මේ මස 20 දින අලුයම ගල්පොත්තාවෙල ශ්‍රි පාද රජ මහ විහාරස්ථානයේ ශ්‍රි සුමන සමන් දේවාලය විවෘත
කොට එදින පස්වරු 6 සිට පසුදා පහන් වන තුරු සධාතුක කරඩුව, සමන්දේව ප්‍රතිමාවන් සහ දේවාභරණ වලට චාරිත්‍ර විධි පවත්වා බැතිමතුන්ට පුජා වන්දනා අවස්තාව ලබාදෙන බවයි ශ්‍රිපාදස්ථානාධිපති හිමියන් නිවේදනයක් නිකුත් කරමින් සඳහන් කලේ.
මේ මස 21 වෙනි දින පැල්මඩුල්ල ගල්පොත්තාවෙල රජමහා විහාරස්ථානයේ සිට සර්වඥ ධාතු සහිත කරඩුව සහිත සමන් දේව ප්‍රතිමාව රැගත් රිය පෙරහැර රත්නපුර රජමාවත ඔස්සේත්, රත්නපුර අවිස්සාවේල්ල යටියන්තොට හැටන් මාර්ගය ඔස්සේත් පැල්මඩුල්ල බලංගොඩ බගවන්තලාව මස්කෙලිය මාර්ගය ඔස්සේත් ශ්‍රිපාද උඩු මළුව දක්වා වැඩම කර උදුවප් පොහො දිනයෙන් ශ්‍රිපාද වන්දනා වාරය ආරම්භ කරන බවයි ශ්‍රි පාදස්ථාධිපති හිමියන් මෙම නිවේදනයෙන් සඳහන් කර ඇත්තේ.
බෞද්ධ සිරිත් අනුගමනය කරමින් පරිසර හිතකාමි ලෙස ශ්‍රි පාද වන්දනාව සිදු කරන ලෙස ශ්‍රිපාදස්ථානාධිපති හිමියන් සියළුම ශ්‍රි පාද වන්දනාකරුන්ගෙන් ඉල්ලා සිටිනවා.
