අගමැතිවරයාට තමන්ගේ තනතුර බේරා ගත්තද ශ්‍රී ලංකා නිදහස් පක්‍ෂයේ සියළු දෙනාම එක්ව ඡන්දය දුන්නේ නම් ප්‍රතිඵලය වෙනස් වන බවද ඔහු සදහන් කළේය. තමන් මීට පෙර කියූ පරිදි ජනාධිපතිවරයා සිටි පාර්ශවය විශ්වාස භංගයෙන් ජයගත් බවද රාජපක්ෂ මහතා කියා සිටියේය. මෙම ඡන්ද විමසීමේදී
ආණ්‌ඩුව සමග ඡන්දය දෙන ව්‍යාජ විපක්‍ෂය හා සැබෑ විපක්‍ෂය කුමක්‌ද යන්න ඔප්පු වූ බවත් ඒකාබද්ධ විපක්‍ෂය ඉලක්‌කම්වලින් පරාජයට පත්වුවත් දේශපාලන වශයෙන් ජයග්‍රහණය ලැබූ බවත් පැවසූ හිටපු ජනාධිපතිවරයා, තමා මුලසිටම කියූ පරිදි ශ්‍රී ලංකා නිදහස් පක්‍ෂය මුලින් දැරූ මතයේ සිටියා නම් මෙම ප්‍රතිඵලය මෙයට වඩා වෙනස්‌වීමට ඉඩ තිබූ බවත් කියා සිටියේය.
මෙය ජනමතය නොවන බවත් රටේ ජනමතය දැනගැනීමට අවශ්‍ය නම් කල්දමා තිබෙන පළාත් සභා මැතිවරණය පවත්වන ලෙස තමා අභියෝග කරන බවත් හෙතෙම සඳහන් කළේය.
පනස් හතරක් ලෙස තිබූ තම පිළෙහි ඡන්ද සංඛ්‍යාව හැත්තෑව දක්වා ඉහළ යෑම ඒකාබද්ධ විපක්ෂයේ ජයග්‍රහණයක් බව ද හිටපු ජනාධිපතිවරයා පැවසුවේය.
Posted in: slide
