ජාත්‍යන්තර ක‍්‍රිකට් කවුන්සිලයේ දූෂණ මර්දන කාර්යාලයක් ශ‍්‍රී ලංකාවේදී පිහිටුවීමට පසුගියදා කටයුතු කළ අතර ඒ අනුව දින 15 ක් ඇතුළත අදාළ දුෂණ සම්බන්ධයෙන් හෙළිදරව් කිරීමට සහන කාලයක් ලබාදී තිබේ. එම සහන කාලය ලබන 31 වැනිදායින් අවසන් වේ.
සාමාන්‍යයෙන් දූෂණ සම්බන්ධයෙන් වැරදිකරුවන් වන පුද්ගලයන්ට ජාත්‍යන්තර ක‍්‍රිකට් නීතිය අනුව වසර පහක තරග තහනමක් පනවනු ලැබේ. නමුත් මෙම සහන කාලය තුළදී දූෂණ කළ ඕනෑම පුද්ගලයකුට සමාව දීම සම්බන්ධයෙන් මාලිංග අසතුටට පත්ව ඇති බව වාර්තා වේ.
’වැරදිකරුවන්ට සමාව දීම කරන්නෙ ඇයි දැයි මම දන්නේ නැහැ. මහජනතාව වැරදිකරුවන්ට සමාව දීම සම්බන්ධයෙන් වැරදි අවබෝධයක් ලබා ගනියි.’ යන්න මාලිංගගේ අදහස වී තිබේ. ජාත්‍යන්තර ක‍්‍රිකට් කවුන්සිලය විසින් මෙවැනි සමාවක් ලබාදීමට කරුණු විමසන පළමු අවස්ථාව මෙය වේ.
