මෙම යෝජනාව එ.ජා.ප. නාගරික මන්ත්‍රී එම්. මලීක්‌ෂා මහතා විසින් ඉදිරිපත් කර තිබූ අතර එහිදී මන්ත්‍රීවරුන් අතර ඇති වූ වාද විවාද වලින් සභාවේ උණුසුම් තත්ත්වයක්‌ ද ඇති විය.
මෙහිදී යෝජනාව ඉදිරිපත් කළ මන්ත්‍රීවරයා හැර සියලුම පක්‌ෂවල මන්ත්‍රීවරුන් අදහස්‌ දක්‌වමින් ප්‍රකාශ කර සිටියේ මෙම වකවානුවේ කිසිදු හේතුවක්‌ නොමැතිව මාර්ගයකට පුද්ගල නාමයක්‌ ඉදිරිපත් කිරීම උචිත නොවන බවයි. මේ සම්බන්ධයෙන් සමාජ මාධ්‍යජාලවලද දැඩි විවේචන එල්ල වෙමින් තිබෙන බවත් ජනතා විරෝධයක්‌ ඇති වීමට ඉඩකඩ ඇති බැවින් මෙම යෝජනාව ප්‍රතික්‌ෂේප කිරීමට සභාව ඒකමතිකව තීරණය කළේය.
