ඔහු අන් 'කවරෙක්' හෝ නොවන 'ගනේමුල්ල සංජීව'යි.
සංවිධානාත්මක 'අපරාධකරුවන්ගේ' ලැයිස්තුවේ ප්‍රධාන තැනක් ගත් 'පාතාල නායකයෙකු' ලෙස මාධ්‍ය විසින් හඳුන්වා දුන් 'ගනේමුල්ල සංජීව' මීට කලකට පෙර දී 'රටින් පැන' ගොස් තිබුණා.
නමුත් නැවත වතාවක් ඔහු පැමිණ ඇත්තෙ 'ජාත්‍යන්තර රතු වරෙන්තුවක්' මත දිගින් දිගටම 'විදෙස් රටවල' රැඳී සිටීම 'අවදානම් සහගත' නිසාවෙනු යි.
මේ වන විට අත්අඩංගුවේ සිටින 'සංජීව' නිදහස් කරගැනීමට ගම්පහ හිටපු ඇමතිවරයෙකු ද 'දත කමින්' සිටින බැව් පසුගිය දිනෙක සතිඅන්ත පුවත්පතක් වාර්තා කර තිබුණා.
මීට දින ගණනාවකට පෙර 'ගනේමුල්ල සංජීව'ගේ යැයි සඳහන් 'හඬ සංවාද' පටයක වීඩියෝවක් ද සමාජ මාධ්‍යයේ හුවමාරු වූ අතර, එහි 'සංජීව' කාන්තාවකට ඇමතුමක් ලබාදෙන අයුරු දැකගත හැකිවුණා.
'ඔය ගාමිණිගේ දුව නේද? සුරංග මුතුකුඩගේ බිල්ඩන් එක... ගනේමුල්ල සංජීව කතා කරන්නෙ...' (අදාළ හඬපටයේ සඳහන් සංවාදය...)
මෙම හඬපටය හිමි අන් කිසිවෙකුට නොව ප්‍රබල ව්‍යාපාරිකවක් වන හරිනි විජේතුංගට යි. (ඇය ව්‍යාපාරික ගාමිණි විජේතුංගගේ දියණියයි.)
පසුගිය දිනෙක මාධ්‍යවේදී 'චමුදිත සමරවික්‍රම' සමඟ 'සම්මුඛ සාකච්ඡාවක'ට එක් වෙමින් 'හරිනි විජේතුංග' මෙම හඬපටය ගැනත්, ඇයට 'ගනේමුල්ල සංජීව' විසින් සිදු කෙරූ තර්ජන පිටුපස ඇති 'කතාවත්' මෙසේ හෙළිදරවු කර තිබුණා.
'මේ ආවේ නෝමල් කෝල් එකක්. ගනේමුල්ල සංජීවගෙන් එන්නෙ. මේ තමයි එකම කෝල් එක මට ආපු... මට විශ්වාසයි මේ මාව මරන්න කොන්ට්‍රැක් එක් දීලා තියෙන්නෙ සුරංග මුතුකුඩ. ගනේමුල්ල සංජීව ඇතුළට දාන ගේම ගැහුවේ මං. ඔත්තුව දුන්නෙ විදෙස් බුද්ධි අංශයකට...'
ඔබ වැඩ කරන්නෙ ජොන්සන්ටන්ට? (චමුදිත)
'සාක්ෂි තියනවද? පොදු පෙරමුණේ රැස්වීමකට සහභාගී වුණා කියලා දේශපාලකයින් ට වැඩ කරනවා කියලා කියන්නෙ කොහොමද?'
සංජීව ලංකාවට එන්නෙ ඔයාව මරන්නද? ගෙදරට වෙඩි තියපු අය මරන්නද? (චමුදිත)
අනිවාර්යෙන්ම මාව මරන්න නේද? එහෙම කියලා හිතන්න වෙනවා. මොකද ඔහු මට ප්‍රබල තර්ජනයක්නේ කරන්නෙ. මේක ලොකු දේපලක්... දිනේෂ් ෂාෆ්ටර් මරන්නෙ බිලියන 1.4කට. (ඒක මීඩියාවලින් කිවුවනේ... මම කියන එකක් නෙවෙයි...)
දිනේෂ් ෂාෆ්ටර්ව? කවුද මරපු අය? ගාණ දන්නෙ කොහොමද? මම මෙච්චර ප්‍රෝගෑම් කරලත් දන් නෑ. ඔයා දන්නවා, හංඟන්නවා. ඔයාගේ හිනාවෙන් තේරෙනවා ඔයා දන්නවා, හංඟනවා කියලා..... ඔබට දැන් බයක් නැද්ද පාතාලයන්ට මරන එක මරන්න පුළුවන්. (චමුදිත)
'ඒකනේ මම එච්චර පිරිසක් වටේ තියන් ඉන්නෙ. බැකප් දෙකක් යනවා. සිකුරිටි එකේ හත් අට දෙනෙක් ඉන්නවා. වෙපන්ස් අරන් යන් නෑ. දක්ෂ නිලධාරින් ටිකක් ඉන්නවා. අපි ගාව වැඩකරපු කෙනෙක් තමයි සුරංග මුතුකුඩ කියන්නෙ. මැනේජර් කෙනෙක් විදිහට අපි ළඟ වැඩ කරපු මිනිහා මේ.. සුරංග දැන් සල්ලි ගොඩක් වියදම් කරනවා, නීතියේ රැහැනෙන් බේරෙන්න. බෙලෙක්ක චන්දන 7/10 වැනිදා මගේ මූණටම ඇවිල්ලා තර්ජනය කරලා යනවා. මම කුලියාපිටිය පොලිසිය‌ට පැමිණිලි කළා.'
