මහේන්ද්‍ර සිං දෝනි 2008 වසරේදී පිට පිටම තරග 9 කදී ඉන්දීය
කණ්ඩායම ජයග්‍රහණය කරා මෙහෙයවමින් එම වාර්තාව පිහිටුවා ඇති අතර විරාට් කෝලි මේ වන විට පිට පිටම තරග 8 කදී ඉන්දීය කණ්ඩායම ජයග්‍රහණය කරා මෙහෙයවමින් එම වාර්තාවට තවත් ජයග්‍රහණයක් පසු පසින් සිටියි.
ඒ අනුව හෙට පැවැත්වෙන තරගයේදී ඕස්ටේ්‍රලියාව පරාජය කිරීමට ඉන්දීය කණ්ඩායමට හැකි වුවහොත් කෝලිට 2008 වසරේදී දෝනි විසින් පිහිටුවන ලද වාර්තාව සම කිරීමේ අවස්ථාව තිබේ.
මින් පෙර 2013 වසරේදීද කෝලි පිට පිටම තරග 8 කදී ඉන්දීය කණ්ඩායම ජයග්‍රහණය කරා මෙහෙයවමින් එම වාර්තාව අභියසටම පැමිණියද, 9 වැනි තරගය පරාජය වීම නිසා එම වාර්තාව සම කිරීමේ අවස්ථාව ඔහුට මඟහැරී ගියේය.
කෝලිට අමතරව සෞරව් ගංගුලි 2003 වසරේදීද, රාහුල් ඩ්‍රාවිඩ් 2006 වසරේදීද සිය නායකත්වයන් යටතේ පිට පිටම තරග 8 කදී ඉන්දීය කණ්ඩායම ජයග්‍රහණය කරා මෙයෙහවීමට සමත් වූහ.
මේ දිනවල ඉන්දියාව සහ ඕස්ට්‍රේලියාව අතර පැවැත්වෙන තරග 5 කින් සමන්විත එක්දින තරගාවලිය 2-0 ක් ලෙස පෙරමුණ ගැනීමට ඉන්දියාව සමත්ව සිටියි.
Posted in: slide
