ඒ අනුව මාතර, රත්නපුර, මහනුවර සහ අනුරාධපුර නගරවලදී අදාළ ක්‍රියාමාර්ග ජනතා විමුක්ති
පෙරමුණේ නායකයන්ගේ ප්‍රධානත්වයෙන් පැවැත්වීමට කටයුතු යොදා තිබෙන බවද ඒ මහතා පැවැසීය.
ජනතා විමුක්ති පෙරමුණේ නායක අනුර දිසානායක මහතාගේ ප්‍රධානත්වයෙන් මාතර නගරයේදිත්, පක්ෂයේ ප්‍රධාන ලේකම් ටිල්වින් සිල්වා මහතාගේ ප්‍රධානත්වයෙන් රත්නපුර නගරයේදීත්, පක්ෂයේ දේශපාලන මණ්ඩල සභික ලාල් කාන්ත මහතාගේ ප්‍රධානත්වයෙන් මහනුවරදීත් පක්ෂයේ දේශපාලන මණ්ඩල සභික විජිත හේරත් මහතාගේ ප්‍රධානත්වයෙන් අනුරාධපුර නගරයේදීත් සිකුරාදා (9) වෙනිදා පස්වරු 3.00ට මෙම විරෝධතා රැලි, පෙළපාළි සහ සම්මන්ත්‍රණ පැවැත්වීමට එම පක්ෂය කටයුතු යොදා ඇත.
මේ මොහොතේ රට තුළ සිදුවෙමින් පවතින ව්‍යවස්ථා විරෝධිවත්, සදාචාර විරෝධිවත් සිදුකළ දේශපාලන කුමන්ත්‍රණයට එරෙහිව පාර්ලිමේන්තුව ඇතුළෙත්, පාර්ලිමේන්තුව පිටතත් අරගල කරන අතර අදාළ එම දේශපාලන කුමන්ත්‍රණය පැරදවීමට ජනතා බලය ගොඩනගන ක්‍රියාමාර්ග රැසක්ද පක්ෂය සැලසුම් කර තිබෙන බවද ඒ මහතා පැවැසීය.
පද්මිණි මාතරගේ
