කහව ප්‍රදේශයේ ජීවත්වූ වසය 59ක් පමණ වන තිදරු මවක් ඇසිඩ් වක්කර ඝාතනය කර ඇති බව අම්බලන්ගොඩ පොලීසිය පවසයි.
ප්‍රදේශයේ පාසලකට ආහාරපාන සැපයූ ගෝනපිනුවල ප්‍රේමලතා නම් කාන්තාවක් එසේ ඝාතනය කර ඇත.
අද (20) අලුයම 4ට පමණ ඇයගේ නිවසට ඇතුළු වූ නාඳුනන පුද්ගලයෙක් ඇය සිය කුස්සියෙහි පොල් ගාමින් සිටිය සාන්ද්‍ර සල්ෆියුරික් අම්ලය (ඇසීඩ්) ඇයගේ හිසට සහ මුහුණ ප්‍රදේශයට වක්කර ඇති බව වාර්තා වේ.
අසල්වාසීන් හා ඥාතීන් එක්ව එම කාන්තාව ත්‍රිරෝද රියකින් බලපිටිය මුලික රෝහලට ඇතුළු කර ඇති අතර ඒ වනවිටත් ඇය මියගොස් සිටි බව සඳහන්.
අම්බලන්ගොඩ පොලීසිය මේ පිළිබඳ ව වැඩිදුර විමර්ශන සිදුකරයි.
