේ කරක් ගැසුවේය. එකල නුවරඑළියේ ජනප්‍රියතම ස්ථානයක් වූයේ බෝඩ් යාඩ් එකය. චිත්‍රපට රූගත කිරීම් බොහොමයක් සිදු වූයේ බෝඩ් යාඩ් එක හා ඒ අවටය. එහිදී ඔහුට එකල ජනප්‍රිය නළුවෙක් දැන හඳුනා ගැනීමට ලැබෙන්නේ බෝඩ් යාඩ් එකේදීය. චිත්‍රපට අධ්‍යක්ෂණයේ ද නිරත වූ එම නළුවා සමඟ ඇති කරගත් සම්බන්ධය සිය ජීවිතයේ හැරවුම් ලක්ෂ්‍යය බවට පත්වෙතැයි වසන්ත සිහිනෙකින්වත් සිතුවේ නැත. වරක් මේ නළුවා නුවරඑළියේ පිහිටි සන්හීල් අවන්හලට රැගෙන එන්නේ එකල පැවති ආණ්ඩුවේ ප්‍රබල දේශපාලඥයෙකි. ඇමතිවරයෙක් ද වූ ඔහු චිත්‍රපට නළුවාගේ සමීප හිතවතෙක් ද විය. වසන්ත එදා මේ දේශපාලනඥයාට සලකන්නේ මනදොල පිරෙන්නටය. කොළඹ බේරේ වැවේ තිබුණු පාවෙන අවන්හල වසන්තට ලැබෙන්නේ එම දේශපාලනඥයා හරහාය. නුවරඑළියේ සිට කොළඹට එන්නට වසන්තට මඟ පෑදෙන්නේ එසේය.

අදාළ දේශපාලනඥයාගේ උවමනා එපාකම් ගැන සොයා බලමින් ඒ හැම දෙයක්ම ඉටු කරමින් සිටි වසන්ත ඔහුගේ විශ්වාසයත් දිනා ගත්තේය. ඒ නිසාම අදාළ දේශපාලනඥයා වසන්තගේ නමින් ව්‍යාපාර ආරම්භ කිරීමට ලොකු ආයෝජනයක් ද කළේය. කොල්ලුපිටිය මැරීන් ඩ්‍රයිව්හි සන්හිල් නමින් කැරොකේ අවන්හලක් විවෘත වන්නේ ඒත් සමඟිනි. දැඩි දේශපාලන සම්බන්ධකම් හේතු කොටගෙන බලයෙන් ද මුසපත් වන වසන්ත කැරොකේ අවන්හල් ජාලයක හිමිකරුවෙක් බවට ඒත් එක්කම පත්වූයේය.

වසන්තගේ නම ඉදිරිපිට කැරොකේ වසන්ත යැයි කියැවෙන්නට ගත්තේ ඒත් එක්කමය.

ප්‍රභූවරයෙක් ලෙස ඩිෆෙන්ඩර් පිරිවරාගෙන පුද්ගලික ආරක්ෂකයන් සමඟ ගමන් බිමන් යමින් රටේ නීතිය තුට්ටුවකට මායිම් නොකර වසන්ත හැසිරෙන්නට ගන්නේ වැඩි කල් යන්නට මත්තෙන් රටේ ඉහළම දේශපාලනඥයන්ගේ ඇසුරට ද ඔහු පත්වීමත් සමඟිනි. දේශපාලනඥයන්, කලාකරුවන්, මාධ්‍යවේදීන්, රාජ්‍ය නිලධාරීන් ඇතුළු සමාජයේ විවිධ තරාතිරම්වල පුද්ගලයන් මුදල් බලයෙන් සිය පාලනයට නතු කරගන්නා වසන්ත ඒ ඔස්සේ සමාජයේ කළ හැකි හැම කුප්ප වැඩක්ම කළ බව ඔහුට සමීපතයන් අදටත් පවසති.

වසන්ත විවාහ කිහිපයක් කරගත්තෙකි. ඒ අතර නීත්‍යනුකූල විවාහයන් කීයක් තිබේදැයි ඔහු සමීපයේ සිටි අය ද කියන්නට දන්නේ නැත. පළමු විවාහය සිදු කරගෙන ඇතැයි පැවසෙන්නේ වරකාපොළිනි. වසන්ත පෙරේරා, සන්හිල් වසන්ත ලෙස භෞතිස්ම ලැබී ගාල කඩාගත්තෙක් ලෙස හැසිරෙන්නට ගැනීමත් සමඟ ඇය ඔහුව අතහැර යන්නේ ඔහුගේ ඇතැම් ක්‍රියා ඉවසා ගැනීමට නොහැකිවය.

අනතුරුව වසන්ත සිය අඹුව බවට පත්කර ගන්නේ පිලිපීන් ජාතික කාන්තාවක් බව පැවසේ. ඇය සිය සැමියා සමඟ වසන්තගේ සන්හීල් කැරොකේ අවන්හල් ජාලයේ සේවයේ නිරත වූ තැනැත්තියකි. ඇයට හිත බැඳෙන වසන්ත ඇගේ සැමියාව පන්නා දමා ඇයව අඹුකමට ගත්තේ ඇගේ දරුවා ද සමඟින් බව සමීපතමයෝ කියති.

අනතුරුව ඔහු තවත් කතුන් කිහිප දෙනෙකුම සිය අඹුවන් ලෙස තබාගෙන ඇති අතර ඒ හැම අඹුවන්ම තබාගෙන සිට ඇත්තේ එකම නිවෙසකය. වරක් ඔහු කොළඹ පිහිටි අවන්හලකට ගිය අවස්ථාවකදී හිත බැඳෙන්නේ එහි සේවිකාවක් වෙතය. ඇය එම අවන්හලේ සේවයේ නිරතව සිටින්නේ සිය පෙම්වතා සමඟිනි. ඇයව තමාගේ කර ගැනීමට සිතක් පහළ වන වසන්ත ඒ යුවළට ආරාධනා කරනු ලබන්නේ ඒ වන විට ඔවුන් ලබන වැටුපට වඩා රුපියල් ලක්ෂයක් වැඩි ලොකු වැටුපකටය. ඊට වහ වැටෙන එම යුවළ සන්හිල් අවන්හලේ සේවයට ගොස් වැඩි කාලයක් ගියේ නැත. පෙම්වතා පොලිසියට හසුවන්නේ ඔහු නොකළ වරදකටය. අවසානයේ ඔහු හිරේ ගිය විට ඇයට සිදු වන්නේ වසන්තගේ අඹුව බවට පත්වන්නටය. වසන්ත සිය අරමුණු වෙනුවෙන් ගේම් ගැසුවේ එසේය.

ඝාතනය වන විට වසන්තගේ බිරිය මැණික්ය. ඇයත් වෙඩි වැදී මේ වන විට සිටින්නේ බරපතළ තත්ත්වයෙනි. තතුදත් තොරතුරු සඳහන් කරන ආකාරයට අනුව මැණික් විශ්වවිද්‍යාල අධ්‍යාපනය ලැබූ කාන්තාවකි. උපාධිය හිමිකර නොගත් ඇය අධ්‍යාපනය ලබමින් සිටි කාලයේදී වසන්තට සමීප වීම හේතුවෙන් අධ්‍යාපනය බිඳවැටී ඇති බව කියැවෙති. ඒ යැයි කියා ඇයට වැරදුණේ නැත. වසන්තගේ නරක ගති අතහැර ඔහුව යහමඟට ගැනීමට පසුගිය කාලයේ ලොකුම මෙහෙයක් කර ඇතැයි පැවසෙන්නේ මැණික්ය.

වසන්ත සිය කැරොකේ ව්‍යාපාරය කරගෙන ගියේ යැයි කියැවෙන්නේ අනුන්ගේ මුදල්වලිනි. හෙළි කිරීමට නොහැකි අමුතු ජාතියේ හවුල්කාරයන් වසන්තට සිට ඇත. ඒ අතර දේශපාලනඥයන් මෙන්ම පාතාල අපරාධකරුවන් ද නැත්තේම නැත. වසන්ත සන්හිල් ගොඩනැඟිල්ලට පවා වරක් ලොකු ණයක් බැංකුවකින් ලබාගෙන තිබුණේය. එම බැංකුවේ ඉහළ නිලධාරිනියක් සමඟ ඉතා කිට්ටු සම්බන්ධයක් ඇති කරගත් ඔහු ණය මුදල ලබා ගත්තේ ගොඩනැඟිල්ල ඇපයට තබාය. ඒ ගොඩනැඟිල්ල නොවටිනා වටිනාකමක් ලබාගෙනය. අවසානයේදී එම නිලධාරිනියට සිදුවන්නේ රැකියාව අහිමිව ගෙදර යන්නටය. ඒත් එක්කම සන්හීල් ගොඩනැගිල්ලට වෙන්දේසි කරන්නට බැංකුව කටයුතු කළේය. ඒ වසන්ත ඒ වන විට හැම අතින්ම වැටී සිටි බැවිනි. දේශපාලන බලය, පාතාල බලය මෙන්ම හැම දෙයක්ම ඒ වන විට වසන්තගෙන් ගිලිහී ගොස් තිබුණේය. මේ නිසාම වසන්තට දේශපාලනඥයන්ගෙන් මෙන්ම පාතාලයෙන්ද තර්ජන ගර්ජන එල්ලවී තිබුණේය. ඒ සිය ව්‍යාපාරවල ආයෝජනය කිරීමට ලබාගත් මුදල් නැවත ලබාදීමට නොහැකිව ඔහු ඒ අයව මඟහරින්නට වූ බැවිනි.

මෙසේ ඔහු බිංදුවට ඇදවැටෙන්නේ කැසිනෝ සූදුවට ඇබ්බැහි වීමේ ප්‍රතිඵලයක් ලෙසිනි. එක රැයට ඔහු රුපියල් කෝටි ගණනින් සූදුව නිසාම විනාශ කර ගත්තේය.

විවිධ හේතු නිසා මෙරට කැසිනෝ සමාජ ශාලාවල දොරගුළු වසන්තට වැහෙන විට ඔහු සිංගප්පූරු ගොස් කැසිනෝ ගැසුවේය. වරක් ඔහු රුපියල් කෝටි 10ක්ම පරාජයට පත්වූ බව සඳහන්ය.

