කෙසේ වෙතත් මේ කෙටුම්පත ලබන 21 වන දා වනවිට පාර්ලිමේන්තුවට
ඉදිරිපත් කිරීමට අවශ්ය කටයුතු සකස් කරමින් තිබෙන බව ද විශ්වාස කටයුතු ආරංචි මාර්ගයකින් අනාවරණය වේ.
එදිනට සමස්ත පාර්ලිමේන්තුව ම ව්යවස්ථාදායක සභාවක් ලෙස රැස්වීමට නියමිත බව ද අදාළ ආරංචි මාර්ග සඳහන් කරයි.
එහෙත් අගමැති කාර්යාල ආරංචි මාර්ග වැඩිදුරටත් සඳහන් කරන්නේ පක්ෂ අතර එකඟත්වයක් නොමැති වීම නිසා තවදුරටත් අදාළ කෙටුම්පත ඉදිරිපත් කිරීම කල්යාමට ද ඉඩක් ඇති බවයි.
විධායක ජනාධිපති ක්රමය සම්බන්ධයෙන් පවතින මත ගැටුම මෙතෙක් අවසන් වී නැති බවත්, ඒ සම්බන්ධයෙන් ශ්රී ලංකා නිදහස් පක්ෂයේ ස්ථාවරය නිශ්චිතව දැනුම් දී නැති බවත් වාර්තා වේ.
දෙමළ ජාතික සන්ධානය තම ස්ථාවරය ප්රකාශයට පත්කර ඇති අතර, ජනතා විමුක්ති පෙරමුණ ද ඇතැම් කරුණු සම්බන්ධයෙන් නිශ්චිත කරුණු දැක්වීමක් කර නැති බව ව්යවස්ථා මෙහෙයුම් කමිටුවේ සාමාජිකයෙක් සඳහන් කළේය.
මේ නිසා බොහෝ විට ව්යවස්ථා කෙටුම්පත ඉදිරිපත් කිරීම තවදුරටත් ප්රමාද වනු ඇතැයි ඔහු පැවසීය.
(සත්හඬ -සිතාරා කුලරත්න)
Posted in: slide
