ඉන්දියාව, ජපානය වැනි රටවල ද්විත්ව පුරවැසිභාවය ලබා නොදෙන අතර එවැනි රටවල පුරවැසිභාවය ලබාගෙන මෙරට පුරවැසිභාවය අහිමිකරගත් සුවිශේෂී දක්ෂතා ඇති හෝ ආයෝජන හැකියා ඇති
ශ්‍රී ලාංකිකයන් මෙරට ආර්ථික ප්‍රවාහයට එක්කර ගැනීමට මෙම නව වීසා බලපත්‍රය හඳුන්වාදීමේ අරමුණ බවද හෙට්ටිආරච්චි මහතා සඳහන් කළේය.
එම බලපත්‍රයෙන් දිගු කාලයක් ලංකාවේ රැඳී සිටිමේ අවස්ථාව හිමි වන බවද ඔහු කීය.
එම බලපත්‍රය නිකුත් කිරීමේ අධ්‍යන කටයුතු ආරම්භකර ඇති බව පැවසෙන අතර තවත් තුන්මසකින් පමණ එය නිකුත් කිරීමට නියමිත බවද පැවසේ.
මේ විසා බලපත්‍රයට ඉල්ලුම්කරුන් දහස් ගණනක් ඉල්ලුම් කිරීමේ හැකියාව ඇති බවද ආගමන විගමන දෙපාර්තමේන්තුව කියා සිටී.