මෙසේ සූදුව නිසා ව්‍යාපාර දිය වී යන විට තමා වැටී නැති බව පෙන්වීමට ඔහු නොකළ දෙයක් නැත. සමාජ මාධ්‍ය ජාලා ඔස්සේ ඔහු වෙනත් ආකාරයට එළියට එන්නේ ඒත් සමඟිනි. ගෝල්ෆේස් අරගලයේ ද සම්පත් දායකයෙක් ලෙස ඔහු පෙනී සිටියේය. එතෙක් කලක් මෙරට තරු පන්තියේ හෝටල් නිවාස සංකීර්ණයක එක් තට්ටුවක්ම කුලියට ගෙන මෙරට සිටින ප්‍රබල දේශපාලඥයන්, කලාකරුවන්, පාතාල අපරාධකරුවන්, ව්‍යාපාරිකයන් ගෙන්වා එකට මුණ ගස්සවමින් සුපිරි සාදයක් පැවැත්වූ ඔහු එම සාදයන්ට පවා නැවතීමේ තිත තබන්නේ ඒත් සමඟිනි. ඒ වෙනුවට ඔහු සිය 55 වන උපන්දින සාදය පවා මෑතකදී සමරන්නේ තමාට සමීපතම කිහිප දෙනෙක් ගෙන්වාගෙනය.

ජීවිතයේ විඳින්නට ඇති සෑම සැපක්ම හොඳින් මෙන්ම නරකින් ද විඳි වසන්තට ලෝකයේ විවිධ රටවල ව්‍යාපාර ඇතැයි කීවත් සැබෑ ලෙසම ඔහුට එවැනි ව්‍යාපාරයක් කොහේවත් නොමැති බවත් මෙරට තිබෙන ව්‍යාපාර පවා මේ වන විට ඇත්තේ බංකොලොත්භාවයට පත්ව බවත් ඔහුට සමීපතයෝ පවසති. අඩුම තරමින් තමාගේ බොඩිගාඩ්ලාට පවා පඩි ගෙවා ගැනීමට වසන්තට හැකියාවක් ලැබී නැත. අතුරුගිරියේදී ඔහු වෙඩි කන විට වෙනදා මෙන් ඔහු වටා බොඩි ගාඩ්ලා නොවූයේ එබැවිනි. මේ තැනට වසන්ත වැටෙන්නේ සුරාව, සූදුව සහ ගැහැනුන්ට ලොල් වීම නිසා බව ඔහුව සමීපව ඇසුරු කළ අයට නම් රහසක් නොවේ.

(ගයාන් කුමාර වීරසිංහ)

සෝෂල් මීඩියා නිසා නළු නිළියො බලු වෙනවද? නළු නිළියො නිසා සෝෂල් මීඩියා බලු වෙනවද? මොකක්ද මේ අපේ නළු නිළියන්ට හැදිලා තියෙන පිස්සුව?

රටම කැලඹූ පසුගිය දවස්වල මුද්‍රිත සහ විද්‍යුත් මාධ්‍යවල සිරස්තලය වූ සුරේන්ද්‍ර වසන්ත පෙරේරා හෙවත් ‘ක්ලබ් වසන්ත’ගේ මරණයත් සමග ප්‍රසංග වේදිකාවේ ජයකෙහෙලි නැංවූ ජනප්‍රිය ගායිකා කේ. සුජීවාගේ නමද ඈඳී තිබුණා. ඒකට හේතුව වුණේ ටැටූ ෂොප් එක විවෘත කිරීමේ උත්සවයේදී වෙඩි වරුසාවක් මැද ක්ලබ් වසන්ත මැරෙනකොට සුජීවාටද වෙඩිවැදී තුවාල වීමය. 

පාතාල කල්ලියක් සහ ක්ලබ් වසන්ත අතර ප්‍රහාරයට ගායිකාවක් වූ සුජීවා මැදිවූයේ කොහොමද?
ක්ලබ් වසන්ත සහ සුජීවා අතර සම්බන්ධය කුමක්ද?

සුජීවා ආවේ කලාකාරියක ලෙස විවෘත කිරීමට සහභාගි වීමටද?

අන්න ඒ වාගේ ප්‍රශ්න සුජීවාට තුවාල වීමත් සමග පැතිර යන්න පටන් ගත්තා. එලෙසම එම ඕපාදූප පැතිර යන සැණෙන්ම ඒවාට උත්තරද හනි හනිකට ලැබෙන්නට ගත්තා. සමාජ මාධ්‍යවල පළවූ ආකාරයට සුජීවා උත්සවයට පැමිණ ඇත්තේ ටැටූ ආයතනයේ හිමිකරු ලෙස පෙනීසිටින තරුණයාගේ ප්‍රියතම ගායිකාව ඇය නිසාය. සුජීවා පැමිණ ඇත්තේ සිය සැමියා සමගය. ඔහුගේ නම නයන වාසුලය. නයන වාසුලද ක්ලබ් වසන්ත සමග වෙඩි වරුසාවට ලක්ව මරණයට පත්විය. මෙහි තවත් එක් සිදුවීමක් ලෙස මාධ්‍යවල සටහන්ව ඇත්තේ නයන වාසුල සිවුරු හැර ගිය පුද්ගලයකු කියාය. පැවිදි බව අතහැර ගිහියකු වූ පසුව හෙතෙම නයන වාසුල ලෙස නම් දැරුවේය. ආරංචියේ හැටියට නයන වාසුලට ඇති පදමට සල්ලි තියෙනවාය. සුජීවා ඔහු සමග හාදවී ඇත්තේද එම ධනය මුල්කොට ගෙනය යන ඕපාදූපයද සෝෂල් මීඩියාවල සටහන්ව ඇත.

‘පවුකාර සුජීවා නිසා සිවුරු හැරගිය ප්‍රසිද්ධ හිමිනම බල්ලකු සේ වෙඩි වරුසාවකට මැදිව මරුදකී…’ යන පුවත ඊයේ පෙරේදා ඉඳන් සෝෂල් මීඩියාවල සංසරණය වන සිරස්තලය වී ඇති අතර, ආලින්දයේ සිනමාවට ආරංචි සහ ප්‍රවෘත්ති බෙදාහරින රූපවාහිනිී නිවුස්වලදීද එම සංසිද්ධිය ගැන ප්‍රසිද්ධියේ කියැවිණි. මීට ඉහත එක් සතියක නිරූපණ ශිල්පී පියුමි හංසමාලිද පාතාලයකු සමග ගනුදෙනු කරන කළු සල්ලිකාරියක බවට එල්ලවූ චෝදනාවක් මත ප්‍රශ්න කිරීම සඳහා රහස් පොලිසියට කැඳවනු ලැබුවාය. දැන් එහි උණුසුම යන්නට මත්තෙන් කේ. සුජීවා යන ජනප්‍රිය ගායිකාව පාතාලයේ කල්ලියක් විසින් ක්ලබ් වසන්තට තැබූ වෙඩි වරුසාවට මැදිව තුවාල ලැබුවාය යන ආරංචිය මාධ්‍යවල පළවිය.


මේ හැම දේටම පළමුව විටින් විට සුපිරි ටෙලි තරු සංගීත ශිල්පීන් සහ වේදිකාව සිනමාව විචිත්‍රවත් කළ කලා ශිල්පීන් සහ ශිල්පිනියන් ගැන චාරයක් නැති ඕපාදූපයන්ද කලින් කලට සෝෂල් මීඩියාවල සටහන්ව තිබුණා මතකය.


ඇත්තෙන්ම මේ සිදුවන්නේ කුමක්ද?
සෝෂල් මීඩියා නිසා කලා ශිල්පීන් සවුත්තු වෙනවාද, නැත්නම් කලා ශිල්පීන් නිසා සෝෂල් මීඩියා සවුත්තු වෙනවාද? හරියටම එය හිතාගන්නට බැරිය. ක්ලබ් වසන්තගේ බිහිසුණු මරණය සහ සුජීවාගේ වෙඩිවැදීම මෙයට ඈඳාගත්තේද මේ කතන්දරයට පොටක් පාදා ගන්නටය.

කියන්නට යන කතන්දරය මොකක්ද?

කතන්දරයට මුල්වී ඇත්තේ අපේ කලා ශිල්පීන් දැන් දැන් නොව කලකට ඉහත ඉඳන් තම තරු නාමය සවුත්තු කරගන්නා ආකාරයය. කලක් ඔවුන් දේශපාලනය නිසා නැත්තටම නැතිවිය. රාජපක්ෂලාට ගැතිකම් කරන්නට ගිහින් මුහුණු පොත පුරා මියෙන්නටත් පළමුව නිවන් සුව ප්‍රාර්ථනා කොට ගත්හ. අනෙකුත් දේශපාලන පක්ෂවලට වැඩිය රාජපක්ෂ පාලන සමයේදී කලාකරුවන් සල්ලිවලට යටවිය. එය පටන්ගත්තේ සෝමරත්න දිසානායකලා සහ ජැක්සන් ඇන්තනීලාය. එයට පසු තව බොහෝ සිනමා තරු රාජපක්ෂලාට ගැති වන්නට වූහ. විශාරද මට්ටමේ ගායක ගායිකාවන්ද සුප්‍රකට සිනමා ශිල්පීන්ද එහි විය. අල්ලසට දුන්නේ මොනවාද, අල්ලස් ගත් අය කවුද, නොගත්ත අය කවුද යන කාරණය කවුරුත් නොදත්තද, මහින්ද රාජපක්ෂ බුදු හාමුදුරුවන්ගේ නෑයෝයැයි ජැක්සන් ඇන්තනී බොහොමත්ම ශ්‍රද්ධාවෙන් කියනකොට මදහස පා එය අනුමත කරන්නාක් වැනි සේයාවක සිටි අය අතර එඩ්වඩ් ජයකොඩි, රෝහණ වීරසිංහ, රවීන්ද්‍ර රන්දෙණිය, මාලිණී ෆොන්සේකාද අසුන් ගෙන සිටියා මතකය.

එයට පසුව භාතිය සන්තුෂ් සහ ඉරාජ් යන කාණ්ඩය හරි මසුරං සෙප්පඩ විජ්ජා නටන්නට ගත්හ. කෝටි ගණනින් ලද රජයේ මුදලින් භාතිය සන්තුස්ලා ප්‍රසංග වේදිකා නිර්මාණය කරමින් ප්‍රසංග පැවැත්වූහ. ඉරාජ් වීරරත්න ගැන නම් ඉතින් මොනවා කියන්නද කියා හිතාගන්න බැරි තරමට ඔහුගේ කල්ක්‍රියාව හොඳ නැතිව ගියේය. සනත් නිශාන්තලා සමග එකතුව ඉරාජ් ගහන මරන කතාද කරන්නට විය.


