ඒ අනුව මේ වනවිට ඔහු වැලිකඩ බන්ධනාගාරය තුළ
හුදෙකලාව සිටින බව බන්ධනාගාර ආරංචි මාර්ග කියා සිටී.
රක්ෂිත බන්ධනාගාරගත කෙරුණු ආරක්ෂක මාණ්ඩලික ප‍්‍රධානී අද්මිරාල් රවීන්ද්‍ර විජේගුණරත්න මහතා ඊයේ (28) රාත‍්‍රියේ පළමුව රැගෙන ගොස් තිබුණේ කොළඹ නව මැගසින් බන්ධනාගාරයට වන අතර එහිදී වෛද්‍ය පරීක්‍ෂණයකට ද ලක් කෙරුණි. ඔහු පසුව වැලිකඩ බන්ධනාගාරයට මාරු කළේය.
මේ වන විට ඔහු වැලිකඩ බන්ධනාගාරයේ ආරක්‍ෂිත ස්ථානයක රඳවා සිටින බවත් ඔහුගේ ආරක්‍ෂාව වෙනුවෙන් එවැනි තීරණයක් ගෙන ඇති බවත් බන්ධනාගාර නිලධාරීන් පවසයි.
තරුණයින් 11 දෙනෙකු පැහැරගෙන යාමේ සිද්ධියේ සැකකරුවෙකු වන දැනට රක්ෂිත බන්ධනාගාර ගත කර සිටින ලූතිතන් කමාන්ඩර් චන්දන ප‍්‍රසාද් හෙට්ටිආරච්චිට රැකවරණය ලබාදීම සම්බන්ධයෙන් අද්මිරාල් රවීන්ද්‍ර විජේගුණරත්නට චෝදනා එල්ල විය.
ඒ අනුව ඔහු ලබන මස 5 වැනිදා දක්වා රක්ෂිත බන්ධනාගාරගත කරන ලෙස කොළඹ කොටුව මහේස්ත‍්‍රාත් රංග දිසානායක මහතා ඊයේ නියෝග කළේය.
