විසිපස් හැවිරිදි මොහොමඩ් අගෝස්තු 30 වැනිදා ඕස්ට්‍රේලියාවේදී එරට පොලිස් අත්අඩංගුවට පත්විය.
ත්‍රස්ත ප්‍රහාර එල්ල කිරීමට සැලසුම් කළ තොරතුරු
ඇතුළත් වී ඇති බවට සැක කළ සටහන් පොතේ ඇති අත්අකුරු මොහොමඩ් කමර් නිසාම්ඩීන්ගේ අත්අකුරු සමග කිසිදු ගැළපීමක් නොමැති බවට විශේෂඥ පර්යේෂණ මගින් තහවුරු වීමෙන් පසුව පසුගිය මාසයේදී ඔහුට ඇප ලැබුණි.
අද (19) දිනයේ ලැබුණු අධිකරණ තීන්දුවෙන් අනතුරුව ඔහුගේ නීතිඥවරයා පවසා තිබුණේ බලධාරීන් විසින් සිය සේවාදායකයා හට කර ඇත්තේ සමාව ලබාදිය නොහැකි වරදක් බවත්, ඉදිරියේදී නිව් සවුත් වේල්ස් ශ්‍රේෂ්ඨාධිකරණය හමුවේ මේ සම්බන්ධයෙන් යුක්තිය ලබාගැනීමට කටයුතු කරන බවත්ය.
කෙසේවෙතත්, අද දිනයේ අධිකරණයේදී මොහුගෙන් සමාව ගැනීමට ඕස්ට්‍රේලියානු ප්‍රාන්ත පොලිසිය ප්‍රතික්ෂේප කර තිබුණේ නිසාම්ඩීන් ට බලපෑමක් එල්ල කර ඇත්තේ ඉහත සඳහන් සටහන් පොත පසුපස සිටින්නන් බව පවසමිනි.
Posted in: slide
