අද (09) උදෑසන නිරිතදිග පාකිස්තානයේ ක්වෙටා හි දුම්රිය ස්ථානයක මරාගෙන මැරෙන බෝම්බ ප්‍රහාරයක් සිදුව ඇති බව විදෙස් මාධ්‍ය වාර්තා කරයි.
මෙම බෝම්බ පිපිරීමෙන් අවම වශයෙන් පුද්ගලයින් 24 දෙනෙකු මියගොස් තවත් 53 කට වැඩි පිරිසක් තුවාල ලබා ඇති බව පාකිස්තාන ආරක්ෂක අංශ සදහන් කරයි.
පාකිස්තාන බෙදුම්වාදී වාර්ගික සටන්කාමී කණ්ඩායමක් විසින් මෙම ප්‍රහාරය එල්ල කරන්නට ඇති බවට පාකිස්තාන ආරක්ෂක මේ වනවිට කරුණු අනාවරණය කරගෙන ඇත.
ප්‍රධාන දුම්රිය ස්ථානයේ වේදිකාවක් මත පෙරවරු 9.00ට පමණ මෙම පිපිරීම සිදුව ඇති අතර එම සිද්ධිය සම්බන්ධයෙන් පරීක්ෂණයක් පවත්වන ලෙස පළාතේ ප්‍රධාන අමාත්‍ය සර්ෆ්‍රාස් බුග්ටි නියෝග කර ඇත.
