පෞද්ගලික ආයතනයක පන්තියකට යාමට යයි පවසා උදේ දහයට පමණ නිවසින් ගිය පුතා තම පෙම්වතිය සමඟ පෙම්වතියගේ උපන්දිනය සැමරීම සඳහා ජන්ගල් බීච් රූමස්සලට ගිය තරුණයා දින 16ක් පමණ තිස්සේ අතුරුදන්ව ඇතැයි ද, මෙම අතුරුදන්වීම සැක සහිත යයි තරුණයාගේ මව පවසයි.
ගාල්ල ප්‍රදේශයේ පදිංචි මොවුන් තරුණයා අතුරුදන්වීම සම්බන්ධයෙන් පෙම්වතිය පොලිසියට පවසා ඇති අයුරින් මුහුදට වැටී රළපහරට ගසාගෙන ගියේනම් මේ වනවිට ඒ පිළිබඳ තොරතුරක් ලැබී තිබිය යුතු යයි ද පවසන මව මේ හේතුවෙන් මහත් අසරණ තත්ත්වයකට පත්ව සිටී.
ඔහු පසුගිය 18 වන දින මෙසේ පෙම්වතිය සමඟ ගොස් ඇති අතර ගාල්ල නගරයේ සුපිරි වෙළඳසැලකින් කේක් ගෙඩියක් ගෙන ඇති බවට තොරතුරු අනාවරණය වී ඇත. ඉන්පසු උපන්දිනය සැමරීම සඳහා රූමස්සල ජංගල් බීච් ගොස් ඇති බව ද පවසයි. මෙහි දී තවදුරටත් මව පවසන්නේ සවස පහේ සිට පුතුට දුරකතන ඇමතුම් ගත්තත් දුරකතනය ක්‍රියා විරහිත වී ඇති බවක් දැනගන්නට ලැබුනේ යයි ද ඒසේ දිගින් දිගටම දුරකතන ඇමතුම් ගැනීමට උත්සාහ කිරීමේ දී රාත්‍රී 7ට පමණ කිසියම් අයෙක් දුරකතන ඇමතුමක් මගින් පුතාට යම් කරදරයක් වී පොලිසියේ සිටින බවත් එමනිසා පොලිසියට පැමිණෙනලෙස පැවැසීය.
ඒ අනුව පෙම්වතියගේ යහළු ළමයකු අතුරුදන් තරුණයාගේ මව සමඟ හබරාදූව පොලිසියට ගිය අපට පුතා එහි නොමැති බව පෙනුන අතර තරුණිය පැවසූ අයුරින් පසුව සොයාබැලීමේ දී ඔවුන් දෙදනා ගලක්මත සිටිනවිට රළපහරක් පැමිණ දෙදනාම මුහුදට වැටුන බවත් එහිදී ඇය ඔරුවකින් පැමිණි පිරිසක් බේරාගත් බවත් තරුණයා මුහුදේ ගසාගෙන ගිය බවත් පවසා ඇත. මගේ පුතා රළපහරට ගසාගෙන ගිය බවක් තරුණිය පොලිසියට පවසා ඇති බව වැඩිදුරටත් දැනගැනීමට ලැබුණු බවත් මව පවසයි. කෙසේ වුවද තවදුරටත් මව පැවසුවේ තමාගේ පුතාට හොඳට පිහිනීමට හැකි බවත් ඔහු පාසලේ ස්විමින් කරන අයෙක් බවත් මුහුදට වැටුනානම් ඔහු දිය යටට නොයන පුද්ගලයෙක් යැයි ද කෙසේ හෝ පීනාගෙන ඒමට හැකි අයෙක් බව කියයි.
කෙසේ වුවද සිද්ධිය සිදුවී දින ගණනක් ගත වුවත් තම පුතාගැන කිසිඳු තොරතුරක් නොලැබුණු නිසා මෙම සිදුවීම් ගැන ප්‍රබල සැකයක් ඇතැයි ද පවසන මව තම පුතු නගරයේ ප්‍රසිද්ධ පාසලක ඉගෙනුම ලබන බවත් ඔහු එම පන්තියේ ශිෂ්‍ය නායකයෙක් බවත් පවසන අතර ක්‍රිකට් කණ්ඩායමේ සාමාජිකයකු බව ද පිහිනීමටද දක්ෂයකු බව ද පවසා සිටී.
සම්භන්ධය ඇතිකරගෙන ඇති තරුණිය එම ප්‍රදේශයේ තරුණියක් වන බව පැවසූ මව ඔවුන් දෙදනා අතර වයස් පරතරයක් තිබුණු බවත් එනම් තම පුතු ඇයගේ පෙම්වතියට වඩා අඩු වයසේ පසුවුණු බව ද කියයි. එමෙන්ම අතුරුදන් තරුණයාගේ මව තවත් අනාවරණයක් කරමින් පවසන්නේ මොවුන් දෙදනාගේ ප්‍රේම සම්බන්ධයට තරුණිය මීට පෙර යහළුවී සිටි තරුණයා විරුද්ධව සිට ඇති බවත් ඔහු තම පුතාට පහරදීමට සිටින බව පුතා ඔහුගේ යහළුවකුට පවසා ඇති බවත් දැනගැනීමට ලැබුනේ යයි ද කීය.මේ අනතුර පිළිබඳ කියන සියල්ලම තරුණිය පවසන තොරතුරු බවත් මොවුන් මුහුදට වැටීම හෝ ගසාගෙන යාම බේරාගැනීම යන කිසිවක් දැක ඇති කෙනෙක් හෝ තොරතුරක් දන්නා කෙනෙක් පොලිසියට ප්‍රකාශයක් ලබාදීම හෝ තොරතුරක් දීම සිදුවූවාදැයි යන්න නොදන්නා බව ද කියයි.
මවගේ රැකවරණය යටතේ සිටි පුතු අහිමිවීම ගැන මව දැඩි කනස්සල්ලකින් පසුවන අතර තම පුතුගේ පියාද නැති බැවින් මවට පැහැදිලි තොරතුරක් තවමත් නොලැබී ඇති බව ද පවසයි. මෙම සිද්ධියේ තොරතුරු එකිනෙකට පරස්පර තොරතුරු ලැබෙන බැවින් දරුවාගේ අතරුදන්වීම ප්‍රභල සැකයකට තුඩුදී ඇති බව පවසන අතර මුහුදේ රළපහරට ගසාගෙන ගියානම් යම් තොරතුරක් මේ වනවිට දැනගැනීමට ලැබිය යුතු යයි ද අවධාරණය කර සිටී. තම පුතු තවමත් ජීවත්ව සිටින්නේ යැයි පවසන අතුරුදන් තරුණයාගේ මව ඇතුළු ඥාතීන් මේ පිළිබඳ සාධාරණය ඉටුකරදෙන ලෙස ඉල්ලා සිටී. තම පුතු මුහුදට වැටී රළ පහරට හසුවී ගසාගෙන ගියානම් කුමන හෝ හෝඩුවාවක් ලැබෙන්නට ඔනෙමයි පවසන තරුණයාගේ මව ඇතුළු ඥාතීන් අතුරුදන්ව ඇති තම දරුවා සොයාගැනීම‌ට ඔවුන්ට කළහැකි උපරිමයෙන් කටයුතු කරමින් සිටින බව ද පැවසේ.
(සුනිල් ගමගේ)