ටෙලිනාට්‍ය ශිල්පීන් කලා කවය හදාගත්තේ ගෝඨාභයටය. එයට ශ්‍රියන්ත මෙන්ඩිස්, කුසුම් රේණු සමග නවක තරුණ රංගන ශිල්පීන්ද එක්වූවා මතකය. අරගලයෙන් පසු තෙල් පෝලිම්, ගෑස් පෝලිම් එනවිට ගෝඨාභයට ලක්ෂ 69ක් ඡන්ද අරන් දෙන්න කැම්පේන් කළ කට්ටිය හොයාගන්නට බැරිව ගියේය. පත්තරයකට ඉන්ටර්විව් එකක් දෙන්නටද ඔවුන් බය විය. හැබැයි ගෝඨාභයට ඡන්දය දුන්නොත් මුළු රටටම කිරි උතුරනවාය කියමින් සෝෂල් මීඩියා පුරා කයිවාරු දෙඩුවේ ඔවුන්ය.

මේ සියලු විකාර විලම්බීත තුළින් පීඩාවට පත්ව රාජපක්ෂ පාලනයෙන් බැට කෑ මිනිසුන් රාජපක්ෂවරුන්ට කඩේ ගිය කලාකරුවන් සමග මොන තරම් වෛරයකින් පසුවූයේද යන වග ඔප්පු වූයේ පළමුව විශාරද මට්ටමේ ප්‍රවීණ ගායිකා නීලා වික්‍රමසිංහගේ ඛේදනීය මරණයත් සමගය. රාජපක්ෂලාට ප්‍රසිද්ධියේ කඩේ ගිය ඇය සෝෂල් මීඩියා ඔස්සේද තම ලස්සන හිනාව පාමින් ජනතාවට කියා සිටියේ ගෝඨාභයව ජනාධිපති කරන ලෙසය. ටීවී චැනල් පුරා සිංහල ශාස්ත්‍රීය සංගීතය ගැන පණ්ඩිතකම් දෙඩවූ ‘මාමයි බෑනයි’ නාඩගමේ මාමා වූ රෝහණ බැද්දගේද රාජපක්ෂලාට කඩේ යෑමට එකතු විය. නීලාටත් බැද්දගේටත් ඒ වෙනුවෙන් තානාපති තනතුරු ලැබිණි.


ගෝල්ෆේස් අරගලය උත්සන්නව විදේශ රටවලටද විහිදී යද්දී නීලා වික්‍රමසිංහ සේවය කළ තානාපති කාර්යාලය ඉතාලියේදී සිංහල මිනිසුන් විසින් වටලන විට නීලා වික්‍රමසිංහ ඊට මුහුණ දීමට නොහැකිව පීඩනයට පත්ව හෘදයාබාධයකට ලක්ව මියගිය බව කියැවිණි. හදිසි රිය අනතුරකට මුහුණ පෑ හෙළයේ මහා කලාකරු ජැක්සන් ඇන්තනී මියයනතුරුද ප්‍රේක්ෂකයන් වෙතින් අපහාසයට පත්වූයේ නිවන් සුව මියයන්නටත් පෙර ඉල්ලා ගත්තේ රාජපක්ෂලාට ගැතිකම් කළ නිසාය. එලෙසින්ම රාජපක්ෂලාට කඩේ ගිය සෝමරත්න දිසානායක වැන්නවුන් ජැක්සන්ලාට මොන තරම් සුදු හුණු ගෑවාද? ඒ වනවිටද මුළු රටම ඔහු රාජපක්ෂලාට අලෙවි වූ වග දැන සිටියහ.

අරගලයෙන් පසුව කලාකරුවන් දේශපාලනයට අලෙවි වීමේ සහ කඩේ යන කලාවට බොහෝ දුරට තිත තැබිණි. දැන් අලුත්ම වසංගතය වී ඇත්තේ නළු නිළියන් සහ සංගීතවේදීන් නිරූපණ ශිල්පීන් ඇතුළු පිරිස සෝෂල් මීඩියාවල පිස්සු නැටීමය. පියුමි හංසමාලිලා සහ කේ. සුජීවලා සෝෂල් මීඩියාවල බොහෝ විට තම දවසම ගෙවන පිරිසය. වාහනයට පොලිසියෙන් දඩ කොළය ලිව්වත් සුජීවා එය සෝෂල් මීඩියාවලට මුදාහරින්නීය. පියුමි හංසමාලිද පුතාට අරන් දෙන තෑග්ගත්, සැමියාට දෙන සර්ප්‍රයිස් එකත් සෝෂල් මීඩියාවලට මුදාහරින්නීය. ටෙලි තරුද තව තව සංගීත ශිල්පිනියන්ද එය එලෙසින්ම ඉටුකරයි. චන්දිමාල් ජයසිංහගේ පාටියට යන අපේ නිළියෝද එතැන කරන විගඩම් සියල්ලද එක දසුනක් හෝ නෑර සෝෂල් මීඩියාවලට මුදාහරිති. මෙහි පරමාර්ථය කුමක්ද? තම තමන්ගේ ඇඳුමෙහි වටිනාකම පෙන්වීමද? නැත්නම් නටන නැටිල්ලේ තරම පෙන්වීමද? එහෙමත් නැත්නම් තම අඩනිරුවත කෙතරම් අශ්ලීලදැයි යන මේනියාව එය නරඹන්නන්ට පෙන්වීමට ඔවුන් උත්සාහ දරනවාද?


එතැන හේතුව කුමක් වුවද එකී නාඩගමෙන් සිදුවන්නේ ඈ බයිට් වීමය. නැත්නම් හෑල්ලු වීමය.


මෙහි අවසානය කුමක්ද? අවසානයක් නැතුවද? තීන්දුව ඇත්තේ සොෂල් මීඩියාවල ඩෙඟා නටන ඔවුන් අතමය. මන්දයත් මේ බහුබූත නිසා රෙදි ගැළවෙන්නේ ඔවුන්ගේම නිසාය. එලෙසම සෝෂල් මීඩියාවල ඔවුන්ගේ කුණුහරුප සහ බහුරූ කෝලම් බලා එය ආතල් එකක් කරගන්නට කැමැති උන්දැලාට නම් ඔවුන්ගේ රෙදි ගැළවුණත් කමක් නැති බවද මෙතැනදී කිව යුතුය.

දමයන්ති රේණුකා ප්‍රනාන්දු

හර්ෂ ද සිල්වාට පාරෙදි හමුවුණු කාන්තාව වාහනේ නවත්තලා කියපු ටික මේ වීඩියෝ එකෙන් බලන්න! (VIDEO)


''සතියක් ගිය ඉක්මන !'': කේ. සුජීවාගේ දෝණි අංජලීගෙන් සටහනක්. සිය පවුලේ මතක සටහනකුත් පළ කරලා

ගෙවුණු සතියේ ඇහුණු කතාවල උණුසුම තවමත් පහව ගිහින් නෑ.

එහෙම කියනකොට ම ඔබට සිහියට නැඟෙනවා ඇති, මොකක්ද කතාව විත්තිය.

'ක්ලබ් වසන්ත ඝාතන' සිදුවීම, තවමත් පුවත් මැවෙන කාගෙත් කුතුහලය අවුස්සනසුළු සිදුවීමක් බව ඔබ හොඳාකාරවම දන්නවා.

ඒත් එක්කම අහන්න ලැබුණු අනෙක් අවාසනාවන්ත කාරණාව වුණේ ජනප්‍රිය ගායන ශිල්පිනි කේ. සුජීවාගේ කකුලකට වෙඩි වැදීමත්, ඇයගේ සැමියාගේ දිවි අහිමි වීමත් යන කාරණය.

මේ ඛේදවාචකය අහන්න ලැබිලා අදට (15) සතියක්.

එයාකාරයෙන් සතියකට ඉහත වුණු ඒ අවාසනාවන්ත සිදුවීම ආවර්ජනය කෙරෙන සටහනක් සුජීවාගේ දියණිය, අංජලීගේ මුහුණු පොතෙන් දකින්න ලැබුණා.

''සතියක් ගිය ඉක්මන !'' යන හිසින් යුතුව ඇය මතක සේයා රූ සටහනකුත් ඊට එක්කාසු කරගෙන තිබුණා.

රන්ජන් රාමනායක සටන පාවා දුන්නද?

සාමාන්‍යයෙන් සමාජ මාධ්‍ය තුළ කසාද නොබැඳ ඉන්නවා කියලා පොදු පිළිගැනීමක් තියෙන දෙන්නෙක් ඉන්නවා.

ඉන් එක්කෙනෙක් තමා රංජන් රාමනායක.

අනිත් කෙනා වස්ති අනුෂ්ක.

ඔන්න ඉතින් රන්ජන් බැදලා කියලා ආයේ කතා බහක් ඇති වෙලා තිබෙනවා.

ඒ ගැන අපිත් හරියටම දන්නේ නැහැ.

''බොහෝ දෙනෙක් හිතන්නෙ වෙස් මුහුණක් දමා ඇති බව. මෙහි නිර්මාණ ක්‍රියාවලිය ඊට සම්පුර්ණයෙන් වෙනස්'': හැලයා - සීදේවී හැඩකළ හැටි ගැන කියන ඔෂාන් යාපා

පියත් රාජපක්ෂ කියන්නෙ තමන් කරන නිර්මාණය තුළින් රසිකයින් හට 'උපරිම රසවින්ඳනයක්' ලබාදෙන කලාකරුවෙක්.

ඔහුගේ සෑම නිර්මාණයක්ම පාහේ 'වෙනසක් එක්ක' ප්‍රේක්ෂකයින් අතරට ගියා කිව්වොත් හරි.

ඒ වගේම ප්‍රතිචාර රැසක් එක්ක අතිසාර්ථක වුණු නිර්මාණ බවට පත්වුණා.

ඊට දිය හැකි ආසන්නතම උදාහරණය තමයි පියත්ගේ ''සීදේවී''

හැලයා - සීදේවී කියන්නෙ අපේ හිත ඈත අතීතයට අරන් යන චරිත දෙකක්නෙ. පියත්ගේ අළුත් නිර්මාණය ගෙතෙන්නෙ මේ චරිත දෙක වටා.

