එහිදී අග‍්‍රාමාත්‍යවරයා සඳහන් කර ඇත්තේ අදාළ සියලූ ගැටලූ සඳහා විසඳුම් ලබා දීමට බලාපොරොත්තු වන බවයි. පසුව අග‍්‍රාමාත්‍යවරයා මන්තී‍්‍රවරුන්ගෙන් ඉල්ලා ඇත්තේ තමන් දැරූ අමාත්‍ය ධූර යළි භාර ගන්නා ලෙසයි. ඒ සඳහා මන්ත‍්‍රීවරුන් කිසිදු ප‍්‍රතිචාරයක් දක්වා නොමැති බවයි නෙත් නිවුස් වෙත වාර්තා වන්නේ.
පසුව රැස් වූ එක්සත් ජාතික පෙරමුණේ පාර්ලිමේන්තු කණ්ඩායම් රැස්වීමේදී ද මේ සම්බන්ධයෙන් සාකච්ඡා වී තිබෙනවා. එහිදීද යෝජනා වී ඇත්තේ ඉල්ලා අස් වූ මන්ත‍්‍රීවරුන් යළි අමාත්‍ය ධුරය භාර ගතයුතු බවයි. කෙසේවෙතත් ඒ සම්බන්ධයෙන් මුස්ලිම් මන්තී‍්‍රවරුන් කිසිදු ප‍්‍රතිචාරයක් නොදැක්වූ බව පාර්ලිමේන්තු මන්තී‍්‍ර ඒ. එච්. එම්. ෆවුසි සඳහන් කළා.
කෙසේවෙතත් ඔහු කියාසිටියේ පාස්කු ඉරිදා ප‍්‍රහාරය සම්බන්ධයෙන් කිසිදු මුස්ලිම් මන්ත‍්‍රීවරයෙකු වැරදිකරුවෙකු වී නොමැති බැවින් ඔවුන්ට ඇමති ධුර භාර ගැනීමේදී ගැටලූවක් ඇති නොවන බවයි.
