තම තරුණ බිරිඳට අතින් පයින් අමානුෂික ලෙස පහරදී නිවසේ තිබූ ගෘහ භාණ්ඩ පොළොවේ ගසා විනාශ කළ සැමියකු අත්අඩංගුවට ගත් බව මින්නේරිය පොලිසිය පවසයි.
මෙසේ අත්අඩංගුවට ගෙන ඇත්තේ ගිරිතලේ යාය දෙක ප්‍රදේශයේ දේවාලයක් පවත්වාගෙන යන විසිහත් හැවිරිදි කපුවකු බවද පොලිසිය කියයි.
ලද දුරකථන ඇමතුමක් මත පොලිසිය එම ස්ථානයට යන විට පහර කෑ තරුණ බිරිඳ කැලෑ පැන සැඟවී සිට ඇති අතර ඇගේ සැමියා නිවසේ සිට ඇත.
සැකකරු හිඟුරක්ගොඩ මහෙස්ත්‍රාත් අධිකරණයට ඉදිරිපත් කිරීමට කටයුතු යොදා තිබිණි.
මින්නේරිය පොලිස් ස්ථානාධිපති සචී දුමින්ද ප්‍රනාන්දු මහතාගේ මඟපෙන්වීම මත සැරයන් විජේකෝන් (36983) සහ සැරයන් දිනේෂ් (69602) යන මහත්වරුන් දෙදෙනා වැඩිදුර පරීක්ෂණ පවත්වති.
ඇලහැර – නිශ්ශංක වෙලගෙදර
