මෙම සිද්ධිය අනාවරණය වීමත් සමඟ එම නිලධාරීයාගේ වැඩ තහනම් කිරීමට පොලිස් දෙපාර්තමේන්තුව පියවර ගෙන තිබේ.
පසුගියදා එම නිල ඇඳුම විශේෂ කාර්ය බළකා නිලධාරීන්ට හමුවන අවස්ථාවේ ‘කුමාර් සේකර ජී 31118’ දරන පොලිස් අංක තහඩුවද එම නිලඇඳුමේ කමිස සාක්කුවේ ඉහළින් අමුණා තිබී ඇත.
මත්කුඩු ග‍්‍රෑම් අසූවක් සමඟ අත්අඩංගුවට ගත් රාජේස්වරී නමැති මෙම කාන්තාවගෙන් සිදු කළ ප‍්‍රශ්න කිරිම්වලදී තමන්ට මත් කුඩු තොගය ගෙනවිත් දුන්නේ දැනට සැඟවී සිටින පොලිස් සැරයන්වරයා බවද ඇය පොලිසියට පවසා ඇත.
මෙම කුඩු ජාවාරම්කාරිය කලකට ඉහත එල්ටීටීඊ සංවිධානය බලවත් සමයේ මුහුදු කොටි සාමාජිකයන් සමඟ සබඳතා පවත්වමින් කුඩු ජාවාරමේ නිරත වූ කාන්තාවක බවද අනාවරණය වී තිබේ.
ඇය කිඹුලා ඇළේ ගුණා, ඇතුළු කල්ලියේ සාමාජිකාවක බවද පොලිස් ආරංචි මාර්ග සඳහන් කරයි.
