මොනරාගල දිස්ත්රික් මහ රෝහලේ ඉදි කරමින් පවතින සිව්මහල් ගොඩනැඟිල්ලට කොන්ක්රීට් මිශ්රණ පොම්ප කරමින් තිබුණු යන්ත්රයක බටයක් ඊයේ (30) පුපුරායෑමෙන් කොන්ක්රීට් මිශ්රණ අලුත උපන් බිලිඳුන් සහ මව්වරුන් සිටින රෝහල් වාට්ටුවක වහලය ද කඩාගෙන ඇඳන් මතට වැටී තිබේ.
රෝහලේ 15 වාට්ටුවේ සිවිලිම ද කඩාගෙන මේ කොන්ක්රීට් මිශ්රණ ඇඟට වැටීමෙන් මව්වරුන් තිදෙනෙක්, සිඟිත්තන් පස්දෙනෙක් සහ පවුල් සෞඛ්ය සේවිකාවක් තුවාල ලබා ඇතැයි මොනරාගල රෝහල් පොලීසිය පවසයි. පෙරවරු 10.00ට පමණ අනතුර සිදු වී තිබෙන අතර 15 වාට්ටුවේ සිටින්නේ දරු ප්රසූතියෙන් පසු දරුවන් සමඟ සිටින මව්වරුන් සහ දරුවන්ය.රෝහලේ සිටි සේවක සේවිකාවන් සහ වෛද්යවරු වහා ක්රියාත්මක වී කොන්ක්රීට්වලින් නැහැවුණු බිලිඳුන් සහ මව්වරුන් ප්රතිකාර සඳහා යොමු කර ඇත. ඔවුන්ගේ තත්ත්වය බරපතළ නොවන බව රෝහල් ආරංචි මාර්ග පවසයි. වාට්ටුවේ සිටි අනෙක් මව්වරුන් සහ සිඟිත්තන් වෙනත් වාට්ටුවකට යොමු කර ඇත.