ගීතය එළියට ඇවිත් මේ වෙද්දිත් තවම දවස් 5ක් වගේ. නමුත් ඊට මිලියන දෙක ඉක්මවූ නැරඹුම් වාර හිමියි.

ගීතය එහෙම ජනප්‍රිය වෙන්න හඬ, පද, සංගීතය වගේම ඊට නොදෙවෙනි කාර්‍යභාරයක් 'රූප රචනය' තුළ ගැබ්වෙලා තිබුණා.

හැලයා - සීදේවී හැටියට පියත් - සඳනි චරිත නිරූපණය කරන අපූරුව තමයි කාගෙත් සිත්ගත් කාරණාව වෙලා තිබුණේ.

එතනත් විශේෂත්වය දෙන්නගෙ 'වෙස් මාරුව'

හැබැයි එහෙම 'වෙස් මාරු' කරගෙන තිබුණෙ හුදෙක් අපි දකින 'වෙස් මුහුණකින්' නම් නෙවෙයි.

මේ 'Prosthetic Makeup' එකක්.

මේ වෙනකොට ලංකාව ඇතුළෙ 'Prosthetics කලාව' කියූ සැනින් මතකයට නැඟෙන ඔෂාන් යාපා අමරසේකර තමයි මේ අපූරු වැඩෙත් හැඩකරලා තිබුණෙ.

ඒක හිතන තරම් ලේසි පහසු වැඩක් නම් නෙවෙයි. සෑහෙන කාලයක් වගේම වෙහෙසක් ඇතිව කරන 'කලාත්මක වැඩක්'

ඒ ගැන ඔහු සිය සමාජ මාධ්‍ය තුළ මෙවන් සටහනක් තබා තිබුණා.

''සීදේවී Prosthetic Makeup

ඔබ දකින වීඩියෝව මිනිත්තු 03 තත්පර 31

චරිත 02 සහ ප්‍රොස්තටික් නිර්මාණය කරන්නට ගත වූ කාලය දවස් 9ක්

ප්‍රොස්තටික් එක දැමීමට ගත වූ කාලය

හැලයා - පැය 5

ප්‍රොස්තටික් සමඟ රූගත කල කාලය පැය 10

සීදේවී - පැය 3

ප්‍රොස්තටික් සමඟ රූගත කල කාලය පැය 05

බොහෝ දෙනෙක් සිතන්නේ මෙය වෙස් මුහුණක් දමා ඇති බවයි,

නමුත් Prosthetic Mask සහ වෙස් මුහුණු අතර ලොකු වෙනසක් පවති.

මෙහි නිර්මාණ ක්‍රියාවලිය සහ තාක්ෂණය ඊට සම්පුර්ණයෙන් වෙනස් එකක්.

මෙය වෙස් මුහුණකට සමාන කිරීම කිසිසේත්ම සාධාරණ වෙන්නෙ නෑ.

මෙය සමට බද්ධ කල (අලවන ලද) සිලිකන් ලෙයර් එකක්.

වෙස් මුහුණක් දැමීමට විශේෂ ප්‍රයෝග අංග රචනා ශිල්පීන් අවශ්‍ය නැත. ප්‍රොස්තටික් මේකප් තාක්ෂණය හාත්පසින්ම වෙනස් ක්‍රියාවලියක්.''

''මට සීරීමක්වත් නොකර මාව පරිස්සම් කළා මගේ සුදු මැණික...'' - ජනප්‍රිය නිළි චතූ රාජපක්ෂගෙන් විශේෂම කෙනෙක් ගැන සටහනක්!

කෙනෙක්ගෙ පළවෙනි වාහනේ කියන්නෙ, එයාගෙ ජීවිතේ 'සුවිශේෂීම මතකයක්'

හරියට ජීවිතේට මුණගැහුණු අමතක කළ නොහැකි මිතුරු හමුවක් වගේ.

එතනින් එහාට අලුත් අලුත් වාහන ගත්තාට, තෑගි ලැබුණාට අර පළවෙනි වාහනය එක්ක තියෙන මතක හැමදාටම එහෙමමයි.

ජනප්‍රිය නිළි චතූ රාජපක්ෂත් තමන්ගෙ පළවෙනි වාහනය ගැන ආදරණීය මතක ආවර්ජනයක් කරලා තිබුණා.

ඒ, ඊට 'Good bye' කියනගමන්. ඇය මේ මතක ආවර්ජනය කරලා තිබුණෙ ඡායාරූප එකතුවක් ද එක්කාසු කරමිනුයි...

''මගේ සුදු මැණික....

මට අද වගේ මතකයි ඔයාව මට හම්බවුන දවස.. 29.03.2021

යාළුවොත් එක්ක ගෝල්ෆේස් එකේ ඉන්නකොට තමයි චූටි මට ඔයාව ගෙනල්ලා දුන්නේ මගේ Birthday එකට..හරි ලස්සන දවසක් ඒක.

birthday එකටත් කලින් මට ඔයාට හම්බවුනේ.. මගේ ජීවිතේට එදා තමයි ලොකුම තෑග්ග හම්බවුනේ..

දන්නෙම නැතුව අවුරුදු 3ක් ගිහින්..

මං ගියපු තැන්,මං හිනාවුන හැටි, මං අඩපුහැටි,මං තරහින් හිටපු හැටි, මං කෑගහ ගහ හිනාවුන හැටි හැමදේම දන්නේ ඔයා..

මට සීරීමක්වත් නොකර මාව පරිස්සම් කලා මගේ සුදු මැණික..

දුකින් වුනත් අද මං ඔයාව වෙන කෙනෙක්ට දෙනවා. මං වගේම එයාලවත් පරිස්සමින් බලාගන්න..

තව අවුරුදු ගානක් ගියත් මට මේ ලස්සන මතක, ඒ වගේම මගේ පලවෙනි වාහනේ බලන්න ඕනි නිසා මං මේ ලස්සන ෆොටෝස් ටික තියාගන්නවා..

Good bye මගේ සුදු මැණික....''

''අන්තිමට කස්සා ඉතුරු වෙන්නෙ උඹල දෙන්නට උඹල දෙන්න විතරයි මල්ලේ'' - ක්ලබ් වසන්ත සමඟ කළ අවසාන කතාබහ ගැන කියන කසුන් මහේන්ද්‍ර

තවමත් කවුරු අතරත් කතාබහට ලක්වන 'ක්ලබ් වසන්ත ඝාතන සිදුවීම' අලලා සමාජ මාධ්‍ය පුරාම ලියවෙන සටහන් රැසකි.

ඒ අතර ඇස ගැටුණු කසුන් මහේන්ද්‍ර හීනටිගල විසින් තබන ලද සටහනයි මේ...

''මුලින්ම හමුවුණේ කොහෙදිද කියල ටක්කෙටම මතක නැති වුණාට අන්තිමට හමුවුණේ මෑතක තිබිච්ච චන්දිගෙ රෝයල් බර්ත් ඩේ පාටියෙදි.

කලබල ගමනින් ගෝල්ෆේස් හෝටලේ ඇතුළෙ එහා මෙහා යනකොට මහත අතක් මගේ කෙට්ටු අත තාත්තෙක් වගේ අල්ලගත්තා.

මං ඔළුව උස්සල බලනකොට ඒ ගොරෝසු බැරැන්ඩි හඬ ශාලාවෙ ගිගුම් දුන්නා.

'කස්සා කොහොමද මල්ලේ ... ඇයි මල්ලෙ මට වෙඩින් එක නොකිව්වෙ'

මං ස්ටක් වුණා. විශාල මිතුරු මිතුරියො ප්‍රමාණයකට ආරාධනා කරනකොට කාර්‍ය බහුලත්වය නිසා ම අප අතින්, මැනේජර්ස්ලා අතින්, ඉවෙන්ට් ප්ලෑනර්ස්ලා අතින්, ඇඩ්මින්වරුන් අතින් එවන් අතපසු වීම් සිදුවීම මිනිස් ගතියකි. ඊට සමාව දීම දේව ගතියකි. ඉදින් අවාසනාවකට අපේ අමරණීය මඟුල් රාත්‍රියට වසන්ත අයියාට ආරාධනා පත්‍රය නොගොසින් තිබුණි. මම සුහද දෑසින් ඔහු දෙස බැලීමි.

' හරි හරි එව්ව වැඩක් නෑ. මොකා මොනවා කිව්වත් සතුටින් හිටපන් උඹලා දෙන්නා. අන්තිමට කස්සා ඉතුරු වෙන්නෙ උඹල දෙන්නට උඹල දෙන්න විතරයි මල්ලේ '

ඒ තමයි මනුස්සය මට කියපු අන්තිම දෙබස.

ඒක කොච්චර ඇත්තක් ද කියනව නම් වසන්ත අයියටත් අන්තිමට ඉතුරු වුණේ එයා ගාවම හිටපු මැණික් අක්කව විතරයි. දෙන්නා කිරිබත් කෑවෙත් එකටමයි. අන්තිමට වෙඩිකෑවෙත් එකටමයි.

මේක ලියනවද නැද්ද කියල මං දවස් ගාණක් කල්පනා කළා. මේ පින්තූරෙ දැක්ක මොහොතෙ ලියනවමයි කියල මගෙ ඇතුළෙ ඉන්න ලියන්නා එළියට කඩාපැන්නා. අනේක චෝදනා අනේක ගර්ජනා මැද පවා ඒ සියල්ලම පසෙකලා 'දුවෙකුට තමන්ගෙ තාත්තා තරම් වීරයෙක් මිහිපිට නැති බව' මට මතක් වුණා. ඒක වසන්තටත් පොදුයි. ප්‍රභාකරන්ටත් පොදුයි. කුඩාකල මියගිය දියණිය අද උන්නා නම් මහින්ද රාජපක්ෂටත් පොදුයි. ඔය අස්සෙ 'කුමාර හෙට්ටිආරච්චි' කියන කවියා ලියපු 'ධර්මද්වීපය' කියන කෙටි කවිය අකුණක් ගහන්නා වගේ මගේ ඔළුවට කෙටුවා. මේං ඒ කෙටි කවිය. කියවන්න ! හුස්මක් අරං හිතන්න.

