එක්සත් ජාතික පක්ෂය ප්‍රමුඛ එක්සත් ජාතික පෙරමුණ පළාත් පාලන මැතිවරණය සඳහා නාමයෝජනා බාරදීමෙන් පසුව කොළඹ මහ නගර සභාව සඳහා පමණක් පුරපති අපේක්ෂකත්වය නම් කර ඇති අතර,
අනෙකුත් සියලුම මහ නගර සභා, නගර සභා සහ ප්‍රාදේශිය සභාවල නගරාධිපති, උප නගරාධිපති හා සභාපති යන තනතුරු විවෘතව තැබීමට එක්සත් ජාතික පක්ෂය තීරණය කර ඇත.
මීට පෙර පැවැති පළාත් පාලන මැතිවරණවලදී මහනගර සභාබොහෝමයක පුරපති ධුර අපේක්ෂකයන් ප්‍රකාශයට පත් කිරීමට එක්සත් ජාතික පක්ෂය කටයුතු කළේය.
පක්ෂයේ ඊළඟ පරම්පරාවට ඉදිරියට ඒමට සලසා දෙන වැදගත් පියවරක් ලෙස සලකා මෙවර පළාත් පාලන මැතිවරණයේදි අනෙකුත් පළාත් පාලන ආයතනවල තනතුරු නම් නොකරන බව සභානායක, උසස් අධ්‍යාපන හා මහාමාර්ග අමාත්‍ය ලක්ෂමන් කිරිඇල්ල මහතා පැවසීය.
Posted in: slide
