නින්දෙන් ඇවිදීම පිළිබඳ විශේෂඥවරියක වන නීතිඥවරියක නඩු විභාගයක් අතරතුර නින්දට වැටීම හේතුවෙන් විනය පරීක්ෂණයකට මුහුණ දීමට සිදු වී ඇතැයි ලන්ඩන් නුවරින් වාර්තා වෙනවා.
එරට මාධ්ය සඳහන් කරන්නේ රම්යා නාගේෂ් නමැති මේ නීතිඥවරිය පසුගියදා ලන්ඩන් නුවර අධිකරණයකදී එම සිදුවීමට මුහුණ පා ඇතැයිද , නඩු විභාගය අතරතුර දිවා ආහාර විවේකයේදී ඇය මිනිත්තු 45ක් පමණ නින්දට වැටීම හේතුවෙන් ඇගේ සේවාදායකයාගේ සාක්ෂි ඉදිරිපත් කිරිමේ අවස්ථාව ද මඟ හැරී ගොස් ඇති බවයි.
නින්දෙන් ඇවිදීම සම්බන්ධව ග්රන්ථයක් ද ප්රකාශයට පත් කර ඇති නීතිඥවරිය නින්දට වැටී ඇත්තේ පිසන ලද තක්කාලි ආහාරයට ගැනීමෙන් මිනිත්තු පහකට පමණ පසුව බවත්, ඇය නින්දෙන් අවදි වී නැවත අධිකරණ ශාලාවට පැමිණෙද්දී අධිකරණ භාෂණ පරිවර්තක වාර තුනක්ම ඇගේ නඩුව කැඳවා තිබු බවත්, ඇය නොපැමිණීම හේතුවෙන් නඩුව කල් දැමීමට කටයුතු කළ බවත් එරට මාධ්ය වැඩිදුරටත් සදහන් කරනවා.