ඇස්බැස්ටස් තහනමට හේතුවී ඇත්තේ 1900 මුල් භාගයේදී ඇස්බැස්ටස් පතල්වල සේවය කළ කම්කරුවන් බහුතරයක් පෙනහළු හා සම්බන්ධ රෝගවලින් මියාමය.
ඇස්බැස්ටස්වල අඩංගු සමහර රසායන ද්‍රව්‍ය ආහ්වාසයෙන් පසු දිගු
කාලයක් පෙනහළුවල තැන්පත්වීම නිසා ඒවා පිළිකාබවට පත්වන බවද වෛද්‍යමතය වී තිබේ.
එළඹෙන ජනවාරි 01 වැනිදා සිට ශ්‍රී ලංකාවේද ඇස්බැස්ටස් ආනයනය, භාවිතය හා නිෂ්පාදනය තහනම් කිරීමට පියවර ගෙන තිබිණි.
කෙසේවුවද, පසුගියදා අදාළ තීන්දුව තාවකාලිකව ඉවත් කිරීමට කටයුතු කළේය.
එය ඉවත් කිරීමට තීරණය කරනු ලැබුවේ ලංකාවට ඇස්බැස්ටස් ආනයනය කරනු ලබන ප්‍රධාන රටක්වන රුසියාව විසින් මෙරට තේ ආනයනය කිරීමට තහංචි පැනවීම නිසා බව මේ වන විට පොදු පිළිගැනීම වී තිබේ.
ලොව ඇස්බැස්ටස් නිෂ්පාදනයෙන් හරි අඩකට වඩා වැඩියෙන් සිදුකරනු ලබන්නේ රුසියාව විසින් වන අතර මෙරට ළෙඳපොලට ආනයනය කරනු ලබන ඇස්බැස්ටස් වලින් 25%ක් ආනයනය කරනු ලබන්නේද රුසියාවෙනි.
Posted in: slide
