ඇමරිකා එක්සත් ජනපද විමර්ශන කාර්යාංශය (FBI) විසින් එවනු ලැබූ එම වාර්තා අදාළ සිද්ධිය සම්බන්ධයෙන් වූ අපේක්ෂිත වාර්තාවන් බවත් ඒවාට අනුව මෙම සිද්ධිය සම්බන්ධයෙන් වැඩිදුරටත් විමර්ශන පවත්වන බව අපරාධ පරීක්ෂණ දෙපාර්තමේන්තුව අධිකරණයට දැනුම් දී ඇත.
මේ අතර පාස්කු ඉරිදා බෝම්බ ප්‍රහාරයේ මහ මොළකරු සහරාන් හෂිම්ගේ බිරිඳ වන අබ්දුල් කාදර් ෆාතිමා කාදර් කොටුව මහෙස්ත්‍රාත් අධිකරණය හමුවේ අද දින පැය 02ක පමණ කාලයක් රහස් ප්‍රකාශයක් ලබා දෙනු ලැබුවා.
සහරාන් හෂිම් ගේ බිරිද මෙම ප්‍රකාශය ලබා දුන්නේ කොළඹ කොටුව මහේස්ත්රාත් රංග දිසානායක මහතා ඉදිරියේදි.
මේ වනවිට අපරාධ පරීක්ෂණ දෙපාර්තමේන්තුවේ රඳවා ගෙන සිටින සහරාන් හෂීම් ගේ බිරිඳ මීට පෙර අවස්ථා දෙකකදී මහේස්ත්‍රාත්වරයා හමුවේ රහස් ප්‍රකාශ ලබා දෙනු ලැබුවා.