ධර්මද්වීපය

ටාං

ටාං

ටාං

ඩෝං

ඩෝං

ඩෝං !

| සටහන - කසුන් මහේන්ද්‍ර හීනටිගල''

තෙල් ප්‍රවාහන නෞකාවක් ඕමාන මුහුදේදී අනතුරට... ශ්‍රී ලාංකිකයන් ඇතුළු 16 දෙනෙකුට අත් වූ ඉරණම!

කොමොරෝස් දුපත් ධජය යටතේ යාත්‍රා කළ ඉන්ධන ප්‍රවාහන නෞකාවක් ඕමාන මුහුදේදී අනතුරට ලක්වීමෙන් එහි සේවය කළ ශ්‍රී ලාංකිකයින් තිදෙනෙකු ඇතුළු 16 දෙනෙකු ගෙන් යුත් කාර්ය මණ්ඩලය අතුරුදන්ව ඇති බව ඕමානයේ සමුද්‍රීය ආරක්ෂක ඒජන්සිය නිවේදනය කර සිටිනවා.

එලෙස අනතුරට පත්වූ නෞකාවේ කාර්ය මණ්ඩලයේ සිටි සෙසු 13 දෙනා ඉන්දීය ජාතිකයින් වේ.

මෙලෙස අනතුරට ලක්ව ඇත්තේ ‘ප්‍රෙස්ටීජ් ෆැල්කන්’ නම් වූ මීටර් 117ක දිගින් යුත් ඉන්ධන ප්‍රවාහන නෞකාවක් බව ඕමාන බලධාරීන් පවසයි.

නෞකාව යේමනයේ ඒඩන් වරාය වෙත යාත්‍රා කරමින් තිබූ බව පැවසෙයි.

ක්ලබ් වසන්තව ඝාතනය කළ කුලී ඝාතකයින් ට්‍රෝලර් යාත්‍රාවකින් රටින් පලා යයි

අතුරුගිරිය ටැටූ මධ්‍යස්ථානයට කඩාවැදී ක්ලබ් වසන්ත ඇතුළු දෙදෙනකු වෙඩි තබා ඝාතනය කර, ගායන ශිල්පිනි කේ. සුජීවා ඇතුළු සිව්දෙනකුට බරපතළ තුවාල සිදු කළ පාතාල ලෝකයේ කුලී ඝාතකයන් දෙදෙනා රටින් පලා යන්නට ඇති බවට විමර්ශන කණ්ඩායම් සැක පහළ කරයි.

මොවුන් දකුණු මුහුදු තීරය ඔස්සේ ට්‍රෝලර් යාත්‍රාවකින් රටින් පලා යන්නට ඇති බවට සැක පහළ කරන බව ජ්‍යෙෂ්ඨ නිලධාරීහු කීපදෙනෙක්ම දිවයිනට පැවැසූහ.

මෙම කුලී ඝාතකයන් පලා ගිය බවට තොරතුරු ලැබුණු ස්ථාන කීපයක්ම පොලිසිය සහ පොලිස් විශේෂ කාර්ය බළකාය විසින් පරීක්‍ෂාවට ලක්කළ ද ඔවුන් පිළිබඳ කිසිදු හෝඩුවාවක් සොයාගැනීමට හැකිවී නැත.

මේ සම්බන්ධයෙන් දිවයින කළ විමසීමකදී විමර්ශනවලට සම්බන්ධ උසස් නිලධාරියෙක් මෙසේ කියා සිටියේය.

මේ වගේ සැලසුම්සහගත ම්ලේච්ඡ ප්‍රහාරයක් එල්ල කළාම ඒකට සම්බන්ධ ප්‍රධානම සැකකරුවන් රටින් පනින්න ලෑස්ති කරගෙන තමයි ප්‍රහාරය එල්ල කරන්නේ.

ඒ නිසා ප්‍රහාරයෙන් පස්සෙ පැය 24ක් ගතවෙන්න ඉස්සර ඝාතකයො දෙන්න රටින් පනින්න ඇති කියල විශ්වාස කරනවා. ඒත් මේ දෙන්න පැන්න කියලා නිවැරදිම තොරතුරු, සාක්‍ෂි අපට ලැබිලා නැහැ.

මෙම ප්‍රහාරය එල්ල කළ කුලී ඝාතකයන් දෙදෙනා ආරක්‍ෂක අංශයට සම්බන්ධ වී සිටි පුද්ගලයන් බවට සැකකරන බවත්, ඔවුන් ප්‍රහාරය එල්ල කළ ආකාරයෙන් එය තහවුරු වන බවත් විමර්ශන නිලධාරීහු පවසති.

ක්ලබ් වසන්ත ඝාතන සිද්ධිය සම්බන්ධයෙන් මේ වනවිට පොලිස් කණ්ඩායම් 10කට ආසන්න පිරිසක් විමර්ශන පවත්වාගෙන යයි.

ප්‍රහාරය සම්බන්ධයෙන් විවිධ අයුරින් සහාය වූ පුද්ගලයන් 07දෙනෙක් මේ වනවිට අත්අඩංගුවට ගෙන බන්ධනාගාරගත කරනු ලැබ සිටිති.

එහෙත් මෙම ප්‍රහාරයේ කුලී ඝාතකයන් දෙදෙනා හෝ එය සැලසුම් කළ පුද්ගලයන් කිසිවකුත් මේ වනතුරු අත්අඩංගුවට ගෙන නොමැත.

කංජිපානි ඉම්රාන්, ලොකු පැටී, උනාකූරුවේ ශාන්ත, රොටඹෙ අමිල ඇතුළු පාතාල ප්‍රබලයන් පිරිසක් මෙම ප්‍රහාරය මෙහෙයවූ බවට ආරක්‍ෂක අංශ විශ්වාස කරයි.

ක්ලබ් වසන්ත ඝාතනයට වෙඩික්කරුවන් පැමිණි මෝටර් රථයට මුදල් ගෙවා ඇත්තේ ටැටූ දුලාන්ද?

සුරේන්ද්‍ර වසන්ත පෙරේරා හෙවත් ක්ලබ් වසන්ත නමැත්තා ඇතුළු දෙදෙනෙකු වෙඩි තබා ඝාතනය කිරීම සඳහා වෙඩික්කරුවන් පැමිණි සහ පළායාමට භාවිතා කළ මෝටර් රථ සඳහා ගෙවීම් සහ පහසුකම් සලසා ඇත්තේ කවුද..?

මේ කියන්න යන්නේ අන්න ඒ ගැන කතාවක්..

දැනට සැකපිට අත්අඩංගුවට ගෙන සිටින ටැටූ මධ්‍යස්ථානයේ හිමිකරු වන දුලාන් සංජුල නමැත්තා මෙලෙස අදාල මෝටර් රථයට බවට අනාවරණය වී තිබෙනවා..

ඒ ඔහුගෙන් සිදු කළ වැඩිදුර ප්‍රශ්න කිරීම්වලදීයි..

මේ අතර වෙඩි තැබීම සිදුවන අවස්ථාවේදී ටැටූ මධ්‍යස්ථානය ඉදිරිපිට සිටි දැනට අත්අඩංගුවේ පසුවන ටැටූ මධ්‍යස්ථාන හිමිකරුගේ සහෝදරයාගෙන්ද පොලිසිය ප්‍රශ්න කිරීම් ආරම්භ කර තිබෙනවා..

ඔහු ක්ලබ් වසන්ත නමැත්තා එම ස්ථානයට පැමිණි මොහොතේ සිට අදාළ තොරතුරු සිය ජංගම දුරකථනය ඔස්සේ වීඩියෝ තාක්ෂණයෙන් හෝ වෙනත් මාර්ගයකින් සන්නිවේදනය කළේද යන්න පිළිබඳවද විමර්ශන ක්‍රියාත්මකයි..

මාධ්‍යයට නිකුත් කෙරුණු ක්ලබ් වසන්ත නමැත්තාට වෙඩි වැදෙන ආකාරය දැක්වෙන සීසීටීවී දර්ශනවල ටැටූ මධ්‍යස්ථාන හිමිකරු එකවරම මධ්‍යස්ථානයේ දොරදෙස බලා සැඟවෙන්නේ ඔහුගේ සහෝදරයාගෙන් ලද සංඥාවක් නිසාද යන්න පිළිබදව විමර්ශන නිලධාරින්ගේ අවදානය යොමුව තිබෙනවා..

ටැටූ මධ්‍යස්ථානය තුළදී සෑම අවස්ථාවකම ක්ලබ් වසන්ත නමැත්තා සහ ටැටූ මධ්‍යස්ථාන හිමිකරු දැඩි පරතරයක් තබා කටයුතු කරන ආකාරය දැක්වෙන බැවින් ඒ පිළිබඳවද විමර්ශන නිලධාරීන් සිය අවධානය යොමුකර තිබෙනවා..

එමෙන්ම ටැටූ මධ්‍යස්ථානය ආරම්භ කිරීමේ සිට ඝාතනය සිදුකෙරෙන අවස්ථාව දක්වා ලොකු පැටී නැමැති සංවිධානාත්මක අපරාධකරුගෙන් ලැබුණු මුදල් අවස්ථානුකූලව පරිහරණය කර ඇත්තේ ටැටූ මධ්‍යස්ථාන හිමිකරුගේ ඥාතීන් විසින් බවට අනාවරණය වී තිබෙනවා..

ඕස්ට්‍රෙලියාවෙදි පුතා මිය ගිය බව බිරි­යට නොදන්වා අව­සන් කට­යුතු කරන්න සූදා­නම් වෙද්දී බිරි­යත් මිය ගියා

අම්මට පිළි­කා­වක් හැදිලා කියලා දැන­ගත්ත දවසෙ ඉඳලා පුතා හිටියේ මාන­සි­කව ඇද වැටිලා. පුතා අන්ත­ර්ජා­ල­යෙන් අම්මගේ ලෙඩේ සුව කරන්න පුළු­වන් විදි සොයා බැලුවා. අම්මායි පුතයි හිටියේ එක අත්තක මල් වගේ. පුතාට කර­ද­ර­යක් නම් අම්මට දරා ගන්න බැහැ. අම්මට කර­ද­ර­යක් නම් පුතාට දරා ගන්න බැහැ. විදේ­ශ­ග­තව සිටින පුතා දින­පතා ගෙද­රට කතා කර­නවා. දවස් තුන­කින් කතා නොකළ නිසා එහේ සිටින ඥාතීන්ට කිව්වා පුතා ගැන සොයා බලන්න කියලා.

