හමුදා බුද්ධි අංශ විසින් ඒ පිළිබඳව සවිස්තර කරුණු ඇතුලත් රහස් වාර්තාවක් ලබාදී ඇතැයි ජනාධිපති කාර්යාල ජ්‍යෙෂ්ඨ ප්‍රකාශකයකු 'ශ්‍රී ලංකා මිරර්' වෙත පැවසිය.
මෙම කුමන්ත්‍රණය මෙහෙයවනු ලබන විශ්‍රාමික මේජර් ජනරාල්වරයා, මාධ්‍ය අතර ජනප්‍රිය චරිතයක් වන අතර, ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ මහතාගේ හා හිටපු අමාත්‍ය විමල් විරවංශ මහතාගේ සමීප ආධාරකරුවකු බවට හඳුනාගෙන තිබේ.
ඔහු යටතේ යුධ හමුදාවෙන් විශ්‍රාම ගිය හමුදා නිලධාරීන් කිහිප දෙනෙකුගෙන් සමන්විත බුද්ධි තොරතුරු ඒකකයක් ස්ථාපිත කර ඇති බවත්, පාර්ලිමේන්තුව අසල එහි රහසිගත කාර්යාලයක් පවත්වාගෙන යන බවටත් වැඩිදුරටත් තොරතුරු ලැබී ඇතැයි වාර්තාවේ.
