ඒ, ඔස්ට්‍රේලියාවේ පැවැති විස්සයි විස්ස ලෝක කුසලාන තරගාවලිය අතරතුර එල්ල වූ ලිංගික හිංසනයක් සම්බන්ධයෙන් වන නඩුවෙන් නිවැරදිකරු බවට ඔප්පු වීමෙන් අනතුරුවයි.
එරට තරුණියක් අපයෝජනය කිරීමේ සිද්ධියට සම්බන්ධයෙන් දනුෂ්ක ගුණතිලකව අත්අඩංගුවට ගනු ලැබුවේ පසුගිය වසරේ නොවැම්බර් 06 වනදායි.
අත්අඩංගුවට ගත් ඔහුව රැඳවුම් නියෝග මත රඳවාගත් අතර ඉන් අනතුරුව අධිකරණය විසින් දැඩි කොන්දේසි සහිත ඇප මත මුදාහැරුණා.
මාස 11කට ආසන්න කාලයක් පැවැති නඩු විභාගයෙන් අනතුරුව පසුගිය 28 වනදා ඔහු ව නිදොස් කොට නිදහස් කිරීමටයි අධිකරණය කටයුතු කළේ.
අවසන් නඩු වාරය සඳහා දනුෂ්ක ගුණතිලක කාන්තාවක් සමඟ අධිකරණයට පැමිණ සිටි අතර ඇය ද ඔහු සමඟ මේ වනවිට ශ්‍රී ලංකාවට පැමිණ ඇති බව සඳහන්.