ඥාතීන් කතා කරලා කිව්වා පුතා හෘද­යා­බා­ධ­යක් හැදිලා ගෙයි ඇතුළේ මිය ගිහින් සිටියා කියලා. මම බිරි­යට රහ­සින් අව­සන් කට­යුතු එහෙ කරන්න පිය­වර ගනිද්දි බිරි­ඳත් මිය ගියා. පුතයි අම්මායි අතරේ තිබ්බේ සංසා­ර­ගත බැඳී­මක්. මේ දෙන්නාම එක­ටම මිය ගියේ ඒ බැඳීම නිසා යැයි දෙර­ට­කදී එකට අව­සන් ගමන් ගිය සිය බිරිය හා පුතා ගැන අද­හස් දක්ව­මින් සුනිල් ලක්ෂ්මන් මහතා පැව­සීය.

කැල­ණිය, පෙති­යා­ගොඩ, මෑවැල්ල පාරේ අංක 349 නි‍ෙවසේ පදිං­චිව සිටි ග්‍රේස් වෛජ­යන්ති කෙලී මහ­ත්මිය සහ ඔස්ට්‍රේ­ලි­යාවේ මෙල්බර්න් නුවර පදිං­චිව සිටි හර්ෂණ ශ්‍රී මධු­ශංක පුතු දෙර­ටේම නෑහිත මිතු­රන් හඬ­ව­මින් ඊයේ (15) අව­සන් ගමන් ගියේ මේ දෙපො­ළගේ සංසා­ර­ගත බැඳීම මනාව පැහැ­දිලි කර­මිනි.

කැල­ණියේ එම නිවෙ­සට යන විට ඊයේ (15) මවගේ දේහය අව­සන් ගෞර­වය සඳහා එහි තැන්පත් කර තැබිණි.

එමෙන්ම ඇයගේ පුතා වූ හර්ෂණ ශ්‍රී මධු­ශං­කගේ දේහය පිළි­බඳ අව­සන් කට­යුතු ඔස්ට්‍රේ­ලි­යාවේ මෙල්බර්න් හි සිදු වන අයුරු zoom තාක්ෂ­ණය ඔස්සේ දැක ගැනී­මට පවුලේ ඥාතීන්ට අව­ස්ථාව ලැබී තිබිණි. සිය සොහො­යු­රාගේ මර­ණය ගැන සොහො­යු­රිය ද දැඩි කම්ප­න­යට පත්ව සිටි­යාය.

වැඩි­දු­ර­ටත් අද­හස් දක්ව­මින් සුනිල් ලක්ෂ්මන් මහතා මෙසේද කීය.

මේ අම්මයි පුතයි එක ඉත්තක පිපුණු මල් දෙකක් වගෙයි. මගේ නෝනාගේ සහෝ­ද­රි­යන් ඔස්ට්‍රේ­ලි­යාවේ මෙල්බර්න් නුවර ජීව­ත්වෙන්නේ. ඔවුන් එහේ ස්ථීර පදිං­චි­ක­රු­වන්. අපේ පවුලේ දුවයි පුතයි දෙන්නා විත­රයි. ඒ දෙන්නා යාළු­වන් වගෙයි අයි­යට නංගිත් නංගිට අයි­යත් නැතුව බැහැ. අද මමයි දුවයි දෙන්නම තනි වුණා. දුව විවා­හ­කයි දරු­වෙක් ඉන්නවා. අපි මුළු පවු­ලම අගෝස්තු මාසේ ඔස්ට්‍රේ­ලි­යාවේ යන්න සියල්ල සූදා­නම් කර­ගෙ­නයි හිටියේ.

මගේ පුතා ඔස්ට්‍රේ­ලි­යාවේ රැකි­යා­වට ගිහින් දැන් අවු­රුදු පහක් විතර වෙනවා. එයා ව්‍යාපා­රික කට­යුතු වගේම අත තබන ඕනෑම කාර්ය­යක් හරිම උන­න්දු­වෙන් විශ්වා­ස­යෙන් කරන දරු­වෙක්. පුතාගෙ ලොකුම හීනය වෙලා තිබුණේ අපිව ඔස්ට්‍රේ­ලි­යාවේ ස්ථීර පදිං­චි­යට ගෙන්වා ගන්න. අපිට සුව­ප­හ­සු­වෙන් ජීව­ත්වෙන්න ඕනේ කියලා එයා ඔස්ට්‍රේ­ලි­යා­වෙන් ගෙයක් සල්ලි­ව­ලට ගත්තා. අපි හැමෝ­ගෙම බලා­පො­රො­ත්තු­ව­ලට තිත තියලා ඒ දෙන්නා එකට අව­සන් ගමන ගියා.

මේ අවා­ස­නා­වන්ත මරණෙ වෙන­කොට පුතා තනි­යම ඒ ගෙදර පදිංචි වෙලා හිටියේ අපි අගෝ­ස්තු­වල එන­කන්. මගේ නෝනා අස­නීප ගති­යක් පෙන්නුව නිසා අපි එයාව විශේ­ෂඥ වෛද්‍ය­ව­ර­යෙ­කුට පෙන්වලා පරී­ක්ෂණ කළා. එතෙන්දි දැන­ගත්තේ එයාට කැන්සර් එකක් කියලා. නොකියා බැරි නිසා පුතාට කිව්වා. පුතා මේ ගැන මාන­සි­කව ගොඩාක් වේද­නා­වෙන් හිටියේ. එයා තනි­යම ඉන්න කොට නිත­රම අම්මට කෝල් කරලා දුක සැප ඇහුවා.

මගේ නෝනා වේදනා විඳින්න හරිම බයයි. එයාට කිමෝ­තෙ­රපි ප්‍රති­කා­රය කරන්න කියලා ඩොක්ට කිව්වා. මහ­ර­ගම පිළිකා රෝහලේ නව­ත්තලා ඒ ප්‍ර‍තිකා­රය එක් වතා­වක් කළා. ඒ වේද­නාව නැවත විඳින්න නෝනා බයයි. බැහැම කිව්වා. මාව ගෙදර එක්ක යන්න මට තවත් වේදනා විඳින්න බෑ කිව්වා.

පුතා කතා කරලා කිව්වා අම්මෙ ඔයා මෙහේ එන්න ඕනනේ ඉක්මන්ට සනීප වෙන්න එක වතා­වක් හරි ඒ දේ කරන්න කිව්ව­මයි එක වතා­වක් හරි කිමෝ තෙරපි එක කළේ.

පුතා මට ගිය මාසේ 15 කතා කරපු වෙලේ කිව්වා තාත්තේ මෙහේ හරිම සීත­ලයි. මං අද ටීෂර්ට් පහක් ඇඳන් ඉන්නෙ කියලා. අපි ගිය වසරේ සමර් එකට ඔස්ට්‍රේ­ලි­යාවේ ගිහින් ඉඳලා ආවේ. මගේ නෝනා කැම­තියි එහේ ඉන්න. එයාගේ බලා­පො­රො­ත්තුව තිබු­ණෙත් පුතා එක්ක අපි එහේ ඉදිමු කියලා. පහු­ගිය දව­සක පුතා මට කිව්වා තාත්තේ මට අපේ ආය­ත­නයේ කළ­ම­නා­කරු වශ­යෙන් උසස් වීමක් ලැබුණා කියලා. ඒක අහපු නෝනත් ගොඩාක් සතුටු වුණා.

මොනවා ලැබු­ණත් පුතාට එක මොහො­තක නිද­හ­සක් ලැබුණු ගමන් එයා අන්ත­ර්ජා­ලය පීරලා අම්මගෙ ලෙඩේ සනීප කර ගන්න ලෝකේ හොඳම වෛද්‍ය­ව­රුන් ගැන හොයපු එක.

මිය­ගිය ග්‍රේස් වෛජ­යන්ති කෙලී මහ­ත්මි­යගේ අව­සන් කට­යුතු කැල­ණිය පිල­පි­ටිය රෝමානු කතෝ­ලික සුසාන භූමි­යේදී 15 සවස සිදු කිරී­මට නිය­මි­තව තිබිණි.
(දිනමිණ)

අම්බලන්තොටදී ක‍්‍රිකට් ක‍්‍රීඩකයෙකු නිවස ඉදිරියේදී වෙඩි තබා මරයි

අම්බලන්තොට ප්‍රදේශයේ සිදු කරන ලද වෙඩි තැබීමකින් හිටපු ක්‍රිකට් ක්‍රීඩක ධම්මික නිරෝෂන් මරණයට පත්වී තිබේ.

අම්බලන්ගොඩ කන්දේවත්ත ප්‍රදේශයේ පිහිටි ඔහුගේ නිවස ඉදිරිපිට මෙම වෙඩි තැබීම සිදුව ඇත.

පොලිසිය සඳහන් කරන්නේ ඒ වනවිට ඔහුගේ වයස අවුරුදු හතළිස් එකක් වන බවයි.

සිදුවීම සම්බන්ධයෙන් පොලිස් පරීක්ෂණ පැවැත්වෙයි.

මේ වගේ වයසකින් ඇගේ හීන ගිලිහී යයි කියලා ඇය කවදාවත් හිතන්නේ නැතුව ඇති.. දෙවැනි විවාහයෙන් ජීවිතයම අඳුරු කරගත් දෙදරු මවගේ කඳුළු කතාව මෙන්න

මේ කියන්න යන්නේ තවත් කණගාටුදායක පුවතක් ගැන කතාවක්..

දරුවන් දෙදෙනා එක්ක ආදරයෙක් ගත කරපු කාලය මේ තරම් ඉක්මනට අවසන් කරන්න වේවි කියලා ඇය කවදාවත්ම හිතන එකක් නැහැ.. 

ඒත් නොසිතූ මොහොතක ඒ හැම දෙයක්ම වෙනස් වෙලා.. මෙ කියන්නේ අන්න ඒ ගැන කතාවයි.. මේ කතාව අපට ඇසෙන්නේ යාපනය ප්‍රදේශයෙන්.. යාපනය, කොළොම්බුතූර් ප්‍රදේශයේ පදිංචි දෙදරු මවක් තියුණු ආයුධයකින් පහර දී  ඝාතනය කර තිබෙනවා...

ඊයේ සිදුවූ මෙම ඝාතනය සම්බන්ධයෙන් එම කාන්තාවගේ ස්වාමිපුරුෂයා අත්අඩංගුවට ගෙන තිබෙනවා...

