පළාත් පාලන ඡන්ද විමසීමට අදාළව ළමුන් විවිධ ක්‍රම ඔස්සේ දේශපාලන කටයුතු සඳහා සහභාගීකරගන්නා බවට තොරතුරු ලැබී ඇති බව ජාතික
ළමා ආරක්ෂක අධිකාරීයේ සභාපතිනී නීතීඥ මරිනි ද ලිවේරා මහත්මිය පවසයි.
ළමුන් දේශපාලන කටයුතුවලට සහභාගී කරගැනීම මගින් ඔවුන් කායික හෝ මානසික හිංසනයට ලක්වන්නේ නම් එය ළමා අපයෝජනයක් බව ඇය පෙන්වාදෙයි.
එවැනි සිදුවීම් සම්බන්ධයෙන් තොරතුරු ළමා ආරක්ෂක අධිකාරීයේ 1929 දුරකථන අංකයට දැනුම් දෙන ලෙස ද සභාපතිනිය ජනතාවගෙන් ඉල්ලීමක් කරයි.
