ගුරු අත්පොතේ සදහන් තොරතුරු සහ නිර්දේශිත ග්‍රන්ථවල ඇති පරස්පරතා සහිත ප්‍රශ්න කිහිපයක් බහුවර්ණ ප්‍රශ්න පත්‍රයට ඇතුළත්ව තිබෙන බවත්, ලබාදී තිබෙන පිළිතුරු එකිනෙකට වෙනස් බැවින් උසස් පෙළ විභාගයේ ප්‍රශ්න පත්‍රයට උත්තර සැපයීමේදී ශිෂ්‍ය ශිෂ්‍යාවන් ආකාර කිහිපයකට පිළිතුරු සපයා තිබෙන බවත් ඔවුහු සදහන් කරති.
මෙය ශිෂ්‍ය ශිෂ්‍යාවන්ගේ වරදක් නොවන බවත්, මේ නිසා අදාළ ගැටලුවට විසඳුමක් ලෙස ජීව විද්‍යා විෂයෙන් පෙනීසිටි ශිෂ්‍ය ශිෂ්‍යවන්ට සාධාරණයක් ඉටුකළ යුතු බවත් එම පිරිස් පවසා සිටිති. එසේ නව විෂය නිර්දේශයේ පළමුවෙන් ඉංග්‍රීසි පිටපත නිකුත් කර තිබෙන අතර, සිංහල පිටපත පමා කිරීම නිසා ඇතැම් ගුරුවරුන් ඉංග්‍රීසි පිටපතක් පරිවර්තනය කර ඉගැන්වීම් කටයුතු සිදුකර තිබේ.
එහෙත් සිංහල නිර්දේශය නිකුත් වූ පසු ඉංග්‍රීසි පිටපත පරිවර්තනය කිරීමෙන් සිදුකළ සමහර ඉගැන්වීම් වැරදි බවට තහවුරු වී තිබෙන බව ගුරු විදුහල්පති වෘත්තීය සංගම් පෙන්වා දෙයි.
-එච්.අයි.තුෂාර-