34 හැවිරිදි සැකකරු යාපනය මහේස්ත්‍රාත් අධිකරණයට ඉදිරිපත් කිරීමට නියමිතව ඇති බවටයි වාර්තා වෙන්නේ..

මෙලෙස ඝාතනයට ලක්ව ඇත්තේ 29 හැවිරිදි වියේ පසු වූ පුදුකුඩුඉරිප්පු, උඩයාට්ටු ප්‍රදේශයේ පදිංචි කාන්තාවක්..

කෙසේ වෙතත්, ඝාතනයට ලක් වූ මෙම කාන්තාවගේ දෙවැනි විවාහයේ ස්වාමිපුරුෂයා සමඟ ඇති වූ ආරවුලක් මත මෙම අපරාධය සිදුකර ඇති බවයි අනාවරණය වී ඇත්තේ.. 

"එහෙනම් උඹට මේකා හින්දයි මාව එපා වුණේ නේද..." - වෙන්වූ බිරිය වෙනුර සමග සතුටින් සිටිනවා දැක කළ, අහස පොළොව නුහුලන අපරාධය

සැකය නිසා සිදුවන විපත් අතිවිශාලය. බොහෝ පවුල් ආරවුල්වලට ප්‍රධාන හේතුවක් බවට පත්ව ඇත්තේ අනපේක්ෂිතව ඇති කරගන්නා සැකය බවට කිසිම සැකයක් නොමැත.

විශේෂයෙන් තරුණ සිත්වල ආදරය සම්බන්ධයෙන් ඇති වන සැකය කෙළවර වන්නේ සිතා ගැනීමට බැරි තරමේ වෛරයකින් නිසා ලැබෙන ප්‍රතිඵලය අතිභයානකය. පසුගියදා කළුතර ප්‍රදේශයෙන් අසන්නට ලැබුණේ ද තරුණයෙකුට සදහටම දිවි අහිමි කළ ‘සැකයේ’ තවත් එක් ශෝචනීය කතාවක සුලමුලය.

මේ කතාවේ ‘කතා නායකයා’ යන්තම් දැළි රැවුල වැවීගෙන එන වයසේ පසු වූ කොලු ගැටයෙකි. ඔහු නමින් වෙනුරය. අ.පො.ස. සාමාන්‍ය පෙළ විභාගයට පෙනී සිට ඇති මෙම තරුණයා ප්‍රතිඵල බලාපොරොත්තුවෙන් සිටින අතර සුළු රැකියාවක නිරත වීමට ද කටයුතු කළේ නිකරුණේ කාලය ගෙවීමෙන් පළක් නොමැති නිසාය.

ඔහුගේ එකම අරමුණ වූයේ පොලිස් නිලධාරියකු ලෙස රැකියාව කිරීමය. ඒ සඳහා අවශ්‍ය සුදුසුකම් සපුරා ගැනීමට කටයුතු කරන අතරම වස්කඩුව ප්‍රදේශයේ මුද්‍රණ ආයතනයක සුළු රැකියාවක නිරත වීමට ද ඔහු කටයුතු කළේය.

කළුතර, කිතුලාව ප්‍රදේශයේ සංගීත සංදර්ශනයක් පැවැත්වෙන බවට ඔහුට ආරංචි වූයේ ඔය අතරය. මිතුරන් මෙන්ම ඔහු ද ඇඟිලි ගනිමින් බලා සිටියේ සංගීත සංදර්ශනය නැරඹීම සඳහා යාමටය. එදින රැකියාවට ගිය මෙම තරුණයා ඔහු සමඟ එකට රැකියාවේ නිරත මිතුරන් දෙදෙනකු ද සමඟ සංගීත සංදර්ශනය නැරඹීමට පිටත් වූයේ රැකියාවේ වැඩ කටයුතු අවසන් වීමෙන් පසුවය.

මෙම සංගීත සංදර්ශනය පැවතුණේ කිතුලාව, ගමගොඩ, කුමුදු ක්‍රීඩාංගණයේදීය. මේ සඳහා ඔවුන් කිලෝමීටර් පහක් පමණ දුර ගමන් කළ යුතුය. එහෙත් ඒ සඳහා ඔවුන් කෙටි පාරවල් තෝරා ගැනීමට කටයුතු කළේ ඉක්මනින් එහි ළඟා වීම සඳහාය. වෙනුර රැකියාව කරන ආයතනයේම රැකියාව කරන තරුණියක් ද මෙම සංගීත සංදර්ශනය නැරඹීමට පැමිණ සිටියාය.

ඇය පැමිණ සිටියේ ද ඇගේ මිතුරියක් සමඟය. කිතුලාව ප්‍රදේශයේ පදිංචිකාරියක් වන මෙම තරුණිය විවාහකය. ඇය විවාහ වී සිටියේ බෝඹුවල ප්‍රදේශයේ පදිංචි තරුණයෙකු සමඟය. එම දෙපළ මව්පියන් බවට පත් වූයේ කුඩා දරුවෙකුගේ කිරි සුවඳ නිවෙස පුරා දෝරෙ ගලද්දීය. එහෙත් ඔවුන්ගේ කැදැල්ල සිනහවෙන් පිරී ගියේ කෙටි කාලයකට පමණය. නොහොඳ නෝක්කාඩු නොරිස්සුමෙන් ඇරඹුණු පවුල් ජීවිතය දෙදරා යන්නේ හිතා ගන්නටවත් බැරි ආකාරයටය.

මේ නිසා ඇගේ විවාහයට වැඩි ආයුෂයක් තිබුණේම නැත. ඉතා කෙටි කාලයකින් විවාහ දිවිය එපා වූ ඇය දරුවා ද සමඟ මහ ගෙදරට පැමිණියේ නැවත සැමියා දෙසවත් නොබලන අදිටනින් යුතුවය. බිරිය තමා අතහැර මව්පියන් ළඟට යාම පිළිබඳව සැමියා සිටියේ කනස්සල්ලෙන් යුතුවය. තවමත් මාස එකොළහක් වයසැති දරුවාගේ මුහුණ බැලීමටවත් ඉඩක් නොලැබීම ගැන ඔහුට තිබුණේ විශාල දුකකි. මේ අඹුසැමියන් දෙතැනක සිටියද නීතියෙන් වෙන්වීමට කටයුතු කර තිබුණේ නැත.

සැමියා එදින ගමගොඩ, කුමුදු ක්‍රීඩාංගණයට පැමිණෙන්නේ බිරිය එහි පැමිණෙන බවට තිබූ විශ්වාසය මත විය යුතුය. ඔහු පැමිණියේද තනිවම නොව මිතුරෙකු සමඟය. ක්‍රමයෙන් අඳුර ගලාගෙන එද්දී සංගීතය ද දසතින් පැතිරෙන මොහොතේ කුමුදු ක්‍රීඩාංගණය අතුරු සිදුරු නැතුව පිරී යන්නට වූයේ සංගීතයට කැමැති පිරිස් එක පොදියට එකතු කරමිනි.

මෙම කතාවේ කතා නායකයා වන වෙනුරට එම කාන්තාව මුණගැසෙන්නේ මෙහිදීය. දන්නා හඳුනන කෙනෙකු හමු වූ විට කතා කිරීම කාගේත් සිරිතය. ඔහු, ඇය සමඟ කතාවට වැටුණේ එය එතරම් දුරදිග යන කාරණයක් වේ යැයි නොසිතමින් විය යුතුය. එහෙත් මෙම සංගීත සංදර්ශනය නැරඹීමට පැමිණ සිටි දහසක් නෙත් අතර ඇය දෙස ඇස ගසාගෙන සිටි උකුසු දෑසක් තිබෙන බව කිසිවකුත් දැන සිටින්නට නැත.

රාත්‍රි දොළහත් දොළහමාරත් පමණ වන විට සංගීතයේ රිද්මය තීව්‍ර වූ අතර රැඳී සිටි පිරිසේ නර්තනයේ රිද්මය ද පැවතියේ ඉහළ යමිනි. එකිනෙකා තමන්ටම වෙන් වූ සිහින ලෝකවල පාවෙද්දී බෝඹුවල පුද්ගලයාගේ දෑස ගිනියම් වූයේ ඔහුගේ බිරිය වෙන කෙනෙකු හා සතුටින් සිටිනු දැකීම නිසාය. ඔහුගේ සිතේ බුර බුරා ඇවිළී ගියේ කියා නිම කළ නොහැකි වෛරය මුසු කෝපයකි.

“එහෙනම් උඹට මේකා හින්දයි මාව එපා වුණේ නේද. හොඳයි, බලාගමු කුමාරිහාමි ඉස්සරහට මොකද වෙන්නේ කියලා” ඔහු හිත යටින් නොව සැබෑවටම එලෙස මිමිණුවද එම වදන් ඇසුණ කිසිවෙකුත් එහි නොසිටි බව සැබෑය. ඒ තරමටම ඔවුන් සංගීතයට වහ වැටී සිටියේ ලොවම අමතක කරමිනි.

“මොකක්ද යකෝ මගේ ගෑනිත් එක්ක තොට තියෙන කතාව. මම අද දෙකෙන් එකක් කරලා තමයි පස්ස බලන්නේ” යයි බෝඹුවල පුද්ගලයා කෑගැසුවේය.

ඔහු මෙතෙක් වෙලා සඟවාගෙන සිටි පිහිය වෙනුරගේ ගෙල හරහා ඇදී යාමට සැලසුවේ ක්ෂණයකිනි.

කිසිවක් කතා කර ගැනීමටවත් නොහැකිව ලේ විලක් මැද වෙනුර ඇද වැටෙද්දී ඔහුගේ මිතුරන් දෙදෙනා විසින් ඔහු රෝහල්ගත කිරීමට කටයුතු කළත් ඔහුට මෙලොව සිටීමට තවදුරටත් වාසනාව හිමිවී නොතිබිණි.

මෙම තොරතුර කළුතර දකුණ පොලිසියට ලැබෙන්නේ දුරකතන ඇමතුමක් මාර්ගයෙනි. කළුතර කොට්ඨාස භාර ජ්‍යෙෂ්ඨ පොලිස් අධිකාරී කාවින්ද පියසේකර සහ සහකාර පොලිස් අධිකාරී 01 දුමින්ද රාජපක්ෂ යන නිලධාරින් වෙත මෙම තොරතුර දන්වා සිටින කළුතර දකුණ පොලිස් ස්ථානාධිපති ප්‍රධාන පොලිස් පරීක්ෂක රුවන් විජේසිංහ ඇතුළු නිලධාරීන් අපරාධය වූ ස්ථානයටත් කළුතර නාගොඩ ශික්ෂණ රෝහලටත් විමර්ශන කටයුතු සඳහා පිටත් වන්නේ කඩිනමිනි.

