ඒ අනුව මෙම නඩුවේ විත්තිකරුවන් යැයි නම් කර
සිටින හිටපු ආරක්‍ෂක ලේකම් ගෝඨාභය රාජපක්‍ෂ මහතා ඇතුළු විත්තිකරුවන් 7 දෙනාට අද දින අධිකරණය හමුවේ පෙනී සිටින ලෙස දන්වා මෙම විශේෂ මහාධිකරණය මඟින් ඉකුත්දා සිතාසිද නිකුත් කර තිබිණි.
සම්පත් අබේකෝන්, සම්පත් විජයරත්න සහ චම්පා ජානකී රාජරත්න යන ත්‍රිපුද්ගල විශේෂ මහාධිකරණ විනිසුරු මඬුල්ල හමුවේ මෙම නඩුව කැඳවීමට නියමිතය.
ඉකුත් රජය සමයේ මැදමුලන ඩී.ඒ. රාජපක්‍ෂ අනුස්මරණ කෞතුකාගාරය ඉදිකිරීමේදී රුපියල් මිලියන 49කට ආසන්න රජයේ මුදල් සාවද්‍ය ලෙස පරිහරණය කළේ යැයි චෝදනා කරමින් නීතිපතිවරයා විසින් හිටපු ආරක්‍ෂක ලේකම් ගෝඨාභය රාජපක්‍ෂ මහතා ඇතුළු විත්තිකරුවන් හත්දෙනකුට එරෙහිව මෙම නඩුව ගොනුකර තිබේ.
