කාලාන්තරයක් මුළුල්ලේ පවුලේ ආරවුල් පැවැති අතර අදාළ සිදුවීම වූ
දිනද මෙම කාන්තාව පොලිසියට පැමිණ ඇත්තේ සිය සැමියා පිළිබඳ පැමිණිලි කිරීමටය. ඒ අතර කාලයේ එම කාන්තාවගේ පියාට සැකකරු විසින් පහර දී කපා තුවාල කර ඇති අතර ඔහු ද ලේ ගලන තුවාල ද සහිතව ත්රිරෝද රථයක නැගී ඉංගිරිය පොලිසියට පැමිණ ඇත.
ඒ පසුපසින් හඹාගෙන පැමිණ ඇති සැකකරු පොලිස් පරිශ්රය තුළ රැඳී සිටි සිය බිරිඳටද පිහියෙන් පහර දී තිබේ. පොලිස් නිලධාරීන් වහා මැදිහත්වී කාන්තාව සැකකරුගෙන් මුදාගෙන ඇත. පසුව වහාම පොලිස් පරිශ්රයේ වූ සුවසැරිය ගිලන් රථ සේවය මඟින් හොරණ මූලික රෝහල වෙත කාන්තාව යෑවීමට පියවර ගෙන තිබේ. සැකකරු අත්අඩංගුවට ගෙන ඇත. ඉංගිරිය පොලිසිය වැඩිදුර පරීක්ෂණ පවත්වයි.
-දිවයින