මෙලෙස ඝාතනය වී ඇත්තේ තාරපේළිය කංකානම්ගේ වෙනුර නිම්තෙර වනිගසේකර නමැති විසි හැවිරිදි තරුණයෙකු බව අනාවරණය වන්නේ මෙහිදීය. ඔහු දොඩංගොඩ, ජනඋදාන ගම්මානය ප්‍රදේශයේ පදිංචිකරුවෙකි. එක් වැඩිමහල් සහෝදරියක් පමණක් සිටින පවුලේ ඔහු එකම පිරිමි දරුවා ලෙස හැදිවැඩී ඇත්තේ කාගේත් ආදරය නොමඳව ලබමිනි.

වෙනුරගේ මව්පියන් සමාජයේ ඉහළ මට්ටමක රැකියාවල නියුතු අය වන අතර මෙම තරුණයා ද මව්පියන්ගේ ගෞරවය ආරක්ෂා කරමින් ජීවත් වූ අයෙකු බව අනාවරණය වී තිබේ. ඔහුගේ මිතුරන් පොලිසියට පවසා ඇත්තේ ඔහු එම තරුණිය සමඟ මීට පෙර කිසිම වැරදි ඇසුරක් පවත්වා නොමැති බවය.

කළුතර අධිකරණයට මෙම සිද්ධිය වාර්තා කිරීමෙන් පසුව මහේස්ත්‍රාත් පරීක්ෂණය සිදු කළ අතර කළුතර අපරාධ කොට්ඨාසයේ නිලධාරීන් ද එහි පැමිණ ස්ථානීය විමර්ශන සිදු කරන ලදි.

බෝඹුවල ප්‍රදේශයේ පදිංචි සැකකාර 29 හැවිරිදි පුද්ගලයා අත්අඩංගුවට පත්වන්නේ මේ අනුවය. ඝාතනය සඳහා යොදාගත් පිහිය ද ඔහු විසින් පොලිසියට ලබා දී ඇති අතර එදින ඔහු ඇඳ සිටි ලේ තැවරුණු ඇඳුම් පොලිසිය විසින් සිය භාරයට ගැනීමට කටයුතු කර තිබේ.

එම පිහියේ සහ ඇඳුම්වල තැවරී ඇති රුධිරය මරණකරුගේ රුධිරය සමඟ සැසදේදැයි පරීක්ෂා කිරීම සඳහා රස පරීක්ෂක වාර්තාවක් කැඳවීමට කටයුතු කරන බව පොලිසිය පැවැසීය.

කළුතර ශික්‍ෂණ රෝහලේදී පැවැති පශ්චාත් මරණ පරීක්ෂණයේදී අනාවරණය වී ඇත්තේ වෙනුරගේ ගෙල කැපීම නිසා රුධිරය පෙණහලුවලට ගමන් කිරීමෙන් මෙම මරණය සිදුවී ඇති බවය.

තරුණ ජීවිතයක් නිරපරාදේ විනාශ කළ සැකකාර පුද්ගලයාට අවසානයේ දී සිදුවූයේ මහඋළු ගෙදර කල්දේරම් බතේ රස බැලීමටය.
සිළුමිණ 

"දෙපැත්තේම නෑදෑයෝ අන්දුන් කුන්දුන් වෙයි..." - මධුසමය ගෙවා ආ මනාලයාට බඩකට පුරා ගුටි පූජාවක්!

සිය මනාලිය සමග මධු සමය ගෙවා නිවෙසට එමින් සිටි මනාලයෙකි. 

පොලිස් ජීප් රියක් නිවෙස අසල නතර කැරිණි. මනාලිය කාරයේ සිටිය දී මනාලයා අතුරුදන්විය.

කලින් විවාහවූ බව කියන මේ තරුණයා බිරියගෙන් වෙන්ව වසර කීපයක් කල් ගත කළ බිරිය තමන් ගැන යළි නොසොයනු ඇතැයි සිතු ඔහු යළි විවාහයකට ඇතුළත් වීමට තීරණය කළාලූ.

අලූතින් දැන හඳුනාගත් තරුණියක හා යළි පෙමින් වෙළී විවාහයට දින නියම කැර ගත්තාලූ. ඒ අනුව නව මනාලියගේ නිවසේ දී පෝරුවේ චාරිත්‍ර හෙළ සිරිතට සිදුවිය.

යුවළ මධු සමයට පිටත්වූයේ කාගේත් සතුටු සිනා මැදය. මේ අතර තම විවාහක සැමියා තමන්ගෙන් නිත්‍යනුකූලව වෙන් නොවී යළි විවාහයකට ඇතුළත්වූ බව පළමු බිරිය දැන ගත්තාය.

ඇය මේ බව පොලිසියට පැමිණිලි කළාය. ජෝඩුව දැන් නගරයේ හෝටලයක ඉන්නා බව දැන ගන්නට ලැබුණු බවද ඇය කීවාය. පොලිස් පිරිසක් හෝටලයට යන විටත් ජෝඩුව නිවසට යාමට පිටත්ව ගොසිනි.

පොලිස් රිය නිවස බලා ගමන් කළේ පළමු විවාහක බිරියත් සමගය. පොලිස් රිය නිවසට ළං වෙද්දී ජෝඩුව රියෙන් බසින්නට නැකත එනතුරු බලා සිටියහ.

පොලිස් රියත් එහි තම පළමු බිරියත් සිටිනු දුටු මනාලයා අනෙක් දොර හැර කාරයෙන් බැස දුවන්නට වූයේය.

මනාලියත් මනාලියගේ පාර්ශ්වයෙන් ආ නෑදෑයොත් අන්දුන් කුන්දුන්වූහ. පොලිසිය පළමු බිරියට කරුණු පැහැදිලි කරදී අධිකරණ ක්‍රියාමාර්ගයක් ගන්නා බව දැන්වීය.

ටිකවේලාවක් බලා සිටි මනාලියත් නෑයනුත් ආපසු යන්නට හදද්දී එහි ආ මනාලයා නොවඳිනා වැඳුම් වැඳ පිරිස නවත්වාගෙන දිවා ආහාරයෙන් සංග්‍රහකොට පිටත්කර හැරීමට ගත් උත්සාහය අසාර්ථක විය. 

ඔවුන්ගෙන් ඔහුට බඩ කටපුරා කන්නට ලැබිණි. ඒ බත්මාළු නොවේ.

හිරුණිකාට බරපතල වැඩ දෙන්න හිරගෙදර වැඩ අංශයට යොමු කරයි

බන්ධනාගාරගතව පසුවන හිරුණිකා ප්‍රේමචන්ද්‍ර මහත්මිය කාන්තා සිරමැදිරියේ වැඩ අංශයකට යොමුකර ඇතැයි බන්ධනාගාර කොමසාරිස් මාධ්‍ය ප්‍රකාශක ගාමිණී බී. දිසානායක මහතා පැවසීය.

වැඩ අංශයේ හිරුණිකාට පැවරී ඇති රාජකාරිය සම්බන්ධයෙන් විමසූ අවස්ථාවේ මාධ්‍ය ප්‍රකාශකවරයා කිසිවක් සඳහන් කළේ නැත.

ක්‍රිකට් ක්‍රීඩකයන්ට සමාජ ජාල, වීඩියෝ ක්‍රීඩා, චිත‍්‍රපට, කොට කලිසම්, සෙරෙප්පු තහනම් කරයි

ශ්‍රී ලංකා ක්‍රිකට් කණ්ඩායමේ ක්‍රීඩකයන්ට තරගාවලී අතරතුර සමාජ මාධ්‍ය භාවිතය, වීඩියෝ ක්‍රීඩා, රාත්‍රී චිත්‍රපට නරඹීම ඇතුළු ක‍්‍රියාවන්හි යෙදීම තහනම් කර තිබේ.

ඒ ශ‍්‍රී ලංකා ක්‍රිකට් ආයතනය විසින් ක්‍රීඩකයන් හා පුහුණු කාර්ය මණ්ඩලය වෙනුවෙන් හඳුන්වා දෙති දී ඇති නව නීති හා මාර්ගෝපදේශ අනුවයි.

මෙම ක්‍රියාමාර්ග ගෙන ඇත්තේ ශ්‍රී ලංකා ක්‍රිකට් ප්‍රතිරූපය හා ක්‍රිකට් විනය වෘත්තීය භාවය රැක ගැනීම වෙනුවෙනි.

එහිදී ක්‍රීඩක ඇඳුම් පැළඳුම් ගමන් බිමන් හා සමාජ මාධ්‍ය භාවිතය ගැන දැඩි අවධානය යොමු කර තිබේ.

කණ්ඩායමේ ක‍්‍රීඩකයන් ඡායාරූප ගැනීමේදී කමිසය කලිසම හා බ්ලේසරය පැළඳීම අනිවාර්ය කර තිබේ.

තරග වලදී කාසියේ වාසිය, ජාතික ගීය, සම්මාන පිරිනැමීම සහ මාධ්‍ය සාකච්ඡා වැනි අවස්ථාව වෙනුවෙන් ක්‍රීඩා ඇඳුම පැළඳීම අනිවාර්ය කර ඇති අතර සෙරෙප්පු සහ කොට කලිසම් ඇඳීම තහනම් කිරීමටද කටයුතු කර ඇත.

ක‍්‍රීකට් ආයතනයේ අවසරයක් නැතුව ක්‍රීඩකයන් හා පුහුණු කාර්ය මණ්ඩල සාමාජිකයන්ට සමාජ මාධ්‍ය වෙත අදහස් ලබාදීමද තහනම් කර තිබේ.

පුහුණුවීම් කරන අවස්ථාවේදී ජංගම දුරකථන භාවිතය ද තහනම් කර ඇති අතර සංචාරයන් අතරවාරයේදී ක්‍රීඩක කළමනාකරැවන් හමුවීම හා ඔවුන් කණ්ඩායම් රැස්වීම් සඳහා සම්බන්ධ කරගැනීමට ද සීමා පනවා ඇත.